1 Piyɛr 1:3 - Testament ke Siki 1960 (Kabba Laka)

³ Madji éh ke Allah Bo Mbaibé lodjè Jésus Christ. Deo tokou mè madji té la, nè noudjoudjè to ke siki ke mè ngebe ke tébe, deo kï té lo Jésus Christ mè bwa yo té.

Mbede Lə Luba Kone Gə Sigi

³ Ndu tɔr to dɔ Luba gə Bɔ Mbayɓe lə-si Jeju Kirisije gə, gə go məmay lə-a gə boy ɓa uji si ne to gə sigi, ɗəw ce buwa yo gə lə Jeju Kirisi horo nje gə d-uy gə, mba kar j-unda ne mə-si dɔ kisi kəm baa gə,

1 Piyɛr 1:3 ပူးပေါင်းရင်းမြစ်များ

Jean 1:13

Ke doudjou ke mese ang, ke né ke rò ndiki ang, ke né ke doou ndiki ang, a to ngà Allah ndja.

Romaindjé 12:12

Isidjé ke rònèl mè tar ngebe té losè, aridjé mèsè enge ang ke mè né ongou té, ïyaidjé ke ta doudjou Allah ang.

Romaindjé 15:13

Ase kare Allah ke ndjè mè ngebe dousousè ke koukou, ke mè woul toï deo ko mè té, mbata asidjé bar ke mè ngebe deo singa té lo Ndil ke madji toï.

Romaindjé 4:25

Nè ke ntòlè mbata né ke madjang lodjè, ke narè nï ta dadjè kare ndé gaté gaté.

Romaindjé 5:10

Mbata tokou djèdjè nai ndjè kembaadjé bai, nda ta kare mèdjè woul pè ke Allah deo kwoei té lo Ngonè, nya wota mbata loshénè mèdjè woul pè mbä da kadjidjè deo tébe té la.

Romaindjé 8:11

Tokou Ndil lo nè ke nwaa Jésus ke tarr mè bwa yo té to mèsè té, nè ke nwaa Christ ke tarr mè bwa yo té, na karesè tébe ròsè té ke to rò yo to, deo té lo Ndil la ke to mèsè té.

Romaindjé 8:24

Mbata dadjidjè deo mè ngebe té nèn. A tokou doou ngebe né ke nè no, yèn to mè ngebe ang. Mbata doou di a a ngebe né ke yéh wo wa?

1 Corinthiendjé 13:13

Tokou ban ko mè té, ke mè ngebe, ke ndiki nto, dèdè mouta, a yéh ke wotadè toï to ndiki.

1 Corinthiendjé 15:20

A bashénè Christ ï mè bwa yo té mbä. Nè nto kandé ke dongor lo dèdè ke doei mbä nga.

2 Corinthiendjé 1:3

Madji éh ke Allah Bo Mbaibé lodjè Jésus Christ, Bò mè madji, ke Allah ndjè kòrou ongou toï.

Galatedjé 6:16

A mè woul ke mè madji a dé dò dooudjé té toï ke ndja deo tén, ke do Israël té lo Allah.

Ephésiendjé 1:17

Baa ta kare Allah lo Mbaibé lodjè Jésus Christ, Bò ndokoo ndja, aresè ndii kemkarè ke ndii kòrou gel tar deo geré Allah té ndja.

Ephésiendjé 1:3

Madji éh ke Allah Bo Mbaibé lodjè Jésus Christ, nè ke nda madji kedjè mè Christ té, ke né ke madji toï lo ndii ke loou té ke dara.

Ephésiendjé 1:7

Ke mèa té, djèdjè djéh ke kadji deo mese té la, né ke madjang lodjè ïya mbä, deo té lo né kinga tòkou mè madji la,

Ephésiendjé 2:4

A Allah ke éh ke né kinga mè madji nya, mbata tokou ndiki ke nè ndikidjè kendé,

Ephésiendjé 3:20

Nè ke nase da nya wota né toï ke djèdjè ndoudjou aséh djedji, deo singa té ke da koula mèdjè té.

Colossiendjé 1:23

Tokou sésè ndjaidjé ke ko mè té ngeng ke né kada yèsè ang, ke etouraidjé ta kïya mè ngebe lo tar ke madji ang, ke sésè woidjé leo ke mpa dare dooudjé toï ke dò nange té nèn, ke darem ma Paul ta dé ndjè tòdjou tarè.

Colossiendjé 1:27

Dèdè ke Allah ndiki ta karedè ngeré deo di a né kinga ndokoo lo né ke yarè nèn to nya horo Gentildjé té, ke to Christ mèsè té, ke to mè ngebe ndokoo.

