1 ޞަމޫއީލް 21:8 - ކިތާބުލް މުޤައްދަސާ

⁸ ދާއޫދު އަޚީމާލިކު ކުރެން އެއްސެވެ. ”⁠ކަލޭގެ އަތުގައި ކަނޑިއެއް ލޮންސިއެއް އެއްޗެއް އެބަ އޮތް ތަ؟ ރަސްގެފާނު ހަވާލު ކުރެއްވި ކަންތައް އަވަސް ބޮޑުކަމުން އަހަރެން މިއައީ އެއިން އެއްޗެއް ވެސް ނުލައި.⁠“

1 ޞަމޫއީލް 21:8 ပူးပေါင်းရင်းမြစ်များ

ލޫކާސް 10:4

ކަލޭމެން ދާއިރު ގިނަފައިސާ އާ ބޮޑެތި ދަބަސްތައް ނުގެންދާތި. އަރައިގެން ހުރި ފައިވާން ފިޔަވާ ފައިވާނެއް ވެސް ނުގެންދާތި. އަދި ދާ މަގުމަތީގައި މީހުންނާއި ވާހަކަ ދެއްކުމަށް މަޑު ވެސް ނުކުރާތި.

1 ޞަމޫއީލް 21:7

އެދުވަހު އެތަނަށް އަޅުކަން ކުރަން ގޮސް ހުރި ދުވާޣު ކިޔާ އަދޫމީންގެ މީހަކު ހުއްޓެވެ. މީނާއަކީ ރަސްގެފާނުގެ ބަކަރިތައް ބެލެހެއްޓުމާ ހަވާލުވެ ހުންނަ ވަރަށް އަރިސް މީހެކެވެ.

1 ޞަމޫއީލް 21:9

އަޚީމަލިކުގެ ބުންޏެވެ. ”⁠ކަލޭ އީލާ ވާދީގައި މަރާލި ފިލިސްޠީނު ކަލޭގެ ޖުލިޔާތު ގެންގުޅުނު ކަނޑި އެތާ އަފޫދު ޖުއްބާގެ ފުރަގަހުގައި ފޮތިގަނޑަކަށް ލާ އޮޅާލާފައި އޮންނާނެ. އެނޫން ކަނޑިއެއް އެއްޗެއް ނެތް.⁠“ ”⁠ތިޔަށް ވުރެ މޮޅު ކޮން ކަނޑިއެއް ތަ އޮންނާނީ؟⁠“ ދާއޫދު ބުންޏެވެ. ”⁠ތިޔަ ކަނޑި ގެނޭ.⁠“

1 ޞަމޫއީލް 22:22

ދާއޫދު އޭނާ ގާތުގައި ބުންޏެވެ. ”⁠އެދުވަހު ދުވާޣު އެތަނުން ފެނުނީމަ ވެސް އަހަންނަށް އެނގުނު އޭނާ ގޮސް އެވާހަކަ ރަސްގެފާނުގެ ގާތު ދަންނަވާނެ ކަން. ތިޔަ އާއިލާގެ އެންމެންގެ މަރުގެ ޒިންމާ އުފުލަން ޖެހޭ މީހަކީ އަހަރެން.

1 ޞަމޫއީލް 22:9

އޭރު އެތަނުގައި އަދޫމީންގެ ދުވާޣު ވެސް ހުއްޓެވެ. އޭނާ ދަންނަވައްޕެވެ. ”⁠އަޅުގަނޑު ދުށިން ޔައްސާގެ ދަރި އަޚީތޫބުގެ ދަރި އަޚީމާލިކުގެ ގާތަށް ނޫބަށް ގޮސް އުޅެނިކޮށް.