1 ޞަމޫއީލް 14:41 - ކިތާބުލް މުޤައްދަސާ

⁴¹ ދެން ޝާއުލްގެފާނު އިސްރާއީލުގެ އިލާހު، މާތްރަސްކަލާނގެއަށް ދުޢާ ދެންނެވިއެވެ. ”⁠އިނބަރަސްކަލާނގެ އަޅުންނަށް މިއަދު ޖަވާބު ނުދެއްވީ ކީއްވެތޯ؟ އަޅާއި އަޅުގެ ދަރިފުޅުގެ ފަރާތުން ވީކަމެއް ނަމަ އެކަން ގުރުއަތުން ދައްކަވައި ދެއްވާ⁠“ މި ގުރުއަތުން ނުކުތީ ޔޫނަތައިން އާއި ޝާއުލްގެފާނުގެ ނަންފުޅެވެ. ދެން އެހެންމީހުން ތުހުމަތުން ބަރީއަ ވެއްޖެއެވެ.

1 ޞަމޫއީލް 14:41 ပူးပေါင်းရင်းမြစ်များ

ހަރުބަސްތައް 16:33

ގުރުއަތުލުމަށް ހިލަކޮޅު ވައްޓަނީ އަހަރެމެންނެވެ. އެކަމަކު އެއެތިކޮޅު ފުރޮޅޭނެ ގޮތެއް ނިންމަވަނީ މާތްރަސްކަލާނގެއެވެ.

ހަރުބަސްތައް 18:18

ބާރު ގަދަ ދެމީހެއްގެ ދެމެދު ކުރެވޭ ޒުވާބެއް ގުރުއަތުލައިގެން ހުއްޓުވިދާނެއެވެ.

ޔޫނުސް 1:7

މި މުސީބާތެއް އެމީހުންނަށް މި ލައިގަތީ ކީއްވެތޯ ބެލުމަށް ފަޅުވެރިން އޭރު ދަނީ ފާލު ބަލަމުންނެވެ. ފާލަށް އެރީ އެކަލޭގެފާނެވެ.

މަންދޫބުންގެ މަސައްކަތް 1:24

ދެން އެމީހުން މި ފަދައިން ދުޢާ ކުރިއެވެ. ”⁠މާތް ސާހިބާ! ތިޔައީ އެންމެންގެ ހިތުގެ އަޑި ދެނެވޮޑިގެންވާ ފަރާތް. މި ދެމީހުންގެ ތެރެއިން މާތް ސާހިބާ ހޮއްވެވި މީހާ އަޅަމެންނަށް ހާމަކޮށް އަންގަވާފާނދޭވެ.

މަންދޫބުންގެ މަސައްކަތް 1:26

ދެން އެމީހުން މި ދެމީހުންގެ ތެރެއިން ހޮވޭނެ މީހަކު ބެލުމަށް ގުރުއަތުލިއެވެ. އެ ގުރުއަތުން ޔުދާސްގެ މަޤާމަށް ހޮވުނީ މައްތިޔާސް އެވެ. ދެން މައްތިޔާސް އަނެއް އެގާރަ މަންދޫބުންގެ ތެރެއަށް ބާރަވަނަ މަންދޫބެއްގެ ގޮތުން އިތުރު ކުރެވުނެވެ.

1 ޞަމޫއީލް 14:40

ދެން އިސްރާއީލީންނަށް ވިދާޅުވިއެވެ. ”⁠ކަލޭމެން އެންމެން އެއްފަރާތަކަށް ޖެހޭ. އަހަންނާއި އަހަރެންގެ ދަރިފުޅު ޔޫނަތައިން އަނެއް ފަރާތަށް ދޭ.⁠“ ހަނގުރާމަވެރިން ދެންނެވިއެވެ. ”⁠ކަލޭގެފާނު ވިދާޅުވި ގޮތެއް.⁠“

1 ޞަމޫއީލް 14:42

ޝާއުލްގެފާނު ވިދާޅުވިއެވެ. ”⁠އަހަރެމެން ދެބަފައިން ކުރެން ކާކުގެ ކުށެއްތޯ ބަލަން ޖެހޭނީ އަލުން ގުރުލާން.⁠“ މި ފަހަރު އައީ ޔޫނަތައިންގެ ނަމެވެ.