Ebərəje 13:17 - Testament ke Siki 1960 (Kabba Laka)

¹⁷ Woidjé tar lo ndjè ke tòdjousè, ke edaidjé tokou ndoudè pa, mbata dèdè disi ta ngem kem losè tokou dooudjé ke ase ta tòdjou gel tarè. Aridjédè nda ban ke rònèl, ke ongou ang, mbata yèn to madji mbata losè kada ang.

Mbede Lə Luba Kone Gə Sigi

¹⁷ Oje tar ta njekɔr no-sijee gə ngaɓa osoje kul no-je gə. Mba ꞌtɔsə kəm-je dɔ təbə gə lə-si gə d-a tura go-e. ꞌƊaje gə maj-ɛ mba kar ꞌɗa gə rɔləl ɓo gə man no ang mba ꞌtura go-e gə man no kara ne may kara gə a kingaje kəne godo.

Ebərəje 13:17 ပူးပေါင်းရင်းမြစ်များ

Lugu 16:2

Nè mmarè mpa narè, Tar nèn ke mo dòi té to tar di wa? Etoura né lom ke i ngem mbata lom, mbata i ase ta kisi ndjè ngem né lom marè ang nga.

Koula 20:28

Ngemidjé ròsè madji ke dèdè ke loou mbona té toï ke Ndil ke madji toï aresè tokou ndjè ngem né, ta kare mourou dooudjé ke kei Allah té, ke nè ndokodè mbata la ndja ke mese la.

Romaindjé 14:12

Tokou ban djèdjè kada kada toï dja tél ke tar lodjè ndja kare Allah.

1 Corinthiendjé 16:16

Ase kare sésè woidjé tar lo dooudjé ke ban, ke dèdè toï ke nda koula ke tokou ban.

Ephésiendjé 5:21

Woidjé tar lona horosè té ke bel lo Christ.

Philippiendjé 1:4

Ke ndò toï mè doudjou Allah lom toï mbata losè toï, mam ndoudjou Allah ke rònèl.

Philippiendjé 2:12

Mbata yèn, sésè ke mam ndikisè nya, deo kadaba tokou sésè woidjé ke ndò toï ke tokou ban loshénè, ke kem té ba ang, a wota nya tokou ma méh kesè ang, edaidjé ke bel ke rò kisa ta kare kadji losè dé ase.

Philippiendjé 2:16

Tokou ngemi djè tar tébe, tokou ban ndò lo Christ ma ma kase kòsou gadjim mbata maïngòrou ba ang, aséh mam nda koula ba ang.

Philippiendjé 2:29

Tokou ban, etèèdjé mè Mbaibé Seigneur té ke koukou ke madji toï, epitidjé dooudjé tokou ban.

Philippiendjé 3:18

Mbata maredjé baya ndja tokou ndjè kembaa kake dèse lo Christ, dèdè ke ma mpa tar lodè gar baya maresè leo, ke bashénè ma mpa maresè ke man kem tò.

Philippiendjé 4:1

Mbata yèn, ngakömdjé ke mam ndikisè nya, ke boo ndiki nya dam mbata losè, rònèl ke djòkedò lom, arridjé ngeng ban mè Mbaibé Seigneur té, sésè ke mam ndikisè nya.

2 Thessaloniciendjé 3:14

Tokou mare doou mbeté ta ko tar ke djèdjè mpa mè maketourou té nèn, woidjé deo la, edaidjé mè kada sa ang, baa ta kare nè ninga ròkoul.

1 Timoce 5:17

Tòkou dooudjé ke ngem deo lodè madji, are dooudjé òsou gadjidè nya wota, dèdè ndja ke nto ndjè da koula pa tar, ke ntòdjou tar.

Ebərəje 13:24

Edaidjé laphia ndjè tòdjousè deo toï, ke ndjè ko mè tédjé toï. Ndjè ke Italie dasè laphia.

Ebərəje 13:7

Olidjé mèsè do ndjè ke tòdjousè deo, dèdè ke mpa tar lo Allah daresè, woidjé gel tébe lodè, ndadjidjé ko mè té lodè.

Jacques 4:7

Tokou ban woidjé ta Allah, mbetidjé Satan ke nè na kaïnsè.

1 Piyɛr 5:5

Tokou ban basädjé, woidjé tar lo tòkou dooudjé. Etoidjé mèsè toï ta da horosè té ke mè ke dèkèkè, mbata Allah mbeté dooudjé ke ndoi ròdè a nè nare tokou mè madji dooudjé ke da ròdè ngadji.