Ebərəje 4:2 - Testament ke Siki 1960 (Kabba Laka)

² Mbata mpa tar ke madji daredjè deo kadaba tokou mpa daredè to, a tar ke dèdè do dadè madji kada ang, mbata dèdè ke do dòrè ke ko mè té ang.

Mbede Lə Luba Kone Gə Sigi

² Mba d-ila mbərə Tar gə May d-ar-sijee nəm, d-ila d-ar ꞌjejee nəm. Ngaa tar gə d-o-je le, kara kara ɗa kula rɔ-je ang, mba ꞌɗa mə kara gə nje gə d-o le dɔ takagə gə ang.

Ebərəje 4:2 ပူးပေါင်းရင်းမြစ်များ

Koula 13:46

Paul ke Barnabas mpa tar ke daka ke bel ang, mpana, To tar lodjè ta pa tar lo Allah karesè dongor kèté. Mbata sésè mbetidjé, sésè egangidjé saria dòsè té ndja ke sésè asidjé kinga tébe ke ke ndò ke ndò ang, woidjé, djèdjè ntourou ròdjè rò Gentildjé té.

Koula 3:26

Allah ke are Ngonè ï tarr, noulè ròsè té dongor, ta da madji kesè, ta télsè kada kada toï ta kïya né ke madjang losè.

Romaindjé 2:25

Tar koudja ta mote to madji tokou i ngem tar ndedji, a tokou i mbeté tar ndedji, tar koudja ta mote loi dé to tar koudja ang.

Romaindjé 3:3

Di wa tokou maredjé éh ke ko mè té goto? Mbata ko mè té lodè goto yèn da ta kare mè ndaa kaï lo Allah dé to né ke ba wa?

1 Corinthiendjé 13:3

Tokou ma mare né kinga lom toï mbata mourou lo dangetédjé, ke tokou ma moun rom ta kare pourou öm, a ma méh ke ndiki ang, yèn da né kada arem ang.

Galatedjé 3:2

Aremdjé ndoudjousè tar nèn kadaba, sésè ingaidjé Ndil deo da koula té lo tar ndedji, aséh deo tar ko mè té wa?

Galatedjé 3:8

Ke maketourou lo Allah pa tar ke madji are Abraham kèté, pana, Deo té loi gel dooudjé toï a kinga madji, mbata ngeré kèté, Allah a kare Gentildjé dé gaté gaté deo ko mè té:

Galatedjé 4:13

Sésè egeridjé to to mbata rò too ke ma mpa tar ke madji maresè ke dongor.

1 Thessaloniciendjé 1:5

Mbata tar ke madji lodjè dé ròsè té deo tar té ke ba ang, a deo singa té ke deo Ndil té ke madji toï tò, ke deo kounda mèsè dè té toï. Sésè egeridjé djèdjè nto tokou ban wa horosè té mbata losè ndja.

1 Thessaloniciendjé 2:13

Ke djèdjè nda woio Allah ke ndò toï mbata yèn, mbata tokou sésè etaaidjé tar lo Allah ke woidjé tadjè té, sésè etèèdjé tokou lo tar lo dooudjé ang, a tokou lo tar ke tokoro lo Allah ke da koula mèsè té, sésè ke etoidjé ndjè ko mè tédjé.

1 Timoce 4:8

Ngem ròi ndja deo ngem tar té lo Allah, mbata da rò inga né ngadji deo ndam té, a doou inga né ke ase né toï deo ngem tar té lo Allah, mbata tar tòna to tén mbata tébe ke loshénè, ke mbata tébe ke ao dé tò.

Ebərəje 11:6

Tokou ko mè té goto, ase ta dé madji kem Allah té ang, mbata doou ke ndiki ta dé ngosiba ke Allah, nase ta ko mèa té ke nè nisi ke nè nto ndjè kouka dèdè ke nsangè.

Ebərəje 3:12

Ngakömdjé, ngemidjé madji, ta kare mare kada losè éh ke mè ke to madjang ke wo tar ang, ke aresè kaidjè ròsè ke Allah ke tébe.

Ebərəje 4:6

Tokou ban, mbata ngem ta kare maredjé ande kendé, ke dèdè ke dinga tar ke madji kèté, doudè ta kande kendé mbata do mèdè té ang,

Jacques 1:21

Mbata tar nèn, ïyaidjé né yèdo toï ke né ke to madjang nya, etaaidjé ke mè ke dèkèkè tar ke ndoubou mèsè té, ke ase kadji ndilsè.

1 Piyɛr 1:12

Ntòdjoudè leo ke dèdè nda mbata lodè ndja ang a mbata losè, mè né té ke dèdè mpa daresè loshénè deo té lo dèdè ke mpa tar ke madji daresè deo Ndil té ke madji toï, ke doulè nï dara dé, nédjé ke angedjé ndiki nya ta ko gelè.