ޔޫޙަންނާގެ ފުރަތަމަ ސިޓީ 5:14 - ކިތާބުލް މުޤައްދަސާ

¹⁴ މާތްކަލާނގެއާ ކުއްތަންވުމުގެ ހިތްވަރު އަހަރެމެންނަށް ލިބިފައިވެއެވެ. އެގޮތަކީ އަހަރެމެން ކަމަކު އެދި އެކަލާނގެ ޙަޟްރަތުގައި ދަންނަވައިފިނަމަ އެކަލާނގެ އެ އަޑު އައްސަވައި އެކަލާނގެ އިރާދަފުޅު ކުރައްވާ ގޮތަކަށް އެކަންތައް ހިންމަވައި ދެއްވާނެއެވެ.

ޔޫޙަންނާގެ ފުރަތަމަ ސިޓީ 5:14 ပူးပေါင်းရင်းမြစ်များ

ހަރުބަސްތައް 10:24

ނުބައިމީހާ އެންމެ ބިރުގަންނަ ކަންތައް އޭނާއާ ކުރިމަތި ވާނެއެވެ. އެކަމަކު ހެޔޮމީހާއަށް އޭނާ އެދޭ ރަނގަޅު ކަންތައް ފަހިވެގެން އަންނާނެއެވެ.

ހަރުބަސްތައް 15:29

ނުބައިމީހުންގެ ދުޢާތަކަށް މާތްރަސްކަލާނގެ ސަމާލުކަމެއް ނުދެއްވައެވެ. ހެޔޮމީހާގެ އަޅުކަން އެކަލާނގެ އައްސަވާ ވޮޑިގަންނަވައެވެ.

މައްތާ 21:22

ތިޔަބައިމީހުން އީމާންތެރިކަމާއެކު ކޮންމެ ކަމަކަށް ދުޢާކުރިޔަސް އެކަމެއް ތިޔަބައިމީހުންނަށް ހާސިލުވާނެ.⁠“

ޔޫޙަންނާ 11:42

ބައްޕާފުޅު އަޅުގަނޑުގެ އަޑު އަބަދުވެސް އައްސަވާކަން އަޅުގަނޑަށް އެނގޭ. ނަމަވެސް އަޅުގަނޑު މިހެން އެންމެންނަށް އިވޭ ވަރަށް މިދަންނަވަނީ މިތަނަށް އެއްވެފައި މިތިބި މީހުންނަށް، އެކަމުން އެމީހުންގެ ހިތަށް އީމާންކަން ވަނުމުގެ މަގު ފަހި ކޮށް ދިނުމަށް.⁠“

ޔޫޙަންނާ 14:13

ކަލޭމެން އަހަރެންގެ ނަމުގައި ކޮންމެ ކަމަކަށް އެދުނު ނަމަވެސް އަހަރެން އެކަމެއް ކޮށްދޭނަން. އެއީ އެގޮތުން ދަރިކަލުން މެދުވެރިކޮށް ބައްޕާފުޅުގެ ނަންފުޅު މަތިވެރިވާނެތީ.

ޔޫޙަންނާ 15:7

ކަލޭމެން އަހަންނާ އަދި އަހަރެންގެ ބަސްތަކާ ގުޅިފައިވާނަމަ، ކަލޭމެން ކޮންމެ ކަމަކަށް އެދި ދެންނެވިޔަސް އެކަމެއް މާތްރަސްކަލާނގެ ހިންމަވައި ދެއްވާނެ.

ޔޫޙަންނާ 16:24

މީގެ ކުރިން ދުވަހަކު ވެސް އަދި ކަލޭމެން މިފަދައިން އެދިފައެއް ނުވޭ. ނަމަވެސް މިހާރު ކަލޭމެން އަހަރެންގެ ނަމުގައި އެދެން ޖެހޭނެ. އެ އެދޭ ކަމެއް ބައްޕާފުޅު ކަލޭމެންނަށް ކޮށްދެއްވާނެ. އޭރުން ކަލޭމެން ކޮޅުނެތްކޮޅަށް އުފާވާނެ.

ޔޫޙަންނާ 9:31

އަޅުގަނޑުމެން އެންމެންނަށް ވެސް އެނގޭ މާތްރަސްކަލާނގެ ފާފަވެރިންގެ ދުޢާ އިޖާބަ ނުކުރައްވާ ކަން. މާތްރަސްކަލާނގެ އައްސަވާވޮޑިގެންވަނީ އެކަލާނގެ ކިބަފުޅަށް އަޅުކަންކޮށް އެކަލާނގެ ކިބަފުޅަށް ކިޔަމަންވާ މީހުންގެ ދުޢާކަން.

