1 ޞަމޫއީލް 16:7 - ކިތާބުލް މުޤައްދަސާ

⁷ މާތްރަސްކަލާނގެ ވަޙީ ކުރެއްވިއެވެ. ”⁠މީހާގެ އިސްކޮޅާއި ބޭރުފުށަށް ނުބައްލަވާ. ތިމަންކަލާނގެ އޭނާ ޚިޔާރެއް ނުކުރައްވަން. މީހަކު އިސްކޮޅުން ދިގޭ ކިޔާފައި ތިމަންކަލާނގެ މީހަކު ނުއެއް ހޮއްވަވަން. ތިމަންކަލާނގެ ބައްލަވަނީ އިންސާނުން ފަދައަކުންނެއް ނޫން. އެހެނީ އިންސާނާ ބަލަނީ ބޭރުފުށަށް. ތިމަންކަލާނގެ ބައްލަވަނީ އޭނާގެ ހިތަށް.⁠“

1 ޞަމޫއީލް 16:7 ပူးပေါင်းရင်းမြစ်များ

ފެށުން 4:5

ނަމަވެސް ޤާޔީން އާއި އޭނާ ގެނައި ތަކެއްޗާ މެދަކު އެކަލާނގެ ރުހިވޮޑިއެއް ނުގެންނެވިއެވެ. މިކަމުގެ ސަބަބުން ޤާޔީން ވަރަށްބޮޑަށް ރުޅިއައިސް، ދެރަވެ އަދި ލަދުގެންފިއެވެ.

2 ޞަމޫއީލް 14:25

އަބްޝާލޫމްގެ ރީތި ކަމުގެ ވާހަކަ މީހުން ދައްކާ އުޅެއެވެ. އޭނާ ހާ ރީތި ފިރިހެނަކު މުޅި އިސްރާއީލީއަކު ވެސް ނެތެވެ. އޭނާގެ ބޮލުން ފެށިގެން ފުންނާބާއި ހަމަޔަށް އެންމެ ލަކެއް ވެސް ނުހުރެއެވެ.

2 ޞަމޫއީލް 7:20

މިދާއޫދު ދެން ދަންނަވާނީ ވެސް ކީކޭތޯ؟ ސާހިބުވަންތަ މާތްރަސްކަލާނކޯ! އިނބަރަސްކަލާނގެ ޚާދިމަކީ ކާކުކަން އިނބަރަސްކަލާނގެއަށް އެނގިވޮޑިގަންނަވާނެ.

ހަރުބަސްތައް 15:11

މާތްރަސްކަލާނގެ ދެކެވޮޑިގަންނަވަނީ މަރުވެފައިވާ މީހުންގެ ދުނިޔެ އެކަންޏެއް ނޫނެވެ. އެކަލާނގެއަށް އަހަރެމެންގެ ހިތުގެ ސިއްރުތައް ވެސް އެނގިވޮޑިގެންވެއެވެ.

ހަރުބަސްތައް 16:2

ލޯމައްޗަށް ތިމާގެ ނަފްސު ތާހިރު ކަމަށް ފެނިދާނެއެވެ. ނިޔަތަށް ބައްލަވައި އިންސާފު ކުރައްވާނީ މާތްރަސްކަލާނގެއެވެ.

ހަރުބަސްތައް 24:12

މަށަކަށް ނޭނގެއޭ ބުނެ ކަންކަމުން ރެކެން ނޫޅޭށެވެ. އެހެނީ މާތްރަސްކަލާނގެ ހުރިހާ ހިތްތަކެއް ދެނެވޮޑިގަންނަވެއެވެ. އަދި އެކަލާނގެ ހުރިހާކަމެއް ބައްލަވާ ވޮޑިގަންނަވައެވެ. ކަލޯގެ ފުރާނަ ބަލަހައްޓަވާ ފަރާތަށް ކަލޯ އެނގިވޮޑިގަންނަވައެވެ. އެމީހަކު ކުރި އަމަލެއްގެ ޙައްޤު ޖަޒާ އެމީހަކަށް އެކަލާނގެ ދެއްވާނެތެވެ.

ހަރުބަސްތައް 31:30

ޗާލުކަމަކީ ހެއްލުމެކެވެ. ރިވެތިކަމަކީ ވަގުތީ އެއްޗެކެވެ. މާތްރަސްކަލާނގެ ކިބަފުޅަށް ބިރުވެތިވާ އަންހެނާއަށް ހުރިހާ ތާރީފެއް ޙައްޤެވެ.

ލޫކާސް 16:15

ދެން އީސާގެފާނު އެމީހުންނަށް ވިދާޅުވިއެވެ. ”⁠ކަލޭމެން ތިޔައީ މީހުންގެ ކުރިމަތީގައި ކަލޭމެންގެ ހުރިހާ އަމަލުތަކަކީ ވެސް ރަނގަޅު އަމަލުތަކެއް ކަމުގައި ހަދާ ބަޔެއް. ނަމަވެސް މާތްރަސްކަލާނގެ ކަލޭމެންގެ ހިތްތައް ދެކެ ދެނެ ވޮޑިގެން ވޭ. އިންސާނުންގެ ކުރިމަތީގައި މަތީ އަގުހުންނަ ކަންތައްތަކަކީ މާތްރަސްކަލާނގެ ކުރިފުޅުމަތީ ތާކުންތާކު ނުޖެހޭ ހުތުރު ކަންތައްތައް.⁠“

ޔޫޙަންނާ 7:24

ބޭރުފުށަށް ބާލާފަ ކަންތަކަށް ފާޑު ނުކިޔާ! ކަމުގެ ދޮގުތެދު ބަލާފަ ފާޑުކިޔާ.⁠“

ޔޫޙަންނާ 8:15

ކަލޭމެން އަހަންނާމެދު ފާޑުކިޔަނީ އިންސާނީ ވިސްނުމަށް ބިނާކޮށް. އެކަމަކު އަހަރެން އެކަކާ މެދަކު ވެސް އެގޮތަކަށް ކަންތަކެއް ނުކުރާނަން.

