1 ޞަމޫއީލް 24:8 - ކިތާބުލް މުޤައްދަސާ

⁸ ދާއޫދު ހޮހަޅައިން ނުކުމެ އެކަލޭގެފާނުގެ ފަހަތުގައި ހުރެ ގޮވައި ދަންނަވައިފިއެވެ. ”⁠ސާހިބު ރަސްގެފާނު!⁠“ ރަސްގެފާނު އެނބުރިވަޑައިގެން ބެއްލެވި އިރު ދާއޫދު ގުދުވެ ބިންމަތީ މޫނު ޖައްސައި ކުރުނީސް ކޮށްގެން ހުއްޓެވެ.

1 ޞަމޫއީލް 24:8 ပူးပေါင်းရင်းမြစ်များ

ފެށުން 17:3

އަބްރާމް ބިމުގައި މޫނުޖައްސަވައި މާތްކަލާނގެއަށް ސަޖިދަ ކުރެއްވިއެވެ. އެ ހިނދު މާތްކަލާނގެ ވަޙީކުރެއްވިއެވެ.

ނެރުއްވުން 20:12

ކަލޭމެންގެ ބައްޕައާއި މަންމައަށް އިޙްތިރާމު ކުރޭ. އޭރުން ކަލޭމެންނަށް އަހަރެން މިދޭ ބިމުގައި ފުރިހަމަ ދިގު އުމުރެއްގައި އުޅެވޭނެ.

ޕަތަރަސްގެ ފުރަތަމަ ސިޓީ 2:17

އެންމެހައި މީސްތަކުންނަށް އިޙްތިރާމް ކުރާށެވެ. މަސީޙީ އުންމަތުގައިވާ ހުރިހާ އެންމެންނާއިމެދު އަޚުވަންތަ ގުޅުމަކުން ލޯބިވާށެވެ. މާތްރަސްކަލާނގެއަށް ބިރުވެތިވާށެވެ. އަހަރެމެން އެންމެންގެ ރަސްގެފާނަށް ޤަދަރު ކުރާށެވެ.

1 ޞަމޫއީލް 20:41

އެކުއްޖާ ދިޔައިމާ އެ ހިލައިގެ ދެކުނު ފަރާތުން ދާއޫދު ނުކުމެ ޔޫނަތައިންގެ ކުރިމައްޗަށް ހުއްޓި ބިންމަތީ މޫނު ޖެހޭހާ ވަރަށް ތިން ފަހަރު ގުދު ވިއެވެ. ދެން އެ ދެމީހުން އެކަކު އަނެކަކަށް ބޮސްދީ ރޮއި ހަދައިފި އެވެ. އެންމެ ބޮޑަށް ރުއީ ދާއޫދު އެވެ.

1 ޞަމޫއީލް 24:7

މިހެން ބުނެ ދާއޫދުގެ މީހުންނަށް ޝާއުލްގެފާނަށް ހަމަލައެއް ނުދިނުމަށް ގަދަ ބަހުން އެންގެވިއެވެ. އޭރު ޝާއުލްގެފާނު އެތަނުން ނުކުމެ ވަޑައިގެން ވަޑައިގަންނަވަނީއެވެ.

1 ޞަމޫއީލް 24:9

އޭނާ ދެންނެވިއެވެ. ”⁠އަޅުގަނޑު މަނިކުފާނަށް ގެއްލުމެއް ދޭން އުޅެޔޭ ކިޔައިގެން މީހުން އެ ދައްކާ ވާހަކަ އަޑު އައްސަވަނީ ކީއްވެތޯ؟

1 ޞަމޫއީލް 26:17

ޝާއުލްގެފާނަށް ދާއޫދުގެ އަޑު އެނގިވަޑައި ގެންފިއެވެ. ވިދާޅުވިއެވެ. ”⁠ދަރިފުޅާ ދާއޫދު؟ ތިއީ ކަލޭގެ އަޑުތަ؟⁠“ ދާއޫދު ދެންނެވިއެވެ. ”⁠އާދެ ރަސްގެފާނު މަސާހިބު!⁠“

1 ޞަމޫއީލް 28:14

”⁠އޭނާ ހުރީ ކިހިނެއް؟⁠“ ރަސްގެފާނު އެއްސެވިއެވެ. ”⁠އެއީ މުސްކުޅިއެއް. ހުރީ ރިދާއެއް ލައިގެން. އެމީހާ އެބައާދޭ.⁠“ އަންހެންމީހާ ދެންނެވިއެވެ. ޝާއުލްގެފާނަށް އެއީ ޞަމޫއީލްގެފާނު ކަން އެނގިވަޑައިގެންފިއެވެ. އެކަލޭގެފާނު ބިންމަތީ މޫނު ޖެހޭވަރަށް ގުދުވެ ކުރުނީސް ކުރައްވައިފިއެވެ.