Ebərəje 6:1 - Testament ke Siki 1960 (Kabba Laka)

¹ Mbata yèn, ase kare djïya gel né tòdjou ke dongor tar lo Christ, djao kèté ta dé kase tòkou doou, ta tél ta da gòl tar mbeté kedji dò koula yo té ang, ke dò ko mè té ke Allah.

Mbede Lə Luba Kone Gə Sigi

¹ Gəl-e gə nee ɓa, ar-si j-ḭya̰je dɔngɔr nendo gə ɔji dɔ Kirisi le, ɗaa j-ore kəm-si ndəng dɔ ye gə kar tɔgə ne gə, to gə kunda gəl nendoje gə nee to gə sigi ang: ꞌturuje kəji dɔ neje gə a kuji yo gə ta kagə Luba,

Ebərəje 6:1 ပူးပေါင်းရင်းမြစ်များ

Matiye 21:29

Nè ntél tar mpana, Mam ndiki ang, a gè té nè mbeté kedji né da ke madjang la, nè nao.

Matiye 21:32

Mbata Jean dé ròsè té deo té ke gaté gaté, ke sésè woidjé mèsè té sa ang, a ndjè taa narè lʼimpôtdjé ke dènè kaiyadjé do mèdè té sa. Lé gè té tokou sésè woidjé né nèn, sésè mbetidjé kedji né da ke madjang losè ang, ke woidjé mèsè té sa ang.

Matiye 3:2

Nè mpana, Mbetidjé kedji né da ke madjang, mbata béh kö ke dara éh ngosiba.

Matiye 4:17

Ke ndé tén lé, Jésus ounkotè ta pa tar pana, Mbetidjé kedji né da ke madjang, mbata béh kö ke dara éh ngosiba.

Matiye 5:48

Tokou ban, ase kare sésè edéidjé madji toï deo kadaba tokou Bòsésè ke dara to madji toï.

Matiye 7:25

Ndi ere ke man ï nya, lél oula nya ounda kein lé, a kei oso ang mbata ndé do err té.

Marəke 1:1

Tar ke madji lo Jésus Christ, Ngon lo Allah, ounkotè ban.

Marəke 6:12

Tokou ban dèdè dao mpa ke daka to tar lo dooudjé ta mbeté kedji né da ke madjang lodè.

Lugu 6:48

Dèdè nto tokou doou ke ao da kei. Nè nourou bwa nare ourou, nè nda gòl kei la dò err té. Tokou man oula nya, man oula ko kei té la, ase ta yè kei ang, mbata nda kei madji dò err té.

Jean 12:44

Jésus pa ke tarr, pana, Doou ke wo mèa té sem, a wo mèa té sem ang, a ke nè ke noulam.

Jean 14:1

Aridjé mèsè sangesè ang, sésè woidjé mèsè té ke Allah, woidjé mèsè té sem to.

Jean 5:24

Tokoro, tokoro, ma mpa maresè, doou ke wo tar lom, ke nè no mèa té ke nè ke noulam, nè nisi ke tébe ke ke ndò ke ndò, nè ntéh loou saria té ang, nè ndai yo mba, nè ntéh tébe té.

Koula 11:18

Tokou dèdè do tar nèn, dèdè disi dèkèkè. Dèdè dòsou gadji Allah mpana, Tokou ban Allah are Gentildjé ta mbeté kedji né da ke madjang ta kinga tébe tò.

Koula 17:30

Ndò geré né ang Allah ounda mèa dè té ang, a bashénè nè noula tè ta kare dooudjé toï ke loou té toï ta mbeté kedji né da ke madjang lodè.

Koula 2:38

Pierre pa aredè, Mbetidjé kedji né da ke madjang losè, ao ingaidjé baptême kada kada toï ke ri Jésus Christ, nè ke na kïya né ke madjang losè, tokou ban sésè a kingaidjé né kinga ba lo Ndil ke madji toï.

Koula 20:21

Ma mpa tar nadji mare Juifdjé ke Grecdjé tò, tar mbeté kedji né da ke madjang, ta dé rò Allah té, ke ta ko mèdè té ke Mbaibé lodjè Jésus Christ.

Koula 26:20

Ma mpa mare dèdè ke Damas té dongor, gè té ma mpa mare dèdè ke Jérusalem té, ke dèdè ke dò nange té ke Judée toï, ma mpa mare Gentildjé tò, to tar lodè ta mbeté kedji né da ke madjang ke ta tél rò Allah té, ke ta da né ke a kase madji ke dooudjé ke mbeté kedji né da ke madjang mbä.

Koula 3:19

Tokou ban mbetidjé kedji né da ke madjang losè, etélidjé bai ta kare mè Allah ase ta kïya né ke madjang losè, ta kare ndò kinga rònèl ta dé ke rò Mbaibé Seigneur té.

1 Corinthiendjé 13:10

A tokou né ke ase dé, yéh ke ase toï ang a ndai.

