Ebərəje 6:4 - Testament ke Siki 1960 (Kabba Laka)

⁴ Mbata dèdè ke tar lo Allah ndokoo kemdè té dongor mbä, ke dèdè nnaa né kare ba ke dara, ke nnaa né lo Ndil ke madji toï,

Mbede Lə Luba Kone Gə Sigi

⁴ Tar gə ɔji dɔ nje gə kəm-je unja nam, gə ꞌna nekarə baa gə dara ngaɓa d-inga Njil Njerɔsangə nam,

Ebərəje 6:4 ပူးပေါင်းရင်းမြစ်များ

Matiye 12:45

Bana nè nao, nè ndé ke mare ndildjé shiri ke to madjang wotè ndja, dèdè dao mè kei té disi nou, deo lo dooun lé ke goukou dé madjang wota yéh ke dongor. A to tokou ban ke gel dooudjé ke madjang nèn to.

Matiye 5:13

Sésè etoidjé to katé ke nange nèn, a tokou katé nèl ang a da karè ntél nèl to di wa? Nè nto madji mbata né kada ang, a ta kongou koro ke ta kare dooudjé mbòï ke gòldè.

Jean 15:6

Tokou doou isi mem té ang, da kilè daka to barkem kake, a na toutou, da djï kongou pouro, kare pourou ödè.

Jean 3:27

Jean tél pana, Doou ase ta taa né kada ang, tokou dara arè né ang.

Jean 4:10

Jésus tél pa arè, Tokou i geré né kare ba lo Allah, ke nè ke mpa nari, Arem man maih, i a doudjè kèté, ke nè na kari man tébe.

Jean 6:32

Tokou ban Jésus pa aredè, Tokoro, tokoro, ma mpa maresè, to Moïse ke aresè mourou ke ï dara dé ang, Bòi aresè mourou ke tokoro ke ï dara dé.

Koula 10:45

Ndjè ko mè tédjé ke horo ndjè koudja ta motedè té ke dé ke Pierre, mèdè ounda dò biä mbata né kinga ba lo Ndil ke madji toï dé dò Gentildjé té tò.

Koula 11:17

Tokou ban, tokou Allah aredè né kinga ba, deo kadaba tokou nè naredjè ndò ke djèdjè djo mèdjè té ke Mbaibé Jésus Christ, mam nto na a ma mase kòkou deo lo Allah wa?

Koula 15:8

Allah ke geré mè dooudjé, tòdjou tar nadji lodè mbata nè naredè Ndil ke madji toï, deo kadaba tokou nè naredjè tò.

Koula 8:20

A Pierre pa arè, Narè loi toudjou deo kadaba sei, mbata i ounda mei ta kinga né kinga ba lo Allah deo narè té.

Romaindjé 1:11

Mbata mam ndiki ta kosè, ta karem ma mase karesè mare né kinga ba lo Ndil ke ase ta kare ngengidjé.

2 Corinthiendjé 4:4

Mbata dèdè ke do mèdè té ang, allah ke nange nèn to kedji lodè, ta karedè do lokarè tar ke madji ndokoo lo Christ ang, nè ke nounda rò Allah.

2 Corinthiendjé 4:6

Mbata to Allah ke pa, Ase kare lokarè téh mè londoul té, ke nare lokarè la ndokoo mèdjè té, ta kare kemkarè ndokoo lo Allah òsou kem Jésus Christ té.

Galatedjé 3:2

Aremdjé ndoudjousè tar nèn kadaba, sésè ingaidjé Ndil deo da koula té lo tar ndedji, aséh deo tar ko mè té wa?

Galatedjé 3:5

Nè ke noula Ndil naresè, ke nda né mori horosè té, nè nda ban deo koula té lo tar ndedji, aséh deo tar ko mè té wa?

Ephésiendjé 1:18

Ta kare kemsè ke mèsè té arè, baa ta kare sésè a geridjé mè ngebe ke nè mmardjè kendé to di wa, ke ta kare egeridjé né kinga ke to né ndouba la ke ndokoo mè ndjè ko mè tédjé.

Ephésiendjé 2:8

Mbata to deo tokou mè madji té ke dadjisè mbä, deo té lo ko mè té, yèn to ngäsè ang a to né kare ba lo Allah.

Ephésiendjé 3:7

Mam ndé to ndjè tòdjou tar lo tar ke madji nèn, deo té lo né kare ba lo tòkou mè madji lo Allah ke darem deo koula té ke singa la.

Ephésiendjé 4:7

Daredjè kada kada tokou mè madji ase né kòdjou né kare ba lo Christ.

1 Timoce 4:14

Eda sä ke né kare ba ke to mei té ang, ke dari deo tar té ke Allah oula, tokou tòkou dooudjé ila djidè dòi té.

2 Timoce 2:25

Ke mè ke to dèkèkè, nè mpa tar ke gaté gaté nare dèdè ke mbeté tar. Tokou ban dòmadjang a Allah a da ta kare dèdè mbeté kedji né da ke madjang, ke da dé ta geré tar ke tokoro.

2 Timoce 4:14

Alexandre ndjè da kòrou, dam madjang nya, Mbaibé Seigneur a koukè ase koula la.

Ebərəje 10:32

Oundaidjé mèsè dò ndò té ke dongor, ndò gè té ke sésè woidjé tar lo Allah, tokou sésè waaidjé ngeng tokou né ongou té.

Ebərəje 2:4

Allah ounda tar nadji deo kadaba to, deo né tòdjou té, ke né ke ta kare mè dooudjé ounda do bia, ke né mori dang dang, ke deo né kare ba lo Ndil ke madji toï ke nè nare ndjè ke mèa ndiki.

1 Jean 5:16

Tokou doou wo ngoköè da né ke madjang ke are yo ang, nè na doudjou ke Allah a karè tébe mbata dèdè nèn ke nda né ke madjang ke are yo ang. Né ke madjang to ke are yo, ma mpa ta kare doou doudjou Allah mbata né ke madjang nèn ang.