1 ޞަމޫއީލް 28:6 - ކިތާބުލް މުޤައްދަސާ

⁶ އެކަލޭގެފާނު މާތްރަސްކަލާނގެއަށް ދުޢާ ކުރެއްވުމުން ވެސް އިލްހާމެއް ވިޔަސް ނަބީއެއް ވިޔަސް އޫރީމުގެ ޖަވާބެއް ވެސް ނައައެވެ.

1 ޞަމޫއީލް 28:6 ပူးပေါင်းရင်းမြစ်များ

2 ޞަމޫއީލް 22:42

މިއަޅާގެ ދުޝްމިނުން މަދަދަށް އެދިގެން ބަލައެވެ. އެކަމަކު އެމީހުންނަށް މަދަދު ދޭނެ ފަރާތެއް ނެތެވެ. އެމީހުން މާތްރަސްކަލާނގެ އެހީއެއް ދެއްވާތޯ އެދި ދެންނެވިއެވެ. އެކަމަކު އެކަލާނގެ އެމީހުންގެ އަޑެއް ނާއްސަވައެވެ.

ނެރުއްވުން 28:20

ހަތަރުވަނަ ބަރީގައި ފެހިނޫ ފެންފިޔާޒަކާއި، ޔަމަނު ޢަޤީޤަކާއި، ފެހި ޔަޝްބެއް ހަރުކުރޭ. މި ހުރިހާ ޖަވާހިރެއް ވެސް ހުންނަން ވާނީ ރަނުގެ އޮނިގަނޑެއްގައި ހަރުކޮށްފައި.

ނެރުއްވުން 28:30

ހާރޫނު އަހަރެންގެ ގާތަށް އަންނަ ކޮންމެ ހިނދަކު ޔުރީމާއި ތުންމިއްޔިމްހިލަކޮޅުތައް މޭމަތީ ފޮތިގަނޑުގެ ތެރެއަށް ލައިގެން އޭނާގެ ހިތާ ދިމާގައި ޖެހިފައި ވާނެ ހެން ބަހައްޓާ. މިގޮތުން އަހަރެންގެ މީހުންނާ މެދު ނިންމާނެ ގޮތެއް އޭނާއަށް އެނގޭނެ ވަސީލަތެއް ގެންނަން ވާނެ.⁠“

ހަރުބަސްތައް 27:1

މާދަމާ މިވެނި ކަމެއް ކުރާނަމޭ ކިޔާފައި ބޮޑު ނުކަނޑާށެވެ. މިހާރާއި މާދަމާއާ ދެމެދު ކަންހިނގާނެ ގޮތެއް ކަލެއަކަށް ނޭނގޭނެއެވެ.

މައްތާ 1:20

ނަމަވެސް ޔޫސުފު މި ގޮތަށް ނިންމުމަށް ހިތަށް އެރި ހިނދު، ޔޫސުފުއަށް ހުވަފެނުގައި މާތްރަސްކަލާނގެ މަލާއިކަތާ ވަޑައިގެން މިފަދައިން ވިދާޅުވާތީ ފެނުނެވެ. ”⁠ދާއޫދުގެފާނުގެ ދަރިކޮޅުގެ ޔޫސުފު. މަރިޔަމްގެފާނާއި ކައިވެނި ކުރުމަށް ތިބާ ބިރުވެތިނުވޭ. އެކަމަނާ އާލާސްވެ އިންނެވީ މާތްރަސްކަލާނގެ މާތްރޫޙުފުޅުން.

ޔޫޙަންނާ 9:31

އަޅުގަނޑުމެން އެންމެންނަށް ވެސް އެނގޭ މާތްރަސްކަލާނގެ ފާފަވެރިންގެ ދުޢާ އިޖާބަ ނުކުރައްވާ ކަން. މާތްރަސްކަލާނގެ އައްސަވާވޮޑިގެންވަނީ އެކަލާނގެ ކިބަފުޅަށް އަޅުކަންކޮށް އެކަލާނގެ ކިބަފުޅަށް ކިޔަމަންވާ މީހުންގެ ދުޢާކަން.

ޔާމިޒުގެ ސިޓީ 4:3

އެތަކެއްޗަށް އެދި ކަލޭމެން ދުޢާކުރުމުން ވެސް މާތްރަސްކަލާނގެ އެތަކެތި ކަލޭމެންނަށް ނުދެއްވައެވެ. ސަބަބަކީ ކަލޭމެންގެ މަގުސަދުގެ ނުބައިކަމެވެ. އެއީ ހަމައެކަނި ކަލޭމެންގެ ބޭނުމަކީ އަމިއްލަ އެދުމުގެ އުފާވެރިކަން ލިބިގަތުން ކަމުގައި ވާތީއެވެ.

1 ޞަމޫއީލް 14:37

އެހެންވެ ޝާއުލްގެފާނު މާތްކަލާނގެ ކިބަފުޅަށް ދަންނަވައިފިއެވެ. ”⁠އަޅަމެން ފިލިސްޠީނުންނާ ދެކޮޅަށް ނުކުންނަންވީތޯ؟ އޭރުން އަޅަމެންނަށް ނަސްރު ދެއްވާނަންތޯ؟⁠“ އެހެންނަމަވެސް އެކަލާނގެ އެއްވެސް ޖަވާބެއް ނުދެއްވިއެވެ.

1 ޞަމޫއީލް 28:15

ޞަމޫއީލްގެފާނު ވިދާޅުވިއެވެ. ”⁠ކަލޭގެފާނު އަހަރެން ގެނެސް ތިޔަ ދުއްޕާން ކުރަނީ ކީއްވެ؟⁠“ ”⁠އަޅުގަނޑު މިއުޅެނީ ހަދާނެ ގޮތް ބޮޑުވެގެން.⁠“ ޝާއުލްގެފާނު ދެންނެވިއެވެ. ”⁠ފިލިސްޠީނުން އަޅުގަނޑާ ހަނގުރާމައަށް އައިސް އެބަތިބި. މާތްކަލާނގެ އަޅުގަނޑު ދޫކޮށް ލައްވައިފި. އެއްވެސް ނަބީއަކު މެދުވެރިވެގެން ވެސް އިލްހާމަކުން ވެސް ޖަވާބެއް ނުލިބޭ. ކަލޭގެފާނަށް މި ދެންނެވީ ހަދަންވީ ގޮތެއް އޮޅުންފިލުވުމަށް.⁠“

1 ޞަމޫއީލް 28:5

ޝާއުލްގެފާނަށް ފިލިސްޠީނުންގެ ލަޝްކަރު ފެނުމުން ފިތްކަނޑައިގެން ދާހާވަރަށް ބިރުފުޅުގެންފިއެވެ.