ޕަތަރަސްގެ ފުރަތަމަ ސިޓީ 4:1 - ކިތާބުލް މުޤައްދަސާ

¹ އެހެންވެ އަލްމަސީޙު ޖިސްމާނީ ގޮތުން ވޭން އުފުލެއްވިއެވެ. ތިޔަބައިމީހުން ވެސް އެކަލޭގެފާނު އުފުއްލެވިފަދަ ވޭނެއްގައި ވުމަށް ތައްޔާރުގައި ތިބޭށެވެ. ސަބަބަކީ އެފަދަ ވޭން ދައްކައިދެނީ ތިޔަބައިމީހުން ފާފަތަކުން އެއްކިބާ ވެގެންވާކަމެވެ.

ޕަތަރަސްގެ ފުރަތަމަ ސިޓީ 4:1 ပူးပေါင်းရင်းမြစ်များ

މަރުކުސް 3:3

އީސާގެފާނު އެ ބަލިމީހާއަށް ވިދާޅުވިއެވެ. ”⁠ތެދުވެ މިތާ ކުރި ކުރިމައްޗަށް އާދޭ!⁠“

ގަލާތިޔާގެ މަސީޙީންނަށް ސިޓީ 2:20

މިހާރު އަހަންނަކީ ކުރީގައި އުޅުނު މީހާއެއް ނޫން. އަހަރެންގެ ކިބައިގައި ދިރި މިވަނީ އީސާގެފާނު. އަހަރެން މިދިރިއުޅެނީ އެކަލޭގެފާނުގެ މައްޗަށް އޮތް އީމާންކަމެއްގެ ބާރުގައި. އެ ދިރިހުރުމަކީ އަހަރެން ދެކެ ނުހަނު ލޯބިފުޅުވާ މާތްކަލާނގެ ދަރިކަލުން އަހަންނަށްޓަކައި އެކަލޭގެފާނުގެ ފުރާނަފުޅު ޤުރުބާން ކުރައްވައިގެން ދެއްވި ދިރިހުރުމެއް.

ގަލާތިޔާގެ މަސީޙީންނަށް ސިޓީ 5:24

އީސާގެފާނަށް އީމާންވީ މީހުން އެމީހުންގެ ކިބައިގައި ހުރި އަމިއްލަ ނަފްސުގެ ބޭނުންތަކާ އެދުންތައްފަދަ ކަންތައް ސަލީބަށް އަރުވައި މަރާލައިފިއެވެ.

އެފޭސުސްގެ މަސީޙީންނަށް ސިޓީ 6:13

އެހެންވީމާ، މިހިނދުގައި ވިޔަސް މާތްރަސްކަލާނގެ ދެއްވި ފުރިހަމަ ދަހަނާ އަޅާށެވެ! އޭރުން ޝައިތާނާގެ ޙަމަލާ އަންނަ ދުވަހުގައި ދިފާޢު ކުރުމުގެ ކުޅަދާނަކަން ލިބި އެގޮތުގައި ހުރިހައި ކަމެއް ކޮށް ނިމިގެން ތިޔަބައިމީހުންނަށް ސާބިތުވެ ތިބެވޭނެއެވެ.

ފިލިއްޕީގެ މަސީޙީންނަށް ސިޓީ 2:5

ތިޔަބައިމީހުންގެ މިޒާޖު ވާންޖެހޭނީ އީސާ އަލްމަސީޙާއި އެއްފަދައިންނެވެ.

ޢިބްރާނީންނަށް ސިޓީ 12:3

ކަލޭމެންގެ ފިކުރުގައި އީސާގެފާނު ކުރެއްވި ކަންތައް ހަރުލައްވާށެވެ. ފާފަވެރިންގެ ކިބައިން އެކަލޭގެފާނަށް ކުރިމަތިވެ ވަޑައިގެންނެވި ދުއްތުރާތަކަށް ކެތްތެރިވެ ވަޑައިގަތެވެ. މިކަންތައް ހިތުގައިވާނަމަ ކަލޭމެން ވެސް ނާއުންމީދުވެ ފަހަތަކަށް ނުޖެހޭނެއެވެ.

ޢިބްރާނީންނަށް ސިޓީ 4:10

އެދުވަހު މާތްރަސްކަލާނގެ މީހުން މަސައްކަތް ހުއްޓާލައި އަރާމުގެ މަންޒިލަށް ވަންނާނެއެވެ. އެއީ ހަތްވަނަ ދުވަހު މާތްކަލާނގެ ވެސް މަސައްކަތްޕުޅު ހުއްޓަވާލައްވައި އަރާމު ކުރެއްވި ފަދައިންނެވެ.

ޕަތަރަސްގެ ފުރަތަމަ ސިޓީ 2:21

މާތްރަސްކަލާނގެ ތިޔަބައިމީހުން ޚިޔާރު ކުރެއްވީ މިފަދައިން އަމަލު ކުރުމަށެވެ. އަލްމަސީޙު ތިޔަބައިމީހުންނަށްޓަކައި އެކަލޭގެފާނުގެ އަމިއްލަ ނަފްސުފުޅަށް ވޭން އުފުއްލަވައި މިސާލު ދައްކުވައި ދެއްވިއެވެ. އެހެންވީމާ، އެކަލޭގެފާނުގެ ފިޔަވަޅުފުޅު މަތިން ތިޔަބައިމީހުން ހިނގާށެވެ.

ޕަތަރަސްގެ ފުރަތަމަ ސިޓީ 3:18

އަލްމަސީޙު އަހަރެމެންގެ ފާފަތަކަށްޓަކައި ވޭން އުފުއްލަވައި އެންމެ ފަހަރަކު އަވަހާރަވެވަޑައިގެންނެވިއެވެ. އެކަލޭގެފާނު ފާފައެއް ނުކުރައްވައެވެ. ނަމަވެސް އެކަލޭގެފާނު އަވަހާރަވެވަޑައިގެންނެވީ ފާފަވެރިންނަށްޓަކައެވެ. އެއީ ރައްކާތެރިކަމާއެކު މާތްރަސްކަލާނގެ ޙަޟްރަތަށް އަހަރެމެން ގެންގޮސް ދިނުމަށެވެ. އެކަލޭގެފާނު ވޭން އުފުއްލެވީ ޖިސްމާނީ ގޮތުންނެވެ. ނަމަވެސް އެކަލޭގެފާނު އަލުން އަނބުރާ ދިރިދުނިޔެއަށް ވަޑައިގެންނެވުމަށް ފަހު ރޫޙާނީ ޙަޔާތެއްގައި ވިއެވެ.