Ebərəje 6:2 - Testament ke Siki 1960 (Kabba Laka)

² Ta tòdjou tar baptême, tar kila dji do té, tar kï mè bwa yo té, tar saria ke ke ndò ke ndò.

Mbede Lə Luba Kone Gə Sigi

² netɔji gə ɔji dɔ batɛmje, kila ji dɔ gə, tar ce buwa yo gə lə nje gə d-uy gə gangə tar gə gə dɔbo̰.

Ebərəje 6:2 ပူးပေါင်းရင်းမြစ်များ

Matiye 28:19

Tokou ban abidjé, edaidjé ndjè kao gom té horo gel dooudjé té toï, edaidjédè baptême ke ri Bòi, ke Ngon, ke Ndil ke madji toï.

Matiye 3:14

A Jean ata mbetè, nè mpana, To tar lom ta kinga baptême dji té, a i dé ròm té wa?

Marəke 16:16

Doou ke wo mèa té a ndjè inga baptême, nè na kinga kadji, doou ke wo mèa té ang a saria a koso dè té.

Marəke 7:4

Tokou dèdè ntéh nata dèdè dön mourou dongor ang da ndoko man ba. Mare tar to tokou baya ke dao ngem, tokou tar toko ngonarè ke djo ke djo ninga ke kasè.

Marəke 7:8

Sésè ïyaidjé tar ndedji lo Allah, a sésè ngemidjé tar ndedii lo dooudjé.

Lugu 11:38

Mè Pharisien ounda dò biä tokou nè no Jésus ndoko man ang dongor nè nön mourou.

Lugu 12:50

Ma méh ke baptême ke ma mase kinga, ke ma misi ke mè woul ang nderèng nda baa.

Lugu 14:14

Bana i a kinga madji, mbata dèdè dase ta tél ke marè kari ang. I a kinga kouka loi ndò kï mè bwa yo té lo dooudjé ke gaté gaté.

Lugu 3:16

Jean tél tar aredè toï, Mam ndasè baptême ke man, nè ke noutam nao ndé, nè ke ma mase toutou koulaa ndar gòlè té ang. Nè na dasè baptême ke Ndil ke madji toï, ke pourou tò.

Jean 1:33

Mam ngerè leo ang, a doou ke oulam ta karem nda baptême ke man, nè mpa narem, Tokou wo doou ke Ndil disi isi dè té, a nè nto doou ke da baptême ke Ndil ke madji toï.

Jean 5:29

Dèdè da téh daka. Dèdè ke nda madji mba, dèdè da kï ke tébe, dèdè ke nda né ke madjang mba, dèdè da kï ke saria.

Koula 10:47

Doou kada ase ta kòkou man ta da dooudjé nèn baptême ang, ke inga Ndil ke madji toï deo kadaba tokou djèdjè ndja wa?

Koula 13:3

Tokou ban, gè té dèdè dïya mourou ke dèdè ndoudjou Allah mba, dèdè dila djidè dodè té, douladè dare dao.

Koula 16:15

Tokou dèdè nda sa baptême ke dooudjé ke mè kei té la, nè ndoudjoudjè mpana, Tokou sésè womdjé tokou ndjè mè ndaa kaï mè Mbaibé Seigneur té, edéidjé kei lom, isidjé nou. Nè nïya ta pa karedjè ang nderèng djèdjè djao kei la.

Koula 16:33

Nè nao kedè tilti ndja ntoko doo lodè. Nè ke dooudjé ke mè kei té la toï dinga baptême loshénè loshénè.

Koula 17:18

Mare dooudjé ke ndjè ndiki kemkarè lo Epicuriendjé ke Stoïciendjé woè tò. Maredjé pana, Di a ndjè pa tar nya nèn ndiki ta pa wa? Maredjé pana, Nè nto tokou doou ke pa tar lo mare allahdjé ke dang, mbata Paul pa tar lo Jésus ke tar kï mè bwa yo té.

Koula 2:38

Pierre pa aredè, Mbetidjé kedji né da ke madjang losè, ao ingaidjé baptême kada kada toï ke ri Jésus Christ, nè ke na kïya né ke madjang losè, tokou ban sésè a kingaidjé né kinga ba lo Ndil ke madji toï.

