1 Piyɛr 2:1 - Testament ke Siki 1960 (Kabba Laka)

¹ Tokou ban, mbata sésè ïyaidjé tar mè madjang toï mbä, ke né kere toï, ke boro, ke tar da mè, ke tar toula do toï,

Mbede Lə Luba Kone Gə Sigi

¹ Ne ja gə ne gə kṵra̰y nama ɔsə-je ngərəng, ngaɓa kərə dəw, tar mula, ɗa mal ne gə pa tarje gə kṵra̰y dɔ dəw gə.

1 Piyɛr 2:1 ပူးပေါင်းရင်းမြစ်များ

Matiye 15:7

Sè ndjè kere ngemdjé. Ésaïe pa tokoro leo tar losè tokou nè mpa,

Matiye 23:28

Tokou ban sésè tè, kem dooudjé wosè ke daka tokou gaté gaté, a ke mèsè té dousou ke tar kere ke né ke madjang.

Matiye 24:51

Nè na toundè djaketa djaketa, nè na kilè loou té ke kadaba ke ndjè ngemdjé, loou té ke nou dooudjé a nò ke man kemdè ke da kousa ngangedè.

Matiye 7:5

I ndjè ngem, òrou doukourou kake ke to kemi té ndja dongor, tokou ban i a ko madji ta kòrou ngoi kake ke to kem ngoköi té.

Marəke 12:15

Ase djèdjè djouka aséh djèdjè djouka ang wa? Mbata Jésus geré kere lodè nè mpa naredè, Sésè eremdjé mbata di wa? Sésè amidjé narè kada baa ma mase ta ko.

Lugu 11:44

Ongou a dasè, mbata sésè etoidjé tokou dèbare ke dooudjé wo ang, dooudjé ndja dòdè té a dèdè ngeré ang.

Lugu 12:1

Ndò tar té ke nèn, tokou dooudjé dourou baya baya mbona tokou ban dèdè mbòï dò gòlna, Jésus ounkotè pa tar kare ndjè kao gè tédjé dongor, Ngemidjé mbata tar oum lo Pharisiendjé, ke to tar kere.

Lugu 6:42

Aséh i a pa kare ngokoi tokou di wa, Ngoköm, arem mòrou ngoi kake ke to kemi té, tokou i wo doukourou kake ke to kemi té ndja ang wa? I ndjè ngem, òrou doukourou kake ke to kemi té ndja dongor, tokou ban i a ko madji ta kòrou ngoi kake ke to kem ngoköi té.

Jean 1:47

Jésus wo Nathaniel ao dé rè té, nè mpa tar la, Wo, doou ke tokoro lo Israël, nere ngem ngadji ang.

Romaindjé 1:29

Mèdè dousou ke tar ke madjang dang dang toï, né ke madjang, mè, mè madjang, ndousou ke tar mè, ke tar tòl doou, tar kölna, tar kere, mè ta mbeténa, dèdè mpa tar ke madjang hoi.

1 Corinthiendjé 14:20

Ngakömdjé, isidjé to ngandjé ke gousou losè ang, mè madjang té isidjé tokou ngandjé ke mbaté, a mè gousou té isidjé to tòkou dooudjé.

1 Corinthiendjé 5:8

Tokou ban, ase kare djèdjè nda ndam ndò kòsou laa ke oum mourou ke leo ang, oum mourou mè madjang ke né ke madjang, a ke mourou ke to mè ke tokoro ke tar ke tokoro ke éh ke oum ang.

2 Corinthiendjé 12:20

Bel dam mbata dòmadjang a tokou mam ntéh ma mingasè tokou yéh ke mam ndiki ang, ke sésè ingamdjé tokou yéh ke sésè ndikidjé ang, ke dòmadjang a kòl, mè, ongou, tar maina, tar ke dèkerè, tar nanè, ndoi rò, ke tar dang dang a kï.

Ephésiendjé 4:31

Ase kare mè katé käng toï, ke mè ke ö toï, ke ongou toï, ke kòl toï, ke né tadji toï ngoto horosè té ke mè madjang toï.

1 Thessaloniciendjé 2:3

Mbata ndedji lodjè ï ke tar gatang ang, aséh ke tar yèdo ang aséh djèdjè nda deo kere té ang.

1 Timoce 3:11

Tokou ban ase kare dènèdjé isi do gòldè té to, dènèdjé ke dabe doou ang, ke nto boo ke ròdè té, dènèdjé ke mèdè ndaa kaï ke né té toï.

Tite 2:3

Epa are bouka dènèdjé tokou ban to ta kisi madji, ta toula do dooudjé ang, aséh beredjé lo koto ang. To tar lodè ta tòdjou tar ke to madji.

Ebərəje 12:1

Tokou ban, mbata tar nadji nya ban dibidjè tokou ndi ke il, ase kare djïya né koto ke né ke madjang ke dadjè mborang, ase kare djèdjè djaïn ke deo ke to nodjè té ke mè ke enge ang.

Jacques 1:21

Mbata tar nèn, ïyaidjé né yèdo toï ke né ke to madjang nya, etaaidjé ke mè ke dèkèkè tar ke ndoubou mèsè té, ke ase kadji ndilsè.

Jacques 3:14

A tokou sésè éhdjé ke mè madjang ke kòl mèsè té, òsidjé gadjisè ang, eridjé ngem mbòr tar té ke madji ang.

Jacques 4:11

Ngakömdjé, epaidjé tar madjang do maredjé té horosè té ang. Doou ke pa tar madjang dò ngoköè té, aséh nè ngange saria ke ngoköè, nè mpa madjang dò tar ndedji té, ke ngange saria ke tar ndedji. A tokou i gange saria ke tar ndedji, i to doou ke da né ke tar ndedji pa ang, a i to ndjè gange saria.

Jacques 4:5

Aséh mèsè pana maketourou lo Allah pa tar ba wa, ke pana, Ndil ke nè nare to mèdjè té da nderèng mè tooè mbata lodjè.

Jacques 5:9

Ngakömdjé, namdjé kena horosè té ang, baa ta kare ingaidjé saria ang, woidjé ndjè gange saria arr tadeo kei té.

1 Piyɛr 2:16

Isidjé tokou dooudjé ke dòdè to lél pè, a edaidjé tar dò to lél pè losè to né ke ta kiyaa madjang ang, a ndjaidjé tokou beredjé lo Allah.

1 Piyɛr 2:22

Nè ke nda né ke madjang ang, ke do tar kere tè té ang.

1 Piyɛr 3:10

Mbata, Doou ke ndiki ta ko ndò tébe, ke nè ndiki ta ko ndò ke madji, Ase kare nè nòkou ndë ke tar ke madjang, ke nòkou tè mbata tar kere.

1 Piyɛr 4:2

Baa ta kisi ndò té ke nai bai ke da rò, deo boo té ke rò ndiki ang, a deo né té ke Allah ndiki.

1 Piyɛr 4:4

Mèdè edji nya mbata sésè mbòidjé kedè bashénè ang, ta da né ke madjang wota nya deo kadaba kedè, ke dèdè ntadjisè.

Apocalypse 14:5

Dinga ngem tadè té ang, mbata dèdè déh ke yèdo kada ang.