ޔޫޙަންނާގެ ފުރަތަމަ ސިޓީ 4:5 - ކިތާބުލް މުޤައްދަސާ

⁵ މިފަދަ ދޮގު އެދުރުންނީ ދުނިޔަވީ ދޮގުވެރިންނެވެ. އެފަދަ މީހުންގެ އުނގަންނައިދިނުންތައް ބިނާވެފައި ވާނީ ވެސް ދުނިޔަވީ އުސޫލުތަކުގެ މައްޗަށެވެ. އަދި ދުނިޔޭގެ މީސްތަކުން އެފަދަ ދޮގުވެރިންގެ އަޑުއަހާނެއެވެ.

ޔޫޙަންނާގެ ފުރަތަމަ ސިޓީ 4:5 ပူးပေါင်းရင်းမြစ်များ

ލޫކާސް 16:8

މި މުއްސަނދި މީހާ އޭނާގެ މި މަކަރުވެރި މެނޭޖަރަށް ސާބަސް ދިން. އެއީ އޭނާ އެ ކަންތައް ކުރިލެއް ހުޝިޔާރު ކަމުން. އެއީ މާތްރަސްކަލާނގެ ދެއްވި ތެދު އަލިމަގުގައި ވާ މީހުންނަށް ވުރެ އެކަލާނގެއަށް އީމާން ނުވާ މީހުން އެކަކު އަނެކަކާއި މެދު ކަންތައް ކުރާއިރު މާ ހުޝިޔާރުވާނެ.

ޔޫޙަންނާ 17:14

އިނބަރަސްކަލާނގެ އެންގެވުންތައް އަޅުގަނޑު އެމީހުންނަށް ފޯރުކޮށް ދިނިން. އެމީހުން ދެކެ ދުނިޔެ ނަފްރަތު ކުރޭ. އެހެނީ އެމީހުންނަކީ ދުނިޔެއަށް ނިސްބަތްވާ ބައެއް ނޫން. އެއީ އަޅުގަނޑަކީ ވެސް ދުނިޔެވީ މީހަކަށް ނުވާ ފަދައިން.

ޔޫޙަންނާ 17:16

ހަމަ އަޅުގަނޑެކޭ ވެސް އެއްފަދައިން އެމީހުންނަކީ ވެސް މި ދުނިޔެއަށް ނިސްބަތްވާ ބައެއް ނޫން

ޔޫޙަންނާ 3:31

”⁠އެކަލޭގެފާނު ވަޑައިގެންނެވީ އެންމެ މަތިން. ނަމަވެސް އަހަރެންނަކީ މި ދުނިޔޭގެ މީހެއް. އަދި އަހަރެންނަށް އެނގެނީ ވެސް މި ދުނިޔޭގެ ކަންތައްތައް. ނަމަވެސް އެކަލޭގެފާނު ވަޑައިގެންނެވީ ސުވަރުގެއިން. އެހެން އެއްވެސް މީހަކަށް ވުރެ އެކަލޭގެފާނުގެ މަތިވެރިކަން ބޮޑު.

ޔޫޙަންނާ 8:23

އީސާގެފާނު ވިދާޅުވިއެވެ. ”⁠ކަލޭމެންނަކީ ތިރީ ދުނިޔޭގެ މީހުން. އަހަރެން މިއީ މަތީ ދުނިޔޭގެ މީހެއް. ކަލޭމެންނަކީ މި ދުނިޔޭގެ މީހުން. ނަމަވެސް އަހަރެންނަކީ މިދުނިޔޭގެ މީހެއް ނޫން.

ތިމޮތީއަށް ދެވަނަ ސިޓީ 4:3

ސައްޙަ ތައުލީމެއްގެ އަޑުއަހަން މީސްތަކުންނަށް ކެތްނުކުރެވޭނެ ފަދަ ދުވަހެއް އަންނާނެއެވެ. އޭގެ ބަދަލުގައި އެމީހުން އަހާހިތްވާނީ އެމީހުންގެ ކަންފަތްތަކުގެ ކެހުން ފިލާފަލަ ބަސްތަކެވެ. އެމީހުން ހިތް އެދޭ އެފަދަ ބަސްތައް ބުނާ އެދުރުން ވަށާލެވޭތޯ އެމީހުން ބަލާނެއެވެ.

ހާމަކޮށްދެއްވުންތަކެއް 12:9

އެ ޑްރޭގަން ނަގައި އެއްލާލެވުނެވެ. އެއީ ގަދީމީ ހަރުފަ ވެސްމެއެވެ. އޭގެ ނަމަކީ: އިބިލީސް، ނުވަތަ ދުނިޔޭގެ ކެހިވެރިޔާ ކަމުގައި ވާ ޝައިތާނާއެވެ. އެ ޝައިތާނާ ދުނިޔޭގެ ތެރެއަށް އެއްލާލެވުނެވެ. އޭނާ އާއިއެކު އޭނާގެ މަލާއިކަތުން ވެސް އެއްލާލެވުނެވެ.