1 ޞަމޫއީލް 13:5 - ކިތާބުލް މުޤައްދަސާ

⁵ ފިލިސްޠީނުންގެ ލަޝްކަރުގައި ތިންހާސް އަސްގާޑިޔަލާއި ހަ ހާސް އަސްވާރުންނާއި އަދި ބިމުގައި ހުރި ވެއްޔެކޭ އެއްވަރަށް ހަނގުރާމަވެރިން ތިއްބެވެ. އެ ލަޝްކަރު ބައިތު އާވިނުގެ އިރުން އޮންނަ މިޚްމާސްގައި ރުކުރުވާލިއެވެ.

1 ޞަމޫއީލް 13:5 ပူးပေါင်းရင်းမြစ်များ

ފެށުން 22:17

’⁠ތިމަންކަލާނގެ ހަމަ ޔަޤީނުން ވެސް ތިބާގެ މައްޗަށް ރަޙުމަތް ލައްވައި ތިބާގެ ދަރިފަސްކޮޅު އިތުރު ކުރައްވާހުށިން. ތިބާގެ ދަރިފަސްކޮޅުގެ އަދަދު އުޑުގައިވާ ތަރިތަކާއި ބިމުގައިވާ ވެލިފަދައިން ގިނަވެ އިތުރުކުރައްވާނަން. އަދި އެބައިމީހުންގެ ދުޝްމިނުންގެ ރަށްތަކުގެ މައްޗަށް އެބައިމީހުން ވެރިކުރައްވާނެ.

2 ޞަމޫއީލް 17:11

އަހަރެންގެ ލަފަޔަކީ ކަލޭގެފާނު އިސްރާއީލާއި ދާނުން ފެށިގެން ބިއުރުސަބްޢައާ ދެމެދުގެ އެންމެން އެއްކުރައްވައިގެން ވަޑައިގަތުން. އެއީ ގޮނޑުދޮށުގައިވާހައި ދޮންވެލިފުއްހާ ގިނަ ބައެއް. އެ އެންމެން ގޮވައިގެން ކަލޭގެފާނު ވަޑައިގަތުން.

1 ޞަމޫއީލް 13:11

ޞަމޫއީލްގެފާނު އެއްސެވިއެވެ. ”⁠ކަލޭގެފާނު ތިޔަ ހެއްދެވީ ކިހިނެއް؟⁠“ ޝާއުލްގެފާނު ދެންނެވިއެވެ. ”⁠އަޅުގަނޑު ދޫކޮށް ހުރިހާ ހަނގުރާމަވެރިން ދާން ފަށައިފި. ކަލޭގެފާނު ވެސް ހަތް ދުވަސް ވީއިރު ވެސް ވަޑައެއް ނުގެންނެވި. ފިލިސްޠީނުން މިޚްމާސްއަށް ޖަމާވަމުން ދާން ފަށައިފި.

1 ޞަމޫއީލް 13:2

ޝާއުލްގެފާނު އިސްރާއީލީންގެ ތިންހާސް މީހުން ހޮއްވަވައި އޭގެ ތެރޭން ދެ ހާސް މީހުން އެކަލޭގެފާނާ އެކު ބައިތުއީލް ފަރުބަދަމަތީ ރަށެއް ކަމަށްވާ މިޚްމާސް އަށް ގެންދެވިއެވެ. އަދި އެއްހާސް މީހުން ބަންޔާމީންގެ ސަރަހައްދުގައި އޮންނަ ޖިބްޢައަށް ދަރިކަލުން ޔޫނަތައިންގެ ގާތަށް ފޮނުއްވިއެވެ. ފައުޖުގައި ބާކީ ތިބި މީހުން އެމީހުންގެ ގޭގެއަށް ފޮނުއްވިއެވެ.

1 ޞަމޫއީލް 14:23

އެ ދުވަހު މާތްރަސްކަލާނގެ އިސްރާއީލުންނަށް ނަސްރު ދެއްވައި ހަނގުރާމަ ބައިތު އާވިން ފަހަނަޅައި ދިޔައެވެ.

1 ޞަމޫއީލް 14:52

ޝާއުލްގެފާނުގެ މުޅި އުމުރުގައި ފިލިސްޠީނުންނާއި ދެމެދު ހޫނު ހަނގުރާމަތައް ކުރައްވަން ޖެހިވަޑައިގަތެވެ. އެހެންކަމުން އެކަލޭގެފާނަށް ތަނަކުން ގަދަފަދަ ނުވަތަ ހިތްވަރުގަދަ މީހަކު ފެނިއްޖެނަމަ އެމީހަކު އެކަލޭގެފާނުގެ ޚިދުމަތަށް ގެންނެވިއެވެ.

1 ޞަމޫއީލް 17:1

ފިލިސްޠީނުގެ ހަނގުރާމަވެރިން އައިސް ޔަހޫޛާގެ ސަރަހައްދުގައި އޮންނަ ޝޫކޫއަށް ޖަމާވެއްޖެއެވެ. އެމީހުންގެ ފޭލިގެތައް ސޫކުއާއި ޢަޒީޤަތާ ދެމެދުގައި އޮންނަ އަފަސް ދައްމީމުގައި ރުކުރުވާލިއެވެ.

1 ޞަމޫއީލް 7:13

ފިލިސްޠީނުން ބަލިވެގެން ދިޔަ ފަހުން އިސްރާއީލަށް ހަމަލަ ދޭކަށް ނާދެއެވެ. ޞަމޫއީލްގެ މުޅި އުމުރުގައި ވެސް މާތްރަސްކަލާނގެ އަތްޕުޅު ވަނީ ފިލިސްޠީނުންނާ ދެކޮޅަށެވެ.