އެފޭސުސްގެ މަސީޙީންނަށް ސިޓީ 3:12

އަލްމަސީޙު އަހަރެމެންނަށް ހިތްވަރާ އިތުބާރު ދެއްވައެވެ. އެހެންވީމާ، އީމާންތެރިކަމާއެކުގައި އަހަރެމެންނަށް މާތްރަސްކަލާނގެ ކިބަފުޅަށް ރުޖޫޢަ ވެވޭނެއެވެ.

ޢިބްރާނީންނަށް ސިޓީ 10:35

ކަލޭމެންގެ ހިތުގައި މާތްރަސްކަލާނގެއާ މެދު އޮންނަ އިތުބާރު ގެއްލުވާ ނުލާށެވެ. އެކަމުގެ ޘަވާބު މަތިވެރިވާނެކަން ވެސް ހަނދާނުގައި ބަހައްޓާށެވެ.

ޢިބްރާނީންނަށް ސިޓީ 3:14

އަހަރެމެން ފެށުނު އިރު އީމާން ކަމުގައި ތިބި ފަދައިން ނިމެންދެން ވެސް އީސާ އަލްމަސީޙާ މެދު ޔަޤީންކަން ދަމަހައްޓައިފި ނަމަ އަހަރެމެން ވާނީ އެކަލޭގެފާނުގެ ބައިވެރިންކަމުގައެވެ.

ޢިބްރާނީންނަށް ސިޓީ 3:6

އެކަމަކު އީސާގެފާނު ހުންނެވީ ދަރިކަލެއްގެ ގޮތުން މާތްރަސްކަލާނގެ މީސްތަކުންގެ ވެރިއެއްގެ ގޮތުގައި ވަފާތެރިކަން މަތީގައެވެ. އަހަރެމެންގެ އުންމީދު އެކަލޭގެފާނާމެދުގައި އޮވެ، ކެރުމާއި ޔަޤީންކަން މަތީގައި ތިބިނަމަ މާތްރަސްކަލާނގެ މީހުން ކަމުގައި ވާނީ އަހަރެމެންނެވެ.

ޔާމިޒުގެ ސިޓީ 4:3

އެތަކެއްޗަށް އެދި ކަލޭމެން ދުޢާކުރުމުން ވެސް މާތްރަސްކަލާނގެ އެތަކެތި ކަލޭމެންނަށް ނުދެއްވައެވެ. ސަބަބަކީ ކަލޭމެންގެ މަގުސަދުގެ ނުބައިކަމެވެ. އެއީ ހަމައެކަނި ކަލޭމެންގެ ބޭނުމަކީ އަމިއްލަ އެދުމުގެ އުފާވެރިކަން ލިބިގަތުން ކަމުގައި ވާތީއެވެ.

ޔާމިޒުގެ ސިޓީ 5:16

އެހެންވީމާ ކަލޭމެންގެ ތެރެއިން އެކަކު އަނެކަކަށް ކުރެވިފައިވާ ފާފަތަކަށް އެއްބަސްވެ ތައުބާ ވާށެވެ. އަދި އެކަކު އަނެކަކަށް ހެޔޮ ޙާލުގައި ވުމަށް އެދި ދުޢާކުރާށެވެ. ޞާލިޙު ގޮތުގައި ޙަޔާތު ވޭތުކުރަމުން ދާ ފަރާތްތަކުގެ ދުޢާތައް ބާރުގަދަވެފައި ބަރުދަން ހުންނާނެއެވެ.

ޔޫޙަންނާގެ ފުރަތަމަ ސިޓީ 2:28

އަހަރެންގެ ދަރިންނޭވެ! އެހެންވީމާ، އަލްމަސީޙާއި އެކުގައި ބަދަހި ގުޅުމެއްގައި ދެމިތިބޭށެވެ. އެއީ މި ދުނިޔެއަށް އެކަލޭގެފާނު އެނބުރިވަޑައި ގަންނަވާ ހިނދު ލަދުވެތި ކަމެއް ނެތި ފުރިހަމަ ހިތްވަރާއެކު އެކަލޭގެފާނާއި ބައްދަލު ވާނެ ގޮތް މެދުވެރި ވުމަށްޓަކައެވެ.