Apocalypse 7:3 - Testament ke Siki 1960 (Kabba Laka)

³ Nè mpana, Edaidjé nange aséh tòkou man aséh kake madjang ang sar djèdjè nto né natenò nganlokisidjé té lo Allah.

Mbede Lə Luba Kone Gə Sigi

³ n-pa na: Əw-je rɔ-si mba ɗa məyɛr dɔ nangə, babo, ose kagəje, saar gə mba kar-si j-ɔsə bəngə ji ɓida no njekulaje gə lə Luba kede nam ɓa.

Apocalypse 7:3 ပူးပေါင်းရင်းမြစ်များ

Matiye 24:22

Tokou ngange ndè ang, doou kada a kinga kadji ang, a mbata lo dèdè ke Allah bardè ke daka, nè na gange ndè ngosiba.

Matiye 24:31

Nè na koula angedjé la ke né kòl ke bar nya, dèdè da mbòn dèdè ke Allah bardè ke daka loou ke lél sò oula, ke ngange dara té kada sar marè.

Jean 12:26

Tokou doou da sem, ase kare nè ndja gom té, ke loou ke méh kendé, ngonlokisi lom a kéh té to. Tokou doou da sem, Bòi Allah a pitè.

Jean 3:33

Doou ke wo tar nadji la mbä, nè mpana to tokorè, Allah to tokoro.

Romaindjé 6:22

A bashénè mbata dòrousè mè né té ke madjang, sésè edéidjé bere lo Allah, kandé losè to ngä ngem ròsè mbata Allah, ke gelè to tébe ke ke ndò ke ndò.

Apocalypse 13:16

Nè nda ta kare dooudjé toï, ndjè ke ngadji ke ndjè ke tòkou to, ndjè né kingadjé ke dangetédjé tò, dooudjé ke dòdè to lél pè ke beredjé to, ta kinga ndadji djidè té ke kòl aséh natenòdè té.

Apocalypse 13:17

Tokou ban ta kare doou kada ndoko né aséh labe né ang tokou nè néh ke ndadji nèn ang, yèn pana ri da aséh né toura ria.

Apocalypse 14:1

Bana ma maa loou, ke wo, mo Ngon bati ke arr do tòkou err Sion té, dooudjé dourou dòdòkou gérè dourou dòsò ke dourou sò éh sa, dèdè ke nda ria ke ri Bèdjè natenòdè té.

Apocalypse 14:9

Mare ange ke mouta dé gè té pa ke ndou ke bar nya, Tokou mare doou kada wal da ke make la, ke inga ndadji natenòè té aséh dja té,

Apocalypse 19:2

Mbata gange saria la to tokoro ke gaté gaté, nè ngange saria lo tòkou dènè kaiya ke toudjou nange nèn ke kaiya la, ke nè nouka mese nganlokisidjé la dò dènè té nèn.

Apocalypse 20:4

Gè té nèn ma mo mare ngèndé kö béh, ke dèdè ke daredè ta gange saria disi do ngèndé té nèn. Ma mo kem lo dooudjé ke doudja gòboudè mbata tar nadji lo Jésus ke mbata tar lo Allah, dèdè ke nwal da nèn aséh make la ang, ke ntaa ndadji la natenòdè té aséh djidè té ang. Dèdè ntél ke tébe bai, ke dèdè do béh ke Christ bal dourou kada.

Apocalypse 22:4

Dèdè da ko kèmè, ke ria a to do natenòdè té.

Apocalypse 6:6

Ma mo né ke to tokou ndou horo dadjé té ke tébe sò, pana, Kandé blé ke kaa kada mbata denier kada, ke kandé orge ke kaa mouta mbata denier kada, a etoudjou oubou ke vin ang.

Apocalypse 7:1

Gè té nèn, ma mo angedjé sò arr er loou té sò ke nange nèn, dèdè dòkou lél er loou té ke sò ke nange nèn, baa ta kare lél kada ase koula do nange té aséh do tokou man té aséh do kake té kada ang.

Apocalypse 7:2

Bana ma mo mare ange ï loou té ke kade téh, néh ke né to lo Allah ke tébe, nè mpa ke ndou ke bar nya nare angedjé sò ke daredè singa ta toudjou nange ke tòkou man.

Apocalypse 9:4

Mpa daredè ta da madjang ke mou ke nange ang, aséh ke kamnai aséh kake kada ang, a bè to dooudjé ke éh ke né lo Allah ke nto natenòdè té ang.