1 ޞަމޫއީލް 5:8 - ކިތާބުލް މުޤައްދަސާ

⁸ އެހެންވެ އެމީހުން ފިލިސްޠީނުގެ ހުރިހާ ބޮޑުން އެއްތަން ކޮށްފައި އެމީހުންނާ ސުވާލުކުރިއެވެ. ”⁠އިސްރާއީލީންގެ ކަލާނގެ ފޮށިކޮޅާއި މެދު އަހަރެމެން ކަންތައް ކުރަންވީ ކިހިނެއްތޯ؟⁠“ އެމީހުން ޖަވާބުގައި ބުންޏެވެ. ”⁠އިސްރާއީލުގެ ކަލާނގެ ފޮށިކޮޅު ޖައްތަށް ގެންދޭ.⁠“ ދެން އެމީހުން އެ ފޮށިކޮޅު ޖައްތުއަށް ގެންގޮސްފިއެވެ.

1 ޞަމޫއީލް 5:8 ပူးပေါင်းရင်းမြစ်များ

1 ޞަމޫއީލް 17:4

ފިލިސްޠީނުންގެ ލަޝްކަރުގެތެރޭ ޖައްތުގެ އަވަށުން އައިސް ހުރި ޖުލިޔާތޭ ކިއުނު ބިޔަ ފަހުލަވާނަކު ނުކުމެގެން އައެވެ. މީނާގެ އިސްކޮޅުގައި ނުވަ ފޫޓު ހުރެއެވެ.

1 ޞަމޫއީލް 17:52

އިސްރާއީލީންނާއި ޔަހޫޛާގެ ލަޝްކަރު އެމީހުން ފަހައިގަނެ ހަޅޭލަވަމުން ތަޅަމުން މަރަމުން ދުވަމުން ގޮސް ޖައްތުއާއި ޢަޤްރޫންގެ ދޮރާއްޓާ ހަމައަށް ހިނގައްޖެއެވެ. މަރުވެގެން ޖައްތާއި ޝަޢަރާއިމުއާ ދެމެދު މަގުތައް މައްޗަށް ފިލިސްޠީނުން ވެއްޓިފައި ތިއްބެވެ.

1 ޞަމޫއީލް 29:6

އަޚީޝް ރަސްގެފާނު ދާއޫދު ގެންނަވައި ވިދާޅުވިއެވެ. ”⁠މާތްރަސްކަލާނގެ ގަންދީ ހުވާކޮށްފައި ބުނަން. ކަލޭ އައިއްސުރެ މިހާތަނަކަށް ކަލޭގެ އިތުބާރު ގެއްލޭ ކަހަލަ ކަމެއް ކަލޭގެ ފަރާތަކުން ފެނިފައެއް ނެތް. އަހަރެންގެ ސިފައިންގެ ތެރޭގައި ކަލޭ ގެންދަން އަހަރެން ކިތަންމެހާ ވެސް ބޭނުން. އެކަމަކު ފިލިސްޠީނުންގެ ވެރިން ކަލޭ ގެންދާކަށް ބޭނުމެއްނުވޭ.

1 ޞަމޫއީލް 5:11

ޢަގްރޫންގެ މީހުން ފިލިސްޠީނުގެ ވެރިން އެއްތަން ކޮށްފައި ބުންޏެވެ. ”⁠އަހަރެމެން އެންމެން މަރުވުމުގެ ކުރީގައި ކަލޭމެން ތިޔަ މާތްކަލާނގެ ފޮށިކޮޅު ހުރިތަނަށް ގެންދޭ.⁠“ އެ ސަހަރުގެ މީހުން ތިބީ ވަރަށް ބިރުގެންފައެވެ. އެހެނީ މާތްކަލާނގެ އެމީހުންގެ ތެރެއަށް ވަނީ ގަދަ ކޯފާއެއް ފޮނުއްވާފައެވެ.

1 ޞަމޫއީލް 5:7

މި ހުރިހާ ކަމެއް އަޝްދޫދުގެ މީހުންނަށް ފެނުމުން އެމީހުން ބުންޏެވެ. ”⁠މި ކަމަކީ އިސްރާއީލީންގެ ކަލާނގެ ފޮށިކޮޅު މިތަނަށް ގެނައިމާ ވެގެން އުޅޭކަމެއް. މިއީ އެމީހުންގެ ކަލާނގެ އަހަރެމެންގެ ދާޖޫން ކަލާނގެއަށާއި އަހަރެމެންގެ މައްޗަށް ފޮނުއްވި ކޯފާއެއް. އެ ފޮށިކޮޅު މިތާ ބަހައްޓައިގެން ނުވާނެ.⁠“

1 ޞަމޫއީލް 6:2

ދެން އެމީހުންގެ ކަހީނުންނާއި ރާހިބުން އެއްކޮށްފި އެވެ. އެމީހުންނާ ސުވާލު ކުރިއެވެ. ”⁠އަހަރެމެން މާތްރަސްކަލާނގެ ފޮށިކޮޅާއި މެދު ކަން ކުރަންވީ ކިހިނެއްތަ؟ އަހަރެމެން މި ފޮށިކޮޅު އަނބުރާ އެ ހުރިތަނަށް ފޮނުވަން ހަދާނީ ކިހިނެއްތަ؟⁠“