1 Corinthiendjé 2:6

A djèdjè mpa tar kemkarè horodè té ke ntòkou mbä, a to kemkarè ke bal té ke nèn ang, aséh lo mbaidjé ke bal té ke nèn ang, dèdè ke da dé né ke ba.

2 Corinthiendjé 7:1

Mbata djèdjè djéh ke tar ke Allah to ta da tokou ban, ngakömdjé ke mam ndikisè nya, ase karedjè ntoko né yèdo toï lo da rò ke lo ndii, aredjè nda ta kare mèdjè madji toï ke bel Allah.

2 Corinthiendjé 7:10

Mbata ongou ke da ase kem Allah té an kedji mbeté né ke madjang, ke ao ke deo kinga kadji té ke tél are ongou ang, a ongou ke nange nèn an yo.

Ephésiendjé 2:1

Nè naresè isidjé tébe, tokou sésè éhdjé ke yo deo mbeté tar ndedji té ke né da ke madjang losè,

Ephésiendjé 2:5

Tokou djèdjè djéh ke yo deo mbeté tar ndedji té, nè naredjè djisi tébe naaté ke Christ, to deo tòkou mè madji té ke dadjisè mbä.

Ephésiendjé 4:12

Tar kare né lo ndjè ko mè tédjé toï ase, mbata koula pa tar, mbata ngeng rò Christ.

Colossiendjé 1:28

Djèdjè mpa tar la, ke djèdjè ndedji dooudjé toï, ke ntòdjou dooudjé toï ke kemkarè toï, baa ta kare djèdjè djare dooudjé toï dé tokou doou mè Christ té.

Colossiendjé 3:14

Oulaidjé ndiki do né té nèn toï, ke to né toï naaté ke mè kadaba ase toï.

Colossiendjé 4:12

Epaphras, nè ke nto kada losè, bere lo Christ Jésus, dasè laphia ke mèa olè dòsè nya mè doudjou Allah té la ke ndò toï, baa ta kare sésè asidjé ngeng, ke ta kare sésè edousidjé ke né toï ke Allah ndiki.

1 Timoce 3:16

Ke maitar kada ang, tar ke yarè lo tar ke madji lo Allah lodjè, ke to bo, Nè ntéh da rò té, nè nto gaté gaté mè Ndil té, angedjé woè, ntòdjou tar la horo Gentildjé té, do mèdè té sa nange nèn, dwèè ke tarr ke ndokoo.

1 Timoce 6:19

Tokou ban dèdè ngem mbata ndò ke goukou gòl né kinga ke madji mbata lodè ndja, baa ta kare ntaa tébe ke to tébe ke tokoro.

2 Timoce 2:19

A gòl ke ngeng lo Allah arr tarr, ke tar la to né ke rëté, Mbaibé Seigneur geré dèdè ke nto ngë, ke, Ase kare dèdè ke mmar ri Mbaibé Seigneur dïya né ke madjang.

Ebərəje 11:6

Tokou ko mè té goto, ase ta dé madji kem Allah té ang, mbata doou ke ndiki ta dé ngosiba ke Allah, nase ta ko mèa té ke nè nisi ke nè nto ndjè kouka dèdè ke nsangè.

Ebərəje 12:13

Edaidjé deo gaté gaté mbata gòlsè, baa ta kare to singa gòl ke mete mboi ang, a ta kare dé madji.

Ebərəje 7:11

Tokou né ke ase toï ase dé deo koula kòr té lo Lévi, mbata to deo koula té nèn ke dooudjé inga tar ndedji, mbata di a ndiki mare ndjè kòr ta kï ase deo té lo Melchisédec, a ase deo té lo Aaron ang wa?

Ebərəje 9:14

Wota yèn, mese Christ, nè ke nare rè ndja Allah deo té lo Ndil ke ke ndò ke ndò, ke yèdo kada ang, a toko kedji né geré losè ta kïya koula ke woei ta da kare Allah ke tébe.

Jacques 1:4

A ase kare mè ke ïya ang da koula la toï, tokou ban asidjé toï ke né toï, ke né kada dousè ang.

1 Piyɛr 1:21

Sésè ke woidjé mèsè té ke Allah deo té la, nè ke nwèè ke tarr mè bwa yo té, ke narè ndokoo, tokou ban ta kare ko mè té ke mè ngebe losè to dò Allah té.

1 Piyɛr 5:10

A Allah ke ndjè tokou mè madji toï, nè ke mmarsè ta téh ndokoo té la ke ke ndò ke ndò mè Christ té, gè té ke sésè woidjé né ndoo ndò kada kada, nè ndja na da kare asidjé toï, ke nè na ngengsè ke nè na karesè singa.

1 Jean 4:12

Doou kada wo Allah ang bai ndò kada ang, tokou djèdjè ndikina horodjè té Allah isi mèdjè té, ke ndiki la ase toï mèdjè té.