Ebərəje 2:3 - Testament ke Siki 1960 (Kabba Laka)

³ Djèdjè dja kaïn to di tokou djèdjè nda sa ke kadji ke boui ban wa? Mbaibé Seigneur ndja pa tar nèn dongor, ke dèdè ke do tarè mpa daredjè.

Mbede Lə Luba Kone Gə Sigi

³ ngaa sijee, to gə ɓo j-a dabə kaji gə boy dasəra le, j-a kuba tuji ang to gə ban wa? Kaji nee le Mbayɓe ila mbər-e dɔngɔr, ngaɓa nje gə d-o t-ɛ gə kara d-ila mbər-e tɔ,

Ebərəje 2:3 ပူးပေါင်းရင်းမြစ်များ

Matiye 23:33

Sè lidjé, sè ngan horomahodjé, sésè a kaïndjé saria loou kem pourou deo di té wa?

Matiye 4:17

Ke ndé tén lé, Jésus ounkotè ta pa tar pana, Mbetidjé kedji né da ke madjang, mbata béh kö ke dara éh ngosiba.

Marəke 1:14

Goukoudang dila Jean kei koula té mbä, Jésus ao nange té ke Galilée, nè mpa tar ke madji lo Allah.

Lugu 1:2

Deo kadaba tokou dèdè daredjè, dèdè ke do ke kemdè ke mpa tar nadji tar ndja dongor kèté.

Lugu 1:69

Nè nare ndjè kadji ke ngeng ï tarr mè kei té lo ngonlokisi la David mbata lodjè.

Lugu 24:19

Nè mpa naredè, Né di wa? Dèdè mpa darè, Tar lo Jésus ke Nazareth ke to prophète ke koula ke tar ngeng nò Allah té, ke nò dooudjé té toï.

Jean 15:27

Sésè a paidjé tar nadji tò, mbata sésè éhdjé sem leo dongor.

Koula 1:22

Kounkoutou baptême lo Jean nderèng ndò ke nè nao dara ke horodjè té, ke horodè té nèn ase kare doou kada dé ndjè tar nadji kï la mè bwa yo té, deo kadaba kedjè to.

Koula 2:22

Dooudjé lo Israël, woidjé tar nèn. Jésus ke Nazareth doou ke Allah oulè horosè té ke tokou koula, ke né ta kare mè dooudjé ounda do biä, ke né tòdjou ke Allah da deo té la kemsè té, sésè ndja egeridjé tokou ban.

Koula 4:12

Kadji to mè mare doou kada ang, mbata mare ri kada goto ko dara té ke to horo dooudjé té ke a kase kadjidjè.

Romaindjé 11:14

Ta kare mè noudjoumdjé Juifdjé ödè, tokou ban ta kare maredjé horodè té inga kadji.

Romaindjé 2:3

I doou, tokou i gange saria dòdè té, dèdè ke nda né tokou ban ke i ndja da ban tò, mei edji i ase ta kaïn saria lo Allah wa?

1 Corinthiendjé 1:21

Mbata deo kemkarè té lo Allah, tokou nange nèn geré Allah ang deo té lo kemkarè, Allah wo madji ta kadji ndjè ke wo mèdè té deo tar mbe té ke djèdjè mpa.

1 Thessaloniciendjé 5:3

Tokou dooudjé pana, Loou to dèkèkè ke toï to madji, bana né toudjou a dé loshénè loshénè, deo kadaba tokou ndoo dé do dènè té ke waa sem, ke da kaïn pi.

1 Timoce 1:15

Tar nèn to tar ke tokoro ke ase kare dooudjé wo toï, Christ Jésus dé nange nèn mbata kadji ndjè né da ke madjang, ke horodè té mam nto ndjè né da ke madjang ke dongor.

Tite 2:11

Mbata tokou mè madji lo Allah téh daka ta kadji dooudjé toï.

Ebərəje 1:1

Allah ke pa tar dang dang deo té ke dang dang are bòdjèdjè leo, deo té lo prophètedjé,

Ebərəje 1:14

Dèdè toï nto ndii ke da koula lo Allah, ke nè nouladè ta da mbata dèdè ke da kinga kadji ang wa?

Ebərəje 1:2

Ndò té ke goukou nèn, nè mpa tar naredjè deo té lo Ngonè, nè ke noundè to ndjè kwaa né ndouba né toï, ke deo té la nè nda nange nèn toï.

Ebərəje 12:25

Ngemidjé mbata mbetidjé nè ke mpa kesè ang, mbata tokou dèdè daïn saria leo ang, tokou dèdè mbeté nè ke ndedjidè nange nèn, djèdjè dja kaïn ngadji goto tokou djèdjè mbeté nè ke mpa tar loou té ke dara.

Ebərəje 4:1

Mbata yèn, ase kare djèdjè nda bel, mbata tokou tar kande loou kwaa rò té ke nè mpa nai bai, ta kare mare kada horosè té a dé to nè ke goukou ang.

Ebərəje 4:11

Tokou ban ase kare djèdjè nda ngeng ta kande loou kwaa rò té nèn, baa ta kare mare kada oso ang, deo ko tar té ang tokou dèdè.

Ebərəje 5:9

Tokou nè ndé ase toï, nè ndé to ndjè gel kadji ke ke ndò ke ndò, mbata dèdè toï ke do tar la.

Ebərəje 9:28

Tokou ban Christ are rè ndja gar kada ta koto né ke madjang lo dooudjé nya, nè na téh gar djo, mbata né ke madjang ang, a ta kadji ndjè ke ngebè.

1 Jean 1:1

Né ke nto leo dongor, né ke djèdjè djo mbä, né ke djèdjè djo ke kemdjè mbä, ke djèdjè nnèè, ke djòrou ke djidjè, ke to mbata tar tébe.

Jude 1:17

A sésè ke mam ndikisè nya, oundaidjé mèsè dò tar té ke ndjè kouladjé lo Mbaibé lodjè Jésus Christ pa leo.

Apocalypse 7:10

Dèdè mpa ke ndou ke bar, Kadji to ngä Allah lodjè, nè ke nisi do ngèndé ko béh té, ke ngä Ngon bati.