Ebərəje 10:34 - Testament ke Siki 1960 (Kabba Laka)

³⁴ Mbata sésè edaidjé mè madji ke ndjè kei kouladjé, ke ndikidjé gè ke rònèl tokou ntaa né losè ba, mbata sésè egeridjé ke sésè ndja éhdjé ke né ke madji wota, ke to ke ndò toï.

Mbede Lə Luba Kone Gə Sigi

³⁴ Mba oje kəmtondoo lə nje gə to kəy kula gə, ngaɓa d-uwa si nemayje lə-si ꞌta kara to si ang nəm, mba ꞌgərəje to gə ingaje nemayje gə to ɓəəl gə a to gə ɓal-ɓal nam.

Ebərəje 10:34 ပူးပေါင်းရင်းမြစ်များ

Matiye 19:21

Jésus pa arè, Tokou i ndiki ta to gaté gaté, ao elabe ndoko né kinga loi, are narè dangetédjé, ke i a kisi ke né kinga ke dara, edé ao gom té.

Lugu 10:42

Né kadaba ke ase toï. Marie mbere né ke madji, ke da kòrou dja té ngadji ang.

Lugu 12:33

Elabidjé né losè, aridjé né kare ba dooudjé, edaidjé bòl mbata losè ke tir ang, ke né kinga ke dara ke a nai ang, loou ke ndjè boukou kada téh té ang, ke ndirbòrou kada toudjou né kendé ang to.

Lugu 9:25

Tokou mare doou inga né ke nange nèn toï, a tébe la nai, né lé toï a da sa madji to di wa?

Koula 21:33

Ban tòkou doou ke ndjè ngem ndjè pouroudjé waa Paul, nè mpa naredè ta tòè ke koulaa narè djo. Nè ndoudjou doou nèn to na wa ke di a nda wa?

Koula 28:20

Tokou ban mbata tar nèn, mam ndoudjou ta kosè ke ta pa karesè, mbata to mbata tar mè ngebe lo Israël ke dèdè ntòm ke koulaa narè nèn.

Koula 5:41

Tokou ban dèdè dï ntéh no ndjè gange sariadjé té, mèdè koukou nya mbata Allah wodè madji ase ta kinga ongou né ròkoul mbata ria.

2 Corinthiendjé 5:1

Mbata djèdjè ngeré tokou kei ke da rò té ke djèdjè djisi kendé toudjou, djèdjè djéh ke kei ke Allah da, ke dji doou da ang, loou kisi ke dara ke ndò ke ndò.

Ephésiendjé 3:1

Mbata tar nèn, ma Paul, ndjè kei koula lo Christ Jésus mbata sè Gentildjé.

Ephésiendjé 4:1

Tokou ban, ma ndjè kei koula mbata Mbaibé Seigneur, mam ndoudjousè ta ndja madji ase bar ke mmarsè kendé.

Ephésiendjé 6:20

Mbata yèn, mam nto ndjè koula ke ntòm ke koulaa narè, baa ta karem mase pa tar ke bel ang tokou to tar lom ta pa.

Philippiendjé 1:7

To gaté gaté mbata mem edji tokou ban mbata losè toï, mbata sésè toï etoidjé mem té tokou ndjè kinga tokou mè madji deo kadaba ke ma, mè kei koula té lom ke tokou ma mpa tar nadji ta ngem tar ke madji to, ke ta kare nto tar ke tokoro.

Colossiendjé 1:5

Mbata mè ngebe ke ngem mbata losè ke dara. Sésè woidjé tar nèn leo mè tar té ke tokoro, tar ke madji ndja.

1 Timoce 6:19

Tokou ban dèdè ngem mbata ndò ke goukou gòl né kinga ke madji mbata lodè ndja, baa ta kare ntaa tébe ke to tébe ke tokoro.

2 Timoce 1:16

Are Mbaibé Seigneur da mè madji kei lo Onésiphore, mbata nè nda nare mem woul gar baya nya, ke néh ke ròkoul mbata koulaa narè ke waam ang.

2 Timoce 2:9

Ke mbata tar ke madji nèn, ma minga ndoo né ongou, ke koulaa tòm tokou doou ke da madjang, a nto tar lo Allah ang.

2 Timoce 4:8

Gè té loshénè, ngem djòkedò ke gaté gaté dao ngebem né, ke Mbaibé Seigneur ndjè gange saria gaté gaté a karem ndò té ke nou, ke ma ke kadam ang, a dèdè toï ke ndiki téh la to.

Ebərəje 11:16

A bashénè dèdè ndiki béh ke madji wota, yèn pana béh ke dara. Mbata yèn Allah éh ke ròkoul ang tokou dèdè mmarè Allah lodè, mbata nè nda béh naredè.

Ebərəje 13:14

Mbata djèdjè djéh ke béh nange nèn ke to ndò toï ang, a djèdjè nsange yéh ke ao dé.

Ebərəje 13:3

Olidjé mèsè do ndjè té ke to kei koula té, deo kadaba tokou sésè etoidjé tokou lo ndjè kei kouladjé kedè, ke dèdè ke ndadè madjang, mbata sésè éhdjé ke da rò to.

Ebərəje 9:15

Mbata yèn, nè nto ndjè moso tar kwaana medji ke siki, baa ta kare dèdè ke mmardè dinga né ndouba ke ndò toï, ke Allah tòdè, deo kwoei té la ke adji dèdè ke nda madjang ko tar kwaana medji té ke dongor.

Jacques 1:2

Ngakömdjé, tokou osoidjé né té ke naasè dang dang, woidjé toï tokou né koukou.

1 Piyɛr 1:4

Mbata kwaa né ndouba ke ase toudjou ang, ke éh ke madjang kada ang, ke en ang, ke ngem dara mbata losè.

1 Jean 3:2

Sésè ke mam ndikisè nya, bashénè djèdjè nto ngandjé lo Allah, a né ke djèdjè dja kéh nai téh ang bai, a djèdjè ngeré tokou nè ntéh, dja kéh deo kadaba tokou nè ndja, mbata dja koè deo kadaba tokou nè néh.