1 Thessaloniciendjé 1:3

Djèdjè djolè mèdjè no Allah Bòdjèdjè té, do koula ko mè té losè, ke koula ndiki losè, ke mè ngebe losè ke yè ang mè Mbaibé té lodjè Jésus Christ.

1 Thessaloniciendjé 4:13

A djèdjè ndikisè ta geré, ngakömdjé, tar lo dèdè ke ntibi mbä, baa ta kare mèsè ösè ang tokou dèdè ke déh ke tar mè ngebe ang.

2 Thessaloniciendjé 2:16

Ase kare Mbaibé lodjè Jésus Christ ndja ke Allah Bòdjèdjè, nè ke ndikidjè ke naredjè tar kòrou ongou ke ndò ke ndò ke mè ngebe ke madji, deo tokou mè madji té.

1 Timoce 1:14

Tòkou mè madji lo Mbaibé Seigneur lodjè dé nya wota mbata lom, ke ko mè té ke ndiki ke éh mè Christ Jésus té.

Tite 2:13

Ta ngebe tar mè ngebe ke madji lodjè, téh lo ndokoo té lo Allah ke boui, ke ndjè kadjidjè Jésus Christ.

Ebərəje 3:6

A Christ to ndjè mè ndaa kaï mè kei té lo Allah tokou ngon ndja. Ke djèdjè nto kei la, tokou djèdjè djwaa ngeng sar doutou ndò, ke mè koso pon ke mè ngebe ke djèdjè ndoi ròdjè kendé.

Jacques 1:18

Nè noudjoudjè deo tar té ke tokoro ke né ke nè ndja ndiki, ta kare djase ndé to kandé ke dongor lo né toï ke nè nda.

1 Piyɛr 1:13

Mbata tar nèn sésè etoidjé kedji gousou losè, ke isidjé do gòlsè té, oundaidjé mè ngebe losè toï tòkou mè madji té ke ao dé ròsè té, ndò téh té lo Jésus Christ.

1 Piyɛr 1:21

Sésè ke woidjé mèsè té ke Allah deo té la, nè ke nwèè ke tarr mè bwa yo té, ke narè ndokoo, tokou ban ta kare ko mè té ke mè ngebe losè to dò Allah té.

1 Piyɛr 1:23

Mbata doudjousè to ke siki ang deo kandé té ke toudjou, a deo kandé té ke ase toudjou ang nga, ke deo tar tébe té lo Allah ke to ke ndò ke ndò.

1 Piyɛr 2:2

Ndikidjé mba ke madji lo tar ndja tokou ngangotaidjé, baa ta kare etòkidjé né mbata kadji.

1 Piyɛr 3:15

A walidjé Christ mèsè té tokou Mbaibé Seigneur. Edaidjé ta tél tar ke ndò toï ke doou ke doudjou tar mè ngebe ke to mèsè té, a etélidjé tar ke mè ke dèkèkè ke bel.

1 Piyɛr 3:21

Tourou tar man nèn to baptême ke adjisè bashénè, to ta toko né yèdo da rò té ang, a to tar nadji ke kedji né geré to madji kem Allah té, deo kï té lo Jésus Christ mè bwa yo té.

1 Piyɛr 3:5

Mbata leo dènèdjé ke madji toï ke mè ngebe lodè to do Allah té, dèdè nda mandé lodè tokou ban, ke dèdè do tar lo ngaodèdè ndja.

1 Jean 2:29

Tokou sésè egeridjé nè nto gaté gaté, sésè asidjé ta geré to tokoro dooudjé toï ke ao da gaté gaté, nè noudjoudè.

1 Jean 3:3

Doou ke ngebe ban mè Jésus té, nè nda ta dé madji deo kadaba tokou Jésus to madji.

1 Jean 3:9

Doou ke Allah oudjè da né ke madjang ang, mbata kandé lo Allah to mèa té, ke nè nase ta da né ke madjang ang, mbata Allah oudjè mbä.

1 Jean 4:7

Sésè ke mam ndikisè nya, ase kare djèdjè ndikina horodjè té, mbata ndiki to ngä Allah. Doou ke ndiki, Allah oudjè mbä, ke nè ngeré Allah.

1 Jean 5:1

Doou ke wo mèa té ke Jésus to Christ, Allah oudjè mbä, ke doou ke ndiki Allah ke oudjè mbä ndiki nè ke nè noudjè mbä tò.

1 Jean 5:18

Djèdjè ngeré nè ke Allah oudjè nè nda né ke madjang ang, a nè ke Allah oudjè nè ngemè nè ndja, ke ndjè kembaa ke madjang wèè ang.

1 Jean 5:4

Mbata né ke Allah oudjou, nouta nange nèn ke singa, ke né ke nouta nange nèn ke singa to ko mè té lodjè.