1 ޞަމޫއީލް 4:2 - ކިތާބުލް މުޤައްދަސާ

² ފިލިސްޠީނުން ބަނީ އިސްރާއީލުންނާ ހަމަލަ ދިނުމަށް ތައްޔާރުވުމާއެކު ހަނގުރާމަ ފެށިއްޖެއެވެ. ފިލިސްޠީނުން އިސްރާއީލުގެ ހަތަރުހާސް ސިފައިން މަރާލައި ހަނގުރާމަ ފަތަޙަ ކޮށްފިއެވެ.

1 ޞަމޫއީލް 4:2 ပူးပေါင်းရင်းမြစ်များ

1 ޞަމޫއީލް 17:21

އިސްރާއީލާއި ފިލިސްޠީނުގެ ހަނގުރާމަވެރިން ދެބައިމީހުން ކުރިމަތިލައި ސަފުތައް ރުކުރުވާލާފައި ވެއެވެ.

1 ޞަމޫއީލް 17:8

ޖުލިޔާތު ނުކުމެ ހަޅޭއްލައިގަތެވެ. ”⁠ކަލޭމެން ކީއްކުރަން ސަފުހަދާފައި ހަނގުރާމަ ކުރަން އައިސް ތިޔަ ތިބީ؟ އަހަރެން މީވެސް ފިލިސްޠީނީއެއް. ކަލޭމެން ތިޔައީ ޝާއުލްގެފާނުގެ މީހުންނެއް ނޫންތަ؟ ކަލޭމެންގެ ތެރޭން މީހަކު ނިކަން މަށާ ކުރިމަތިލާން ނުކުމެބަލަ.

1 ޞަމޫއީލް 4:1

ޞަމޫއީލްގެ ބަސްތައް އިސްރާއީލުގެ ހުރިހާ ދިމާއަކަށް ފެތުރިގެން ހިނގައްޖެއެވެ. މިހާރު އިސްރާއީލުން ވަނީ ފިލިސްޠީނުންނާ ދެކޮޅަށް ހަނގުރާމައަށް ނުކުމެއެވެ. އިސްރާއީލުންގެ ލަޝްކަރު އިބްނު ޢާޒަރުގައި ރުކުރުވާލިއެވެ. ފިލިސްޠީނުން ފޭލިގެ ޖެހީ އަފީޤުގައެވެ.

1 ޞަމޫއީލް 4:10

މިހެންވެ ފިލިސްޠީނުން ހިތްވަރު ކޮށްފައި ހަނގުރާމަ ކުރިއެވެ. އިސްރާއީލީން ބަލިވެ އެއެންމެން ގެއާ ދިމާއަށް ދުއްވައިގެންފިއެވެ. މިއީ އިސްރާއީލުންނަށް ލިބުނު ވޭންދެނިވި ބަލިވުމެކެވެ. އެމީހުން ގެ ތިރީސް ހާސް ސިފައިން މަރުވެ ދިޔައެވެ.

1 ޞަމޫއީލް 4:3

އިސްރާއީލުގެ ސިފައިން އެނބުރި ފޭލިގެތަކަށް ދިއުމުން ބޮޑުން މިފަދައިން އެކަކުއަނެކަކާ ސުވާލު ކުރިއެވެ. ”⁠މާތް ރަސްކަލާނގެ އަހަރެމެން ފިލިސްޠީނުގެ އަތުން ބަލި ކުރެއްވީ ކީއްވެބާ؟ އަހަރެމެން މާތްރަސްކަލާނގެ ޢަހުދު ކުރެއްވި ފޮށިކޮޅު ޝީލޫހުއިން ނަގައިގެން ގެންދާނަން. އެއީ މާތް ރަސްކަލާނގެ ވެސް އަހަރެމެން ކުރާ ހަނގުރާމައިގައި ބައިވެރިވެ ވޮޑިގެން އަހަރެމެންނަށް ކާމިޔާބު ލިބުމަށް އެހީތެރިވެ ދެއްވާތޯ.⁠“