1 ޞަމޫއީލް 10:5 - ކިތާބުލް މުޤައްދަސާ

⁵ ދެން ޖިބްއާ އަރާ ހަމަވާތަނުން ކަލޭގެފާނަށް ފިލިސްޠީނުންގެ ސިފައިންގެ ޖަގަހައަކާ ދިމާވާނެ. އަދި ނަބީ ބޭކަލުންތަކެއް މަޤާމުފުޅުން ފައިބައި ކަލޭގެފާނާ ބައްދަލު ކުރާނެ. އެބޭކަލުންގެ ކުރީގައި ތިބެ އޫދު ކުޅެ ތާރަޖަހައި، އޮނު ފުމެ، ބޮޑު އޫދު ކުޅެމުން ވަޖިދުވަމުން ބަޔަކު އަންނާނެ.

1 ޞަމޫއީލް 10:5 ပူးပေါင်းရင်းမြစ်များ

1 ޞަމޫއީލް 10:10

ޝާއުލް ޖިބްޢާ ފަރުބަދައާ ހަމަޔަށް ގޮސް އެ ނަބީންތަކާ ބައްދަލުވި ހިނދު މާތްކަލާނގެ ރޫޙުފުޅު އޭނާގެ މައްޗަށް ވެރިވެ އަތްގަދަ ކުރެއްވުމާއެކު ޝާއުލް ވެސް ވަޖިދުވާން ފަށައިފިއެވެ.

1 ޞަމޫއީލް 10:4

ދެން އެމީހުން ކަލޭގެފާނަށް ސަލާންގަލާން ކުރުމަށް ފަހު އެކަކު އޭނާގެ އަތުގައި ހުރި ޓުކުރިން ދެރޮށި ނަގައި ކަލޭގެފާނަށް ދޭނެ. ކަލޭގެފާނު އެ ނަންގަވާނެ.

1 ޞަމޫއީލް 13:2

ޝާއުލްގެފާނު އިސްރާއީލީންގެ ތިންހާސް މީހުން ހޮއްވަވައި އޭގެ ތެރޭން ދެ ހާސް މީހުން އެކަލޭގެފާނާ އެކު ބައިތުއީލް ފަރުބަދަމަތީ ރަށެއް ކަމަށްވާ މިޚްމާސް އަށް ގެންދެވިއެވެ. އަދި އެއްހާސް މީހުން ބަންޔާމީންގެ ސަރަހައްދުގައި އޮންނަ ޖިބްޢައަށް ދަރިކަލުން ޔޫނަތައިންގެ ގާތަށް ފޮނުއްވިއެވެ. ފައުޖުގައި ބާކީ ތިބި މީހުން އެމީހުންގެ ގޭގެއަށް ފޮނުއްވިއެވެ.

1 ޞަމޫއީލް 13:3

ޖިބްޢައިގެ ސަރަހައްދުގައިވާ ފިލިސްޠީނުންގެ ސިފައިންގެ ޖަގަހައަށް ޔޫނަތައިން ހަމަލަ ދީފިއެވެ. މި ޚަބަރު ފިލިސްޠީނުންނަށް ވެސް ލިބިއްޖެއެވެ. ދެން ޝާއުލްގެފާނު ވިދާޅުވިއެވެ. ”⁠ކަންތައް ހިނގިގޮތް ޢިބްރާނީންނަށް ވެސް އަންގާ!⁠“ ދެން އެމީހުން ތާޅަފިލި ފުމެ މުޅިރަށަށް އެ ޚަބަރު އަންގައިފި އެވެ.

1 ޞަމޫއީލް 19:20

ދެން އޭނާ ބަލާ ޝާއުލްގެފާނުގެ މީހުން ފޮނުއްވައިފިއެވެ. އެމީހުންނަށް ޞަމޫއީލްގެފާނު ނަބީބޭކަލުންގެ ތެރޭގައި އިސްވެ ހުރެ ވަޖިދުވަމުން ދާތަން ފެނުމުން މިމީހުންގެ މައްޗަށް މާތްކަލާނގެ މާތްރޫޙުފުޅު ފޮނުއްވުމުން މި މީހުން ވެސް އެފަދައިން ހަޅޭއްލަވައި ޣައިބުގެ ބަސްތައް ބުނަން ފަށައިފިއެވެ.

1 ޞަމޫއީލް 9:12

އެކުދިން ބުންޏެވެ. ”⁠އާނ. އެކަލޭގެފާނު އެހެރެ ފެންނަނީ ތިބޭކަލުންގެ ކުރިމަތީގައި. އަވަހަށް ދުރުވޭ. އެކަލޭގެފާނު މިރަށަށް މިއަދު އެ ވަޑައިގެންނެވީ ޤުރުބާނީގެ ކަންތަކުގައި. މިހާރު ޤުރުބާނީ ކަތިލައި އަޅުކަން ކުރުމަށް މަޤާމުފުޅަށް މީހުން އެއްވަމުން އެބަދޭ.