Koula 2:41

Tokou ban dèdè ke do tar la mèdè té, dèdè dinga baptême mbä. Ndò té ke nou dooudjé ngosiba ke dourou mouta mbona kedè.

Koula 23:6

A tokou Paul wo mare dooudjé er kada to Sadducéendjé ke maredjé to Pharisiendjé, nè mpa ke tarr horodè té, Ngakömdjé, mam nto Pharisien, ngon lo Pharisiendjé, mbata to tar mè ngebe ke tar kï mè bwa yo té ke dèdè nsange ta gange saria dòm té.

Koula 24:15

Mem ao ngebe ke rò Allah té, né ke dèdè ndja ngebe tò, mbata dooudjé ke gaté gaté ke dooudjé ke gatang tò, da kï mè bwa yo té.

Koula 24:21

Ban ang a to tar nèn kada ke ma mpa ke tarr, tokou ma marr horodè té, To mbata tar kï mè bwa yo té ke sésè esangidjé ta gange né saria dòm té bokonè.

Koula 24:25

Tokou nè mpa tar dò tar té ke gaté gaté, ke dò tar tò boo ke rò té, ke dò tar saria ke ao dé, bel da Félix nya, nè mpana, Ao loshénè, tokou ma mo madji mare ndò ma ma bari.

Koula 26:8

Mbata Allah are ndjè yodjé ï, mba di a sésè toï woidjé tar nèn to tar ke ngä ko mèsè té ang wa?

Koula 4:2

Mèdè toodè mbata dèdè ntòdjou tar dooudjé, ke dèdè ntòdjou tar kï mè bwa yo té mè Jésus té.

Koula 6:6

Dèdè ntòdjoudè ndjè kouladjé, dèdè ndoudjou Allah ke dila djidè dodè té.

Romaindjé 2:16

Ndò té ke nou, ndò ke Allah gange saria do kedji té lo dooudjé ke yarè, deo té lo Jésus Christ tokou tar ke madji lom pa.

1 Corinthiendjé 10:2

Ke dèdè toï inga baptême Moïse mè ndi té ke il ke mè man katé té.

1 Corinthiendjé 12:13

Mbata ndadjè baptême toï ke Ndil ke kadaba, ta dé to da rò kada, Juifdjé aséh Grecdjé, beredjé aséh dooudjé ke dodè to lél pè, daredjè toï ta kaih mè Ndil té kada.

2 Corinthiendjé 5:10

Mbata to tar lodjè toï ta téh no ngèndé gange saria té lo Christ, baa ta kare dooudjé kada kada inga madji aséh madjang, deo kadaba ke né ke nè nda mbä tokou nnai mè rò té la.

Philippiendjé 3:21

Nè ke na tourou ròdjè ke to ròkoul nèn ta dé tokou rè ke ndokoo, deo singa té ke arè ta kongou nédjé toï dja té.

Colossiendjé 2:12

Ke ndoubousè sa deo baptême té, ke sésè ïdjé sa tò deo ko mè té ke singa lo Allah, nè ke narè nï mè bwa yo té.

2 Timoce 2:18

Dèdè ke ndja gatang deo tar té ke tokoro, mbata dèdè mpana ndò kï lo dooudjé mè bwa yo té ndai mbä. Dèdè dake ko mè té lo maredjé.

Ebərəje 11:35

Dènèdjé inga nindè deo kï mè bwa yo té. Maredjé wo né ndoo ongou nya, ke dèdè mbeté ta téh kendé, baa ta kinga kï mè bwa yo té ke madji wota.

Ebərəje 9:10

Mbata yèn to tar mourou, ke né kaih, ke tar toko rò dang dang, ke dèdè nda deo té lo da rò sar ndò ta da né gaté gaté.

2 Piyɛr 3:7

A deo tar té nèn to, ngem dara ke nange ke loshénè nèn mbata pourou, ngemdè sar ndò gange saria ke ndò toudjou dooudjé ke mbeté Allah kem pourou té.