Ebərəje 6:19 - Testament ke Siki 1960 (Kabba Laka)

¹⁹ Djèdjè djéh ke mè ngebe nèn tokou né ke waa kem lodjè ngeng ke yè ang, mè ngebe nèn ande loou ke giri koubou té.

Mbede Lə Luba Kone Gə Sigi

¹⁹ Nekunda mə nee le uwa nangə baa-baa to gə ngaw lar gə ɔy gə ꞌtɔ man gə be, mba təbə lə-si. N-riba bal dɔ gə mə kəy gə lə Luba gə to dara, n-andə no kɔgə gə,

Ebərəje 6:19 ပူးပေါင်းရင်းမြစ်များ

Matiye 27:51

Wo, tokou koubou mè tokou kei Allah té tir dana djo, ï tarr tir nderèng òrou nange. Nange yè ke err ria.

Koula 23:6

A tokou Paul wo mare dooudjé er kada to Sadducéendjé ke maredjé to Pharisiendjé, nè mpa ke tarr horodè té, Ngakömdjé, mam nto Pharisien, ngon lo Pharisiendjé, mbata to tar mè ngebe ke tar kï mè bwa yo té ke dèdè nsange ta gange saria dòm té.

Koula 27:29

Mbata bel dadè na to a kounda err ke bo, dèdè dila bouka koulaa narè sò ke ngem to ke to koutou to té mè man té, dèdè ndiki nya ta kare loou arè.

Koula 27:40

Tokou ban dèdè ntoutou narè ngem to, dïya ke mè tòkou man té, dèdè ntoutou koulaa ke tò hai tò, bana dèdè ntò koubou ke nò to té ke tarr, mbata kare lél oula mè té are dao, dèdè dao ta téh kongo té.

Romaindjé 4:16

Mbata yèn ase ta dé deo ko mè té, ta kare tar ke Allah to dé deo tòkou mè madji té, ke ta kare dé to tar ke tokoro mbata gel dooudjé té la toï, bè to lo ndjè ke éh ke tar ndedji kadaba ang, a to mbata lo dèdè ke déh ke ko mè té lo Abraham to, mbata nè nto bòdjèdjè toï.

Romaindjé 4:18

Ke mè ngebe Abraham ngebe tokou mare né ndiki ang, ta kare nè nase dé bo gel dooudjé nya, ase tar ke mpa darè, Gel dooudjé loi a dé tokou ban.

Romaindjé 5:4

Ke mè ke ïya ang da baa ta kare geré ta kwaa ngeng, ke ta geré ta kwaa ngeng are mè ngebe.

1 Corinthiendjé 13:13

Tokou ban ko mè té, ke mè ngebe, ke ndiki nto, dèdè mouta, a yéh ke wotadè toï to ndiki.

1 Corinthiendjé 15:58

Tokou ban, ngakömdjé ke mam ndikisè nya, isidjé ngeng, aridjé né yèsè ang, ebaridjé koula té lo Mbaibé Seigneur ke ndò toï, mbata sésè egeridjé koula losè to né ke ba ang mè Mbaibé Seigneur té.

Ephésiendjé 2:6

Daredjè djï tarr sa, ke daredjè djisi sa ke loou té ke dara mè Christ Jésus té.

Colossiendjé 1:27

Dèdè ke Allah ndiki ta karedè ngeré deo di a né kinga ndokoo lo né ke yarè nèn to nya horo Gentildjé té, ke to Christ mèsè té, ke to mè ngebe ndokoo.

Colossiendjé 3:1

Tokou ban, tokou ïdjé ke Christ mbä, esangidjé nédjé nèn ke to ke tarr loou té ke Christ éh kendé, ke isi do dji kòl Allah té.

2 Timoce 2:19

A gòl ke ngeng lo Allah arr tarr, ke tar la to né ke rëté, Mbaibé Seigneur geré dèdè ke nto ngë, ke, Ase kare dèdè ke mmar ri Mbaibé Seigneur dïya né ke madjang.

Ebərəje 4:16

Tokou ban, ase kare djèdjè ngese ngosi ke mè koso pon ngèndé tokou mè madji té, baa ta kinga mè madji ke ta kinga né ke oumadjè ndò té ke né doudjè.

Ebərəje 9:3

Ke giri koubou té ke djo, kei to ke mmarè loou ke madji toï ke madji toï.

Ebərəje 9:7

A mè kei té ke djo, tokou ndjè kòr kadaba ande mè té, gar kadaba mbata bal kada, nè nao ke mese mbata nè ndja, ke mbata né ke madjang lo dooudjé.

1 Piyɛr 1:3

Madji éh ke Allah Bo Mbaibé lodjè Jésus Christ. Deo tokou mè madji té la, nè noudjoudjè to ke siki ke mè ngebe ke tébe, deo kï té lo Jésus Christ mè bwa yo té.