Jacques 1:4 - Testament ke Siki 1960 (Kabba Laka)

⁴ A ase kare mè ke ïya ang da koula la toï, tokou ban asidjé toï ke né toï, ke né kada dousè ang.

Mbede Lə Luba Kone Gə Sigi

⁴ Ngaa, məndəər le may kar-ɛ ɗa kula gə may pɛdə mba kar ꞌtoje ne dana gadə gə ꞌmayje ɔrəje ne sṵra̰, ngaɓa gə mba kar ne kara kara lal-si ang nəm tɔ.

Jacques 1:4 ပူးပေါင်းရင်းမြစ်များ

Matiye 10:22

Dooudjé toï a mbetésè mbata rim ndja, a nè ke nwaa are ngeng sar ndò té ke goukou, nè na kinga kadji.

Matiye 19:20

Basä nèn pa arè, Mam ngem tar nèn toï, di a nai sem wa?

Matiye 5:48

Tokou ban, ase kare sésè edéidjé madji toï deo kadaba tokou Bòsésè ke dara to madji toï.

Marəke 10:21

Jésus woè a ndikè, pa arè, Nai né kada, ao elabe né loi toï, are narè dangetédjé, i a kisi ke né kinga ke dara, edé ao gom té.

Lugu 18:22

Tokou Jésus wo tar nèn, nè mpa narè, Né kada nai sei. Elabe né loi toï, are narè dangetédjé, ke i a kisi ke né kinga ke dara, edé ao gom té.

Lugu 21:19

Deo kwaa ngeng losè, sésè a kingaidjé tébe losè.

Lugu 8:15

Dèdè ke doso nange té ke madji, to dèdè ke do tar ndja ke ngem madji ke mèdè té, mèdè to gaté gaté madji, dèdè dan kandé ke mè ngebe.

Jean 17:23

Ma méh mèdè té, ke i éh mem té, mbata dèdè da kase ta dé madji toï ke rò ke kadaba, baa dooudjé ke nange nèn a kase ta geré to i ndja oulam, ke i ndikidè deo kadaba tokou i ndikim.

1 Corinthiendjé 2:6

A djèdjè mpa tar kemkarè horodè té ke ntòkou mbä, a to kemkarè ke bal té ke nèn ang, aséh lo mbaidjé ke bal té ke nèn ang, dèdè ke da dé né ke ba.

Galatedjé 6:9

Ase kare mèdjè eo ang ta da né madji, mbata ke nai ke ase dja koudja kandè, tokou mèdjè enge ang.

Colossiendjé 4:12

Epaphras, nè ke nto kada losè, bere lo Christ Jésus, dasè laphia ke mèa olè dòsè nya mè doudjou Allah té la ke ndò toï, baa ta kare sésè asidjé ngeng, ke ta kare sésè edousidjé ke né toï ke Allah ndiki.

1 Thessaloniciendjé 5:23

A Allah ke ndjè mè woul ndja aresè ta téh daka gaté gaté toï, ke ngem ndii losè ke kem losè ke ròsè madji toï, ke tar kada dòsè té ang ndò téh té lo Mbaibé lodjè Jésus Christ.

2 Timoce 3:17

Ta kare doou lo Allah ase toï, ta kare nè nase da koula ke madji toï.

Ebərəje 13:21

Aresè né ke madji toï ta da tokou mèa ndiki, ke nda mèsè té né ke to madji kèmè té deo té lo Jésus Christ, nè ke ndokoo to la ke ndò ke ndè. Amen.

Jacques 1:5

A tokou mare doou horosè té éh ke kemkarè ang, ase kare nè ndoudjou Allah, nè ke nare dooudjé toï ba, nè nòkoudè ang, a na karè.

Jacques 3:2

Mbata djèdjè toï nda né touka gòl nya, a tokou mare doou da né touka gòl ang deo tar té ke nè mpa, nè nto doou ke ase toï, nè nase ngem rè toï to.

1 Piyɛr 5:10

A Allah ke ndjè tokou mè madji toï, nè ke mmarsè ta téh ndokoo té la ke ke ndò ke ndò mè Christ té, gè té ke sésè woidjé né ndoo ndò kada kada, nè ndja na da kare asidjé toï, ke nè na ngengsè ke nè na karesè singa.

2 Piyɛr 1:9

A doou ke lal né nèn, nè nto ndjè kem tò ke wo loou ndeo ang, ke ikè ke ntoko madjang la ke leo.