މަންދޫބުންގެ މަސައްކަތް 1:24

ދެން އެމީހުން މި ފަދައިން ދުޢާ ކުރިއެވެ. ”⁠މާތް ސާހިބާ! ތިޔައީ އެންމެންގެ ހިތުގެ އަޑި ދެނެވޮޑިގެންވާ ފަރާތް. މި ދެމީހުންގެ ތެރެއިން މާތް ސާހިބާ ހޮއްވެވި މީހާ އަޅަމެންނަށް ހާމަކޮށް އަންގަވާފާނދޭވެ.

ޢިބްރާނީންނަށް ސިޓީ 4:13

ކާއިނާތުގައިވާ އެކައްޗެއް ވެސް މާތްރަސްކަލާނގެއަށް ފޮރުވިގެންނެއް ނުވެއެވެ. އެކަލާނގެ ލޯފުޅުގެ ކުރިމަތީގައި ހުރިހާ ތަކެއްޗެއް ވެސް ވަނީ އަމަށުން ހާމަވެފައެވެ. އަހަރެމެންގެ ހުރިހާ ހިސާބުތަކެއް ހުށަހެޅޭނީ އެކަލާނގެ ޙަޟްރަތަށެވެ.

ޕަތަރަސްގެ ފުރަތަމަ ސިޓީ 2:4

މާތްސާހިބާ އީސާ އަލްމަސީޙުގެ އަރިހަށް އަންނާށެވެ. އެކަލޭގެފާނު ވަނީ މާތްރަސްކަލާނގެ ގެކޮޅުގައި ވީ ދިރިހުރި ބިންގަލެއް ފަދައިންނެވެ. މީސްތަކުން އެކަލޭގެފާނާއިމެދު އިންކާރު ކުރެއްވިއެވެ. ނަމަވެސް މާތްރަސްކަލާނގެ އެކަލޭގެފާނު ޚިޔާރު ކުރައްވައި މަތިވެރި ކުރެއްވިއެވެ.

ޕަތަރަސްގެ ފުރަތަމަ ސިޓީ 3:4

ތިޔަބައިމީހުން ދެނެގަންނަންވީ ފުރިހަމަ ރީތިކަމެއް ގެނެސްދެނީ އެކަމެއްގެ ތެރެއިން ފަނޑުވެގެން ނުދާފަދަ ގޮތެއްގައި މަޑުމައިތިރި މިޒާޖުގެ ތެރެއިން ކަމެވެ. އެއީ މާތްރަސްކަލާނގެ ޙަޟްރަތުގައި އަގުބޮޑު ކަމެކެވެ.

ހާމަކޮށްދެއްވުންތަކެއް 2:23

އަހަރެން އެ އަންހެނާގެ ދަރިން ނެތިކޮއްލާނަން. އެގޮތުން އެންމެހާ މަސީޙީ ޖަމާޢަތްތަކުގެ މީހުން އެބައިމީހުންގެ ވިސްނުމާއި އަދި އެބައިމީހުންގެ އެދުން ހުރިގޮތް އަހަރެންނަށް އެނގިގެންވާކަން ދަންނާނެ. އަދި ތިޔަބައިމީހުން ކުރި ޢަމަލަކަށް ތިޔަބައިމީހުންގެ ތެރެއިން ކޮންމެ މީހަކަށް އެކަށީގެންވާ ޖަޒާ އަހަރެން ދޭނަން.

1 ޞަމޫއީލް 2:3

ބޮޑާ ކަމާއެކު ފޮނިކެނޑުމުގެ ބަސްތަކުން ދޫ ރައްކާތެރިކުރޭ. އެހެނީ މާތްރަސްކަލާނގެ އަކީ ހުރިހާކަމެއް ދެނެވޮޑިގެންވާ އިލާހު. އެ ކަލާނގެއީ އަޅަމެންގެ އަމަލުތަކަށް ބައްލަވާ ވޮޑިގަންނަވައި އިންސާފު ކުރައްވާ ކަލާނގެ.

1 ޞަމޫއީލް 9:2

ޤައިޝްގެ ދަރި ޝާއުލް އަކީ ޒުވާން ރީތި ފިރިހެނެކެވެ. ބަނީއިސްރާއީލުންގެ ތެރޭގައި އެފަދަ ދެވަނައެއް ނުވާހާ ފުރިހަމަ މީހެކެވެ. އޭނާގެ އިސްކޮޅު އިސްރާއީލުންގެ ދެންތިބި މީހުންނަށް ވުރެން އެއް ފޫޓު ދިގެވެ.