Ebərəje 12:14 - Testament ke Siki 1960 (Kabba Laka)

¹⁴ Edaidjé ta kisi ke mè woul ke dooudjé toï ke mè ke madji toï, mbata doou ke éh né ang a ko Mbaibé Seigneur ang.

Mbede Lə Luba Kone Gə Sigi

¹⁴ May kar-si ꞌsangəje go ɗɛgɛgɛ mba kar to horo-si gə gə dəwje tɔ̰y ngaɓa sangə rɔ godo nama dəw a ko kəm Mbayɓe ang.

Ebərəje 12:14 ပူးပေါင်းရင်းမြစ်များ

Marəke 9:50

Katé to madji, a tokou katé nèl ang a da karè ntél nèl to di wa? Isidjé ke katé mèsè té, isidjé ke mè woul horosè té tò.

Lugu 1:75

Ta da ke mè ndaa kaï ke gaté gaté nòè té ndò tébe té lodjè toï.

Romaindjé 12:18

Tokou ase, tokou tar losè to mè té, isidjé ke mè woul ke dooudjé toï.

Romaindjé 14:19

Bana ase kare djèdjè ndja go né té ke are mè woul, ke né ke djase ngeng né maredjé horodjè té.

Romaindjé 6:22

A bashénè mbata dòrousè mè né té ke madjang, sésè edéidjé bere lo Allah, kandé losè to ngä ngem ròsè mbata Allah, ke gelè to tébe ke ke ndò ke ndò.

1 Corinthiendjé 1:10

Mam ndedjisè ngakömdjé, ke ri Mbaibé lodjè Jésus Christ, ta kare tar losè toï dé kadaba, ke tar kaina to horosè té ang, a mbòidjéna ke kedji kadaba ke gange tar kadaba.

1 Corinthiendjé 13:12

Mbata bokonè djèdjè djo mè né ko kem té gatang, a gè té dja ko kemna ke kemna. Bokonè mam ngeré ase toï ang, gè té ma ma geré toï deo kadaba tokou ngerem toï leo.

2 Corinthiendjé 6:17

Mbata yèn, etéhdjé daka horodè té, isidjé dang, Mbaibé Seigneur pa, òridjé né yem ngadji ang, bana ma ma taasè.

2 Corinthiendjé 7:1

Mbata djèdjè djéh ke tar ke Allah to ta da tokou ban, ngakömdjé ke mam ndikisè nya, ase karedjè ntoko né yèdo toï lo da rò ke lo ndii, aredjè nda ta kare mèdjè madji toï ke bel Allah.

Galatedjé 3:21

Bana tar ndedji mbeté né ke Allah to wa? Ngadji goto. Mbata tokou dare tar ndedji ke ase ta kare tébe, tar gaté gaté a to deo tar ndedji té ke tokoro.

Ephésiendjé 5:5

Egeridjé yèn, ndjè kaiya, aséh doou ke da né gatang, aséh ndjè mè ke to ndjè polo kòr, dase kinga né ndouba béh ko lo Christ ke lo Allah kada ang.

Philippiendjé 3:12

Ma mpa ang ke ma minga mbä, aséh mam ndé ase toï mbä, a ma maïngòrou baa ta taa to né lom ndja, mbata Christ Jésus taam to né la ndja.

1 Thessaloniciendjé 3:13

Baa ta kare nè ngeng mèsè mè tar té ke madji toï, ke né kada dòsè té ang no Allah Bòdjèdjè té ndò téh té lo Mbaibé lodjè Jésus ke ndjè ko mè tédjé la toï.

1 Thessaloniciendjé 4:7

Mbata Allah bardjè mbata né yèdo ang, a ta téh daka ke madji.

1 Thessaloniciendjé 5:15

Ngemidjé ta kare doou kada horosè té tél né ke madjang mbata madjang ang, a esangidjé ta da madji horosè té kena ke ndò toï, ke maredjé toï to.

1 Timoce 6:11

A mbata i, doou lo Allah, aïn nèn toï, eda ta ndja go gaté gaté té, ke deo ngem tar lo Allah, ko mè té, ndiki, ke mè ke enge ang, ke mè ke isi dèkèkè.

2 Timoce 2:22

A mbeté boo koura, ndja go gaté gaté té, ko mè té, ndiki, mè woul, deo kadaba ke dèdè ke ndoudjou Mbaibé Seigneur ke mè ke éh ke madjang kada ang.

Ebərəje 12:10

Mbata dèdè ndangedè ndò kada kada tokou dèdè do ase, a Allah ndangedjè ta dadjè madji, baa ta kare djinga né ke madji la toï.

Ebərəje 9:28

Tokou ban Christ are rè ndja gar kada ta koto né ke madjang lo dooudjé nya, nè na téh gar djo, mbata né ke madjang ang, a ta kadji ndjè ke ngebè.

1 Piyɛr 3:11

Ase kare nè nïya madjang ta da gaté gaté, Ase kare nè nsange go mè woul ke nao gè té.

1 Piyɛr 3:13

Na to ta dasè madjang tokou sésè edaidjé né ke madji wa?

2 Piyɛr 3:11

Mbata né nèn toï a toudjou tokou ban, ase kare isidjé tokou ban wa, ke ndja ke madji toï deo ngem tar té lo Allah.

2 Piyɛr 3:18

A etòkidjé nya ke tòkou mè madji ke gousou geré Mbaibé Seigneur ke ndjè kadjidjè Jésus Christ. Ndokoo to la loshénè nèn ke sar ndò ke ndò tò. Amen.

3 Jean 1:11

I ke mam ndiki nya, ao go tar té ke madjang ang, a ao go tar té ke madji. Doou ke da madji to ngä Allah, doou ke da madjang wo Allah ang nga.