Zefania 2:9 - ÎVUKU RÎA ÛVORO MWARO

⁹ Kwoguo, wata ûrîa nie ndûraga mwoyo nie Ngai-Mûnene mwene vinya wonthe, Ngai wa Isiraeli, nînîvîta atî Moabu na Amoni makethîrwa mekariî ta Sodomu na Gomora. Vûrûri wao ûkethîrwa wîcûrîte marima ma cumbî, na mîtî ya mîgua na ûgaatûûra ûrî werû tene na tene. Andû akwa arîa magaatigara nîmagaatava indo ciao, andû a vûrûri wakwa megwatîre vûrûri wao.”

Zefania 2:9 ပူးပေါင်းရင်းမြစ်များ

Isaia 11:14

Efiraimu na Juda marî vamwe nîmakaatharîkîra Afilisiti mwena wa îthûîro. Nîmakaavoota andû a Edomu na a Moabu, nao andû a Amoni mamathîkîre.

Isaia 25:10

Ngai-Mûnene nîakaagitîra kîrîma gî Zayuni, nwatî andû a Moabu magaakinyangîrwa kwao ta ûrîa nyaki îkinyangagîrwa îrimarî rîa mborera.

Isaia 49:18

Vingûra metho ûrorie mîena yonthe na wone; andû aku onthe maûnganîte vamwe maûkîte kûrî we! Wata ûrîa nie ndûûraga mwoyo, ûgeekîra andû aya onthe ta nguo, wata ûrîa wîkagîra nguo cia kwîgemia nacio, na ûmeyove wata ûrîa mûviki eyovaga rîrîa akwîgemia na mathaga make.

Jeremia 46:18

Wata ûrîa nie Mûthamaki ndûûraga mwoyo, nie Ngai-Mûnene mwene vinya wonthe, nthû nîgaûka kûmûtharîkîra, ta Taboru gatagatî ka irîma, na ta kîrîma gîa Karimeli kîrî rûtere rwa îria.

Jeremia 48:1

Ngai-Mûnene mwene vinya wonthe Ngai wa Isiraeli arauga atîrî, “Kaî andû a Nebo marî na thîna-î, nîûndû îtûûra rîao nîrîcûkangie! Îtûûra rîa Kiriathaimu nîrîconorithie na gûgatavwa, nthingo ciakuo cia vinya nî nyomomore.

Jeremia 49:1

Ûvororî wîgiî andû a Amori, Ngai-Mûnene araûria atîrî, “Nîkwa Isiraeli gûtarî arûme? Gûtirî mûndû ûngîgaa vûrûri ûcio? Nîndûî gîtûmîte andû arîa magocaga ngai îrîa îtagwa Milikomu, megwatîre vûrûri wa Gadi makînatûûra kuo?

Jeremia 49:18

Wata ûrîa Sodomu na Gomora na matûûra marîa mariganîtie nakuo maacûkangirue, gûtirî mûndû ûgatûûra Edomu kana avîtûkîrîra kuo. Ûguo nîguo Ngai-Mûnene arauga.

Jeremia 49:33

Îtûûra rîa Hazoru nîrîtûûra rîrî werû tene na tene, mbwe nîcio îgatûûraga kuo. Gûtirî mûndû ûgacoka gûtûûra kuo, kana ararîrîra kuo. Ûguo nîguo nie Ngai-Mûnene nauga.”

Jeremia 50:40

Ta ûrîa Ngai aacûkangirie Sodomu na Gomora vamwe na matûûra marîa mariganîtie na kuo, gûtirî mûndû ûgaatûûra kana ararîrîra kuo.

Amosi 1:13

Ngai-Mûnene arauga atîrî, “Andû a Amoni matûûraga mevagia, kwoguo ndigatiga kûmaverithia. Rîrîa maarûaga nîguo mararamie mîvaka yao, nîmaatarûrire aka a Gileadi marî mavu.

Amosi 2:1

Ngai-Mûnene arauga atîrî, “Andû a Moabu matûûraga mevagia, kwoguo ndigaatiga kûmaverithia, nîûndû nîmaregete kûva mûthamaki wa Edomu ûrîa wakuire gîtîîo, na njîra ya kûvîvia mavîndî make magatuîka mûu.

Zefania 2:14

Nyamû cionthe cia kûrîthua nîikaamama kuo. Nyamû cionthe cia kîthaka nîikaamama kûrîa gûcûkangie. Ndundu ikaagambaga irî ndiricarî na ndiiû igambe irî matîrirî, nîûndû nyomba ciao cia mîtarakwe nîigaatiganîrua.

Zefania 2:7

Andû a Juda arîa magaatigara nîo mageyocera vûrûri wenyu. Nîo makaarîthia mbûri ciao kuo na mamamage nyombarî cia Ashikeloni. Ngai-Mûnene nîakethîrwa arî Ngai wao, nîakethîrwa nao na amacokerie maûndû mao maro.

Zefania 3:13

Andû arîa matigîtwe kûu Isiraeli matigeka naaî, matikaria maveeni, kana mageria kûveenania. Makaagîcaga gîa kûrîa na marî na ûgitîri, na matagwîtigîra wanarî kîndû.”

Zakaria 2:13

Andû onthe kirani mûrî mbere ya Ngai-Mûnene, nîûndû nîagûka aumîte kûndû gwake kûrîa kûtheru.

Ndari 14:21

Nwatî nîngwîranîra nama atî, wata ûrîa ndûûraga mwoyo na wata ûrîa riiri wakwa wîcûrîte nthî yonthe,

Aroma 14:11

Nîûndû mandîko matheru maugîte atî: Mwathani augîte atîrî, “Wata ûrîa ndûûraga mwoyo, andû onthe nîmagaaturia maru mbere yakwa, na maumbûre atî nie nînie Ngai.”

Gûco 29:22

“Njiarwa cienyu irîa igaaûka vuva wenyu, na ageni arîa makaauma mavûrûri ma kûraca nîmakoona na mamenye mînyamaaro na mathîna marîa Ngai-Mûnene aareteere vûrûri wenyu.

Gûco 29:23

Vûrûri wonthe ûkeethîrwa ûkunîkîtwe nî cumbî na ûviriti, na ûtangîvandwa wanarî kîndû gîkamera, nginya nyaki ndîkaamera. Vûrûri wenyu ûkethîrwa wîkariî ta Sodomu na Gomora, Adima na Zeboimu, matûûra marîa Ngai-Mûