Ebərəje 13:20 - Testament ke Siki 1960 (Kabba Laka)

²⁰ Ase kare Allah ke ndjè mè woul ke are Mbaibé lodjè Jésus tél ï mè bwa yo té, ke to tòkou ndjè koul batidjé, deo té lo mese kwaana medji ke ke ndò ke ndò,

Mbede Lə Luba Kone Gə Sigi

²⁰ May kar Luba gə njekunda gəl ɗɛgɛgɛ, gə ar Mbayɓe le-si Jeju ndol horo nje gə d-uy, to ne njekuul badəmje gə boy, ɗəw gə lə məs-e gə riya ne kone gə to gə ɓal-ɓal,

Ebərəje 13:20 ပူးပေါင်းရင်းမြစ်များ

Matiye 26:28

Mbata yèn to mesem mbata tar kwaana medji ke siki, mesem ke ongou nange mbata dooudjé baya, ta kïya né ke madjang.

Marəke 14:24

Nè mpa naredè, Yèn to mesem mbata tar kwaana medji ke siki, mesem ke ongou nange mbata dooudjé baya.

Lugu 22:20

Nè noun ngonarè tokou ban tò, gè té dön mourou mbä, nè mpana, Ngonarè nèn to tar kwaana medji ke siki ke mesem, ke ongou nange mbata losè.

Jean 10:11

Mam nto ndjè koul bati ke madji, ndjè koul bati ke madji ïya tébe la mbata batidjé.

Jean 10:14

Mam nto ndjè koul bati ke madji. Mam ngeré batidjé lom, ke batidjé lom gerem.

Koula 13:30

A Allah arè nï tarr mè bwa yo té.

Koula 17:31

Mbata nè ntoura ndò ke ka gange saria ke nange nèn gaté gaté, deo té lo doou ke nè mmarè ke daka, nè nare dooudjé toï ta geré tar nèn to tar ke tokoro, mbata nè narè nï mè bwa yo té.

Koula 2:24

A Allah arè nï tarr mbata nè nòrou né ongou yo mbä, mbata yo ase ta ngemè ang.

Koula 2:32

Jésus nèn ke Allah arè nï tarr, djèdjè toï nto tar nadji tar nèn.

Koula 3:15

Sésè etòlidjé Mbai tébe mba, a Allah arè nï tarr mè bwa yo té. Djèdjè nto tar nadji tar nèn.

Koula 4:10

Ase kare egeridjé tar nèn toï, ke dooudjé lo Israël toï tò, ke deo té lo ri Jésus Christ ke Nazareth, nè ke sésè etòlèdjé do kake dèse té, nè ke Allah arè nï tarr mè bwa yo té, deo té la ndja doou nèn arr horosè té ke rè ke madji.

Koula 5:30

Allah lo kadjèdjè are Jésus ï tarr, nè ke sésè etòlèdjé tokou etòèdjé do kake té.

Romaindjé 1:4

Ke ntourè to Ngon lo Allah ke singa deo té lo Ndil ke madji toï, deo kï la mè bwa yo té, Jésus Christ Mbaibé lodjè.

Romaindjé 10:7

Aséh, Na a kourou mè tòkou bwa té wa? Yèn pana, Ta kare Christ ï mè bwa yo té.

Romaindjé 15:33

Allah ke ndjè mè woul éh kesè toï. Amen.

Romaindjé 16:20

Bana Allah ke ndjè mè woul a kouba Satan ko gòlsè té ndjange ndjange. Tòkou mè madji lo Mbaibé lodjè Jésus Christ éh kesè.

Romaindjé 8:11

Tokou Ndil lo nè ke nwaa Jésus ke tarr mè bwa yo té to mèsè té, nè ke nwaa Christ ke tarr mè bwa yo té, na karesè tébe ròsè té ke to rò yo to, deo té lo Ndil la ke to mèsè té.

