Ebərəje 5:12 - Testament ke Siki 1960 (Kabba Laka)

¹² Mbata bal baya leo ba to tar losè ta kase dé ndjè né tòdjou, a ase kare mare doou tél tòdjousè to ke siki gel né ke dongor lo tar lo Allah. Ase kare daresè mba, bo asidjé né kousa ke tòkou ang.

Mbede Lə Luba Kone Gə Sigi

¹² Sisəy le ɗaa kuru lo əw asə kar-si ꞌtoje njenetɔjije ngaa, ngaa dɔngɔr nendo gə d-uma ne kudu tar lə Luba ja cibi ꞌnjigije kar ꞌtəl ꞌtɔji-si, to to gə ꞌtoje nganje gə kasə gə mbaa baa ɓa il-je ɓo usaje nekusa dəwje gə tɔgə ang.

Ebərəje 5:12 ပူးပေါင်းရင်းမြစ်များ

Matiye 17:17

Jésus tél tar pana, Dooudjé ke ndjè ko mè té ang, ke ndjè né da ke gatang, ma kisi kesè ndò ban wa? Ndò ban wa baa mem a kenge ang? Edé sa nèn arem.

Marəke 9:19

Jésus tél pa aredè, Dooudjé ke ndjè ko mè té ang, ma kisi kesè ndò ban wa, baa mem a kenge ang wa? Edé sa arem.

Koula 7:38

Yèn to nè ke nisi horodè té mè kòr té ke ange ke pa arè dò err Sinaï té, ke néh ke kadjèdjè tò, ndò ke nè ninga tar tébe lo Allah ta karedjè.

Romaindjé 3:2

Baya nya ke deo té toï. Ke dongor toï, Allah are tar tè té djidè té.

1 Corinthiendjé 14:19

A mè kei Allah té, mam ndiki wota ta pa tar mi ke gousou lom, baa ta tòdjou mare dooudjé, wota ke ta pa tar dourou dòkou ke ta ke dang.

1 Corinthiendjé 14:20

Ngakömdjé, isidjé to ngandjé ke gousou losè ang, mè madjang té isidjé tokou ngandjé ke mbaté, a mè gousou té isidjé to tòkou dooudjé.

Galatedjé 4:3

Tokou ban ke djèdjè tò, ndò ke djèdjè nto ngandjé, djèdjè nto beredjé lo tar né ke dongor ke nange nèn.

Philippiendjé 3:1

Go tar té nèn toï, ngakömdjé, edaidjé rònèl mè Mbaibé Seigneur té, ta da maketourou karesè tokou mam nda dongor arem ongou ang, a yèn to madji mbata losè.

Colossiendjé 3:16

Aridjé tar lo Christ to mèsè té nya, tokou sésè etòdjidjé tar ke ndedjidjéna horosè té ke kemkarè toï, ke tokou sésè òsidjé pa lo David, ke pa lo Allah, ke pa lo Ndil, ke edaidjé woio Allah ke mèsè té.

Ebərəje 10:32

Oundaidjé mèsè dò ndò té ke dongor, ndò gè té ke sésè woidjé tar lo Allah, tokou sésè waaidjé ngeng tokou né ongou té.

Ebərəje 5:11

Djèdjè djéh ke mare né nya ta pa do tar té nèn, ke to ngeng ta tòdjou gelè, mbata mbisè outou ta ko.

Ebərəje 5:13

Mbata dèdè kada kada toï ke né kousa lodè to mba kadaba, déh ke kemkarè tar ke gaté gaté ang mbata dèdè nto ngandjé.

Ebərəje 6:1

Mbata yèn, ase kare djïya gel né tòdjou ke dongor tar lo Christ, djao kèté ta dé kase tòkou doou, ta tél ta da gòl tar mbeté kedji dò koula yo té ang, ke dò ko mè té ke Allah.

1 Piyɛr 2:2

Ndikidjé mba ke madji lo tar ndja tokou ngangotaidjé, baa ta kare etòkidjé né mbata kadji.

1 Piyɛr 4:11

Tokou mare doou pa tar, ase kare nè mpa tar tokou tar ke ta Allah pa, tokou mare doou da mè madji, ase kare nè nda ke singa ke Allah arè, baa ta kare Allah ase kinga piti mè né té toï deo té lo Jésus Christ. Ndokoo ke singa to la ke ndò ke ndò. Amen.