Aposel 2:17 - Nukna

¹⁷ ‘Ánutu yá ing mek, “Rám bá sálikngingga árán du no Irukna wa suring me ámna náráwa kámuk kán káin han nángánangge sáni me yáuriwa sáni yá nákkán me wawu profet tá ina mengguineráng. Ámna máto sáni yá tárák ára ina kápát tu ámna tátáwi sáni yá ára kangguineráng.

Aposel 2:17 ပူးပေါင်းရင်းမြစ်များ

Aposel 10:45

Wáina ep ihán du watá me hulá kámá kámá metángga Ánutu kutná meng tárut tángga áturáng. Wáina tát kangga Juda ámna Jesu ya naráng háting mená yá Pita yot áwuráng watá hárámuturáng, náuta Iruk Káungá watá ále kámá káinnan watán káin hányon áwáng ep ihuk wata. Wáina kangga Pita yá ku miuk,

Luk 3:6

Wáina hálendu ámna náráwa kámuk hánám watá Ánutu yá son ihinek wa hiták káineráng,’” ingga wáina uyiuk.

Aposel 21:9

Ámna wata yáuriwa máto 4 watá wu profet me mengngátaráng.

Aposel 11:28

Kulá profet waháranan káman da kutná wu Agabus watá hetang átang Iruk Káungá yá pahálán han ing miuk, “Káwakngá káwakngá erek hánám sungi kesák táwi hánám bá tunggafeinek,” wáina ingga miuk. Wata torong káin Rom bán king Klaudius watán rám hára sungi kesák watá tunggafiuk.

Aposel 2:16

Wa meráng wáina muná, ináku ná tunggafek náwu huphuráp profet Joel yá ing miuk wa,

Aposel 2:18

Yáup nangge me yáup náráwa na hánámá yáup táená, enendu rám wahára wu no Irukna wa hányon suring me watán káin han nákkán me wa profet tá ina mengguineráng.

Aposel 2:33

Iná Jesu wawu há árángga kungga Ánutu ketná álák kálu átak. Wáina átang gu Nan dá Iruk Káungá imámáya miuk wa ketná hára há tángga ku suring mán háek ngá ku há kangga nareráng wa.

Aposel 11:27

Rám ore wahára profet kámá Jerusalem káin átang kung Antiok káin háuráng.