1 Corinthiendjé 14:33

Mbata Allah to Allah ke ndjè boula ang, a to mè woul. Deo kadaba tokou to mè kei Allah té lo ndjè ko mè tédjé toï,

1 Corinthiendjé 15:15

Bana yèn wota mbata djèdjè ndé to ndjè tar nadji ngem lo Allah, mbata djèdjè mpa tar nadji lo Allah ke nare Christ ï, tokou nè narè nï ang, tokou to tokoro ke ndjè ke woei ï ang.

1 Corinthiendjé 6:14

Allah waa Mbaibé Seigneur ke tarr, ke a kwaadjè ke tarr to deo singa té la.

2 Corinthiendjé 13:11

Go né té toï, ngakömdjé, isidjé madji, edaidjé ta kase, òridjé ongou mèsè té, ndikidjéna ke mè kadaba, isidjé ke mè woul, ke Allah ke ndjè mè ndiki ke ndjè mè woul a kéh kesè.

2 Corinthiendjé 4:14

Djèdjè ngeré nè ke nare Mbaibé Jésus ï, nè na karedjè djï ke Jésus to, ke nè na da kare djèdjè ke sésè ntéh nòè té.

Galatedjé 1:1

Paul, ndjè koula lo dooudjé ang, aséh deo té lo dooudjé ang, a deo té lo Jésus Christ ke Bòdjèdjè Allah, nè ke nwèè ke tarr mè bwa yo té.

Ephésiendjé 1:20

Ke nè nda mè Christ té, tokou nè narè nï mè bwa yo té, ke narè nisi dò dji kolè té ke loou té ke dara.

Philippiendjé 4:9

Né ke sésè egeridjé ke ingaidjé ke woidjé ke mbisè ke kemsè deo té lom, edaidjé ban, ke Allah ke ndjè mè woul a kéh kesè.

Colossiendjé 2:12

Ke ndoubousè sa deo baptême té, ke sésè ïdjé sa tò deo ko mè té ke singa lo Allah, nè ke narè nï mè bwa yo té.

1 Thessaloniciendjé 1:10

Ke ta ngebe Ngonè ke dara, nè ke nè narè nï mè bwa yo té, Jésus ke òroudjè saria té ke ata dé.

1 Thessaloniciendjé 5:23

A Allah ke ndjè mè woul ndja aresè ta téh daka gaté gaté toï, ke ngem ndii losè ke kem losè ke ròsè madji toï, ke tar kada dòsè té ang ndò téh té lo Mbaibé lodjè Jésus Christ.

2 Thessaloniciendjé 3:16

Ase kare Mbaibé Seigneur ke mè woul ndja aresè mè woul ke ndò toï, deo té toï. Mbaibé Seigneur éh kesè toï.

Ebərəje 10:22

Ase kare djèdjè ndé ngosiba ke mè ke tokoro, ke dousou ke ko mè té, ke mè ke ntoko kedji ke madjang ke dang, ke rò ke ntoko ke man ke madji.

Ebərəje 10:29

Edjidjé ang ke da gange saria ngeng wota do doou té ke ouba Ngon lo Allah ke gòlè, ke wo mese tar kwaana medji ke dè madji to né ke ba, ke nè ntadji Ndil tokou mè madji wa?

Ebərəje 9:20

Nè mpana, Yèn to mese tar kwaana medji ke Allah pa mbata losè.

1 Piyɛr 1:21

Sésè ke woidjé mèsè té ke Allah deo té la, nè ke nwèè ke tarr mè bwa yo té, ke narè ndokoo, tokou ban ta kare ko mè té ke mè ngebe losè to dò Allah té.

1 Piyɛr 2:25

Mbata leo sésè abidjé dang dang tokou batidjé, a bashénè sésè etéhdjé rò ndjè koul né té, ke ndjè ngem kemsè.

1 Piyɛr 5:4

Ke tokou tòkou ndjè ngem né kouldjé téh, sésè a kingaidjé djòkedò ndokoo ke a toudjou ang.