ޔޫޙަންނާގެ ފުރަތަމަ ސިޓީ 4:18 - ކިތާބުލް މުޤައްދަސާ

¹⁸ އެފަދަ ލޯތްބެއް ވާނަމަ އަހަރެމެންނަށް ބިރެއް ނެތެވެ. އެހެނީ ފުރިހަމަ ލޯބި ބިރުވެތިކަން ފައްސާލައެވެ. އެހެންކަމުން އަހަރެމެން ބިރުވެތިކަމުގެ ތެރޭގައި ތިބޭނަމަ އެކަމުން ދައްކަނީ އަހަރެމެންގެ ކިބައިގައި ލޯބި ފުރިހަމަ ނުވާކަމެވެ. އެގޮތަކީ ބިރު ގަންނަނީ ލިބިދާނެ އަދަބަކަށްޓަކައި ކަމަށް ވާތީއެވެ.

ޔޫޙަންނާގެ ފުރަތަމަ ސިޓީ 4:18 ပူးပေါင်းရင်းမြစ်များ

މައްތާ 9:34

ނަމަވެސް ފަރީސީން ބުންޏެވެ. ”⁠އޭނާއަށް ޖިންނިތަކުގެ މައްޗަށް ބާރު ހިންގުން ޖިންނިތަކުގެ ވެރިޔާ ވަނީ ދީފަ.⁠“

ތިމޮތީއަށް ދެވަނަ ސިޓީ 1:7

އަހަރެމެން ބިރުވެތިވެ ފިނޑިވުމަކަށް މާތްރަސްކަލާނގެ އެކަލާނގެ މާތްރޫޙުފުޅު އަހަރެމެންނަކަށް ނުދެއްވައެވެ. އެހެނަސް އެކަލާނގެ މާތްރޫޙުފުޅު އަހަރެމެންނަށް ދެއްވީ ބާރާ، ލޯތްބާއި ނަފްސު ތަރުބިއްޔަތު ކޮށްދެއްވުމަށެވެ.

ޢިބްރާނީންނަށް ސިޓީ 12:28

ބުރުއްސާ ނުލެވޭނެ ފަދަ ރަސްކަމެއް އަހަރެމެންނަށް ލިއްބައިދެއްވި ކަމަށްޓަކައި ޝުކުރުވެރިވާން ޖެހޭނެއެވެ. އަދި އަހަރެމެން ޚުޝޫއަތްތެރިކަމާއި ތަޤުވާވެރިކަމާއެކު އެކަލާނގެ ރުހިވޮޑިގަންނަވާނެ ފަދައަކުން އަޅުކަން ކުރަމާ ހިނގާށެވެ.

ޔާމިޒުގެ ސިޓީ 2:19

ވޮޑިގެންވަނީ އެންމެ ކަލާނގެ އެއްކަމުގައި ތިބާ ގަބޫލުކުރަމުހޭ؟ އެންމެ ރަނގަޅު! ހަމައެކަނި ވޮޑިގެންވަނީ އެންމެ ކަލާނގެއެއް ކަމާއިމެދުގައި ޖިންނި ޝައިތާނުން ވެސް ގަބޫލު ކުރޭ. އަދި އެތަކެތި ބިރުން ފިތްކަނޑައިގެން ގޮސް ތުރުތުރު އަޅާ!

ޔޫޙަންނާގެ ފުރަތަމަ ސިޓީ 4:12

އެއްވެސް އިންސާނަކަށް މާތްރަސްކަލާނގެ ފެނިފައެއް ނުވެއެވެ. ނަމަވެސް އަހަރެމެން އެކަކު އަނެކަކަށް ލޯބިވާނަމަ، މާތްރަސްކަލާނގެ ވާނީ އަހަރެމެންނާ ގުޅިލާމެހިފައެވެ. އަދި އެކަލާނގެ ލޯބި އަހަރެމެންގެ ކިބައިގައި ފުރިހަމަވެފައި ވާނެއެވެ.