1 ޞަމޫއީލް 1:1 - ކިތާބުލް މުޤައްދަސާ

¹ އަފްރާއިމުގެ ފަރުބަދަމަތީ ރަށެއް ކަމަށްވާ ރާމާތާއިމުއިންގައި އަލްޤާނާއޭ ކިއުނު މީހަކު އުޅުނެވެ. މީނާއަކީ އަފްރާއީމީ ދަރިކޮޅުގެ ޞޫފު އާއިލާގެ މީހެކެވެ. މީނާގެ ބައްޕައަކީ ޔަރޫހާމް އެވެ. ޔަރޫހާމްއަކީ އަލީހޫގެ ދަރިއެކެވެ. އަލީހޫއަކީ ތޫޙޫގެ ދަރިއެކެވެ. ތޫޙޫއަކީ ޞޫފުގެ ދަރިއެކެވެ.

1 ޞަމޫއީލް 1:1 ပူးပေါင်းရင်းမြစ်များ

މައްތާ 27:57

އެދުވަހުގެ އިރު އޮއްސުމާއި ގާތްވެފައި ވަނިކޮށް އީސާގެފާނަށް ތަބާވާ އަރިމާތެއާގެ ޔޫސުފު ނަމަކަށް ކިޔާ މުއްސަނދި މީހަކު އެކަލޭގެފާނުގެ ހަށިކޮޅު ދެއްވުމަށް އެދި ޕިލާތުސްގެ ކައިރިއަށް ދިޔައެވެ. އަދި އެކަލޭގެފާނުގެ ހަށިކޮޅު ދިނުމަށް ޕިލާތުސް އަމުރު ދިނެވެ.

ރާޢޫތު 1:2

އޭނާގެ ނަމަކީ އަލީމާލިކު އެވެ. އަންހެނުންނަކީ ނުޢުމީއެވެ. އޭނާގެ ދެ ދަރިންނަކީ މަޙުލޫންއާއި ކިލްޔޫން އެވެ. އެމީހުންނަކީ ޔަހޫޛާގެ ބައިތުލަޙަމުގައި އުޅުނު އަފްރާތީންގެ އައުލާދުގެ ބަޔެކެވެ. އެމީހުން މުއާބަށް އައިސް ވަޒަންވެރިވިއެވެ.

ރާޢޫތު 4:22

ޢޫބީދަކީ ޔައްސާގެ ބައްޕައެވެ. ޔައްސާއަކީ ދާއޫދުގެފާނުގެ ބައްޕަ އެވެ.

1 ޞަމޫއީލް 1:19

އޭގެ އަނެއްދުވަހު ވަރަށް ހެނދުނާ އެ އާއިލާގެ އެންމެން އެކުގައި ތެދުވެ މާތްރަސްކަލާނގެ ކިބަފުޅަށް އަޅުކަން ކުރުމަށް ފަހު އެނބުރި ރާމާއަށް ހިނގައްޖެއެވެ. އޭގެ ފަހުން އަލްޤާނާ އޭނާގެ އަންހެނުން ޙައްނާއާ އެކު ރޭކުރިއެވެ. މާތްރަސްކަލާނގެ ޙައްނާގެ މަތިން ހަނދުމަފުޅު ކުރެއްވިއެވެ.

1 ޞަމޫއީލް 17:12

ދާއޫދުގެފާނަކީ ޔަހޫޛާގެ ބައިތުލަޙަމުގެ އަފްރާތީ ޚާންދާނުން އައިސްހުރި ޔައްސާގެ ދަރިއެކެވެ. ޔައްސާގެ އަށް ދަރިން ތިބެއެވެ. ޝާއުލްގެފާނުގެ ޒަމާން އައިއިރު އޭނާ ހުރީ މުސްކުޅި ވެފައެވެ.

1 ޞަމޫއީލް 2:11

އަލްޤާނާ އެނބުރި ރާމާއަށް ދިޔައީ އެ ދަރިފުޅު ޞަމޫއީލް މާތްރަސްކަލާނގެއަށް ޚިދުމަތް ކުރުމަށް ޢާލީގެ ގާތު ޝީލާހްގައި ބަހައްޓާފައެވެ.

1 ޞަމޫއީލް 7:17

އެދަތުރުތަކަށް ފަހު ޞަމޫއީލްގެ ރަށް ކަމަށްވާ ރާމާއަށް އެނބުރި އާދެއެވެ. އެރަށުގައި މާތްރަސްކަލާނގެ ކިބަފުޅަށް ޤުރުބާނީ ވެދުން ކުރާނެ މަޤާމެއް ވެސް ހަދައި އިސްރާއީލުގެ މައްޗަށް އަދާލަތު ގާއިމު ކުރެއްވިއެވެ.

1 ޞަމޫއީލް 9:4

ދެން އެމީހުން ގޮސް އަފްރާއީމްގެ ފަރުބަދަމަތީ އަވަށްތައް ކަމުގައިވާ ޝަލީޝާއާއި ޝާލިމުއާއި އަދި ބަންޔާމީންގެ ސަރަހައްދު އެމީހުން ބެއްޔެވެ. މިއިން ތަނަކުން އެ ހިމާރުތަކެއް ނުފެނުނެވެ.

1 ޞަމޫއީލް 9:5

އެންމެ ފަހުން އެމީހުންނަށް ޞޫފުގެ މީހުން އުޅޭ ހިސާބަށް ދެވިއްޖެއެވެ. ޞޫފަށް ދެވުމުން ޝާއުލް އޭނާގެ ނޯކަރަށް ބުންޏެވެ. ”⁠އަނބުރާލާފައި ދާން ހިނގާ. އެހެންނޫނީ ބައްޕަ ހިމާރުތަކަށް ވުރެން ބޮޑަށް އަހަރެމެންގެ މަތިން ފިކުރު ބޮޑުވެދާނެ.⁠“