Jacques 4:4 - Testament ke Siki 1960 (Kabba Laka)

⁴ Sè dooudjé ke ndjè kaiya. Egeridjé ang wa, ta kwaa bokora ke nange nèn to ngä mbeté Allah? Tokou ban, doou ke ndiki ta dé to bokora lo nange nèn, nè nda rè ndja to ndjè kembaa lo Allah.

Mbede Lə Luba Kone Gə Sigi

⁴ Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.

Jacques 4:4 ပူးပေါင်းရင်းမြစ်များ

Matiye 12:39

Nè ntél tar naredè mpana, Gel dooudjé ke madjang ke to kaiyadjé nsange né tòdjou, a da karedè né tòdjou kada ang, sè né tòdjou lo prophète Jonas.

Matiye 16:4

Gel dooudjé ke madjang ke to kaiyadjé nsange né tòdjou, a da karedè né tòdjou kada ang, sè né tòdjou lo Jonas. Tokou ban nè nïyadè nao.

Matiye 6:24

Doou kada ase ta da ke ebèèdjèdèdè djo ang, mbata nè na mbeté yéh ke kada ke na ndiki marè, aséh nè na da kare yéh ke kada madji, ke nè na ko tar lo marè ang. Sésè asidjé da mbata Allah ke mbata narè djokem ang.

Lugu 19:27

A dooudjé ke ndjè kembaadjé lom nèn ke ndikim ta kisi mbaibé lodè ang, aridjédè ndé nèn, etòlidjédè nòm té.

Jean 15:19

Tokou sésè etoidjé ngä nange nèn, nange nèn a ndiki dooudjé la, a mbata sésè etoidjé ngä nange nèn ang, mbata mam mberesè ke daka nange nèn, mbata yèn dooudjé ke nange nèn mbetésè.

Jean 17:14

Ma maredè tar loi, dooudjé ke nange nèn mbetédè mbä, mbata dèdè nto ngä nange nèn ang, deo kadaba tokou mam nto ngä nange nèn ang.

Jean 7:7

Nange nèn ase mbetésè ang, a nè mbetem, mbata ma mpa tar nadji la, mbata koula la to madjang.

Romaindjé 5:10

Mbata tokou djèdjè nai ndjè kembaadjé bai, nda ta kare mèdjè woul pè ke Allah deo kwoei té lo Ngonè, nya wota mbata loshénè mèdjè woul pè mbä da kadjidjè deo tébe té la.

Romaindjé 8:7

Mbata ta kounda mè dò da rò té to ngä mbeté Allah, mbata nè ndiki gè ke ndedji lo Allah ang, ke tokoro nase ta ndiki gè ang.

1 Corinthiendjé 1:20

Ndjè kemkarè éh da wa? Ndjè da maketourou éh da wa? Ndjè mai né ndè té ke nèn éh da wa? Allah da kemkarè ke nange nèn to mbe ang wa?

1 Corinthiendjé 1:21

Mbata deo kemkarè té lo Allah, tokou nange nèn geré Allah ang deo té lo kemkarè, Allah wo madji ta kadji ndjè ke wo mèdè té deo tar mbe té ke djèdjè mpa.

Galatedjé 1:10

A loshénè mam nsange ta kinga piti kem dooudjé té, aséh kem Allah té wa? Aséh mam nda ta kare mè dooudjé koukou wa? Tokou mam nda ta kare mè dooudjé koukou, ma ma to bere lo Christ ang.

Jacques 1:27

Tar Allah ndja ke madji ke éh ke madjang kada ang kem Allah bòdjèdjè té to tokou ban, ta kao ko dèdè ke nto nganaldjé ke dènè ndoubadjé mè né ongou té ke dadè, ke ta ngem ròdjè ndja mbata waa yèdo madjang ke nange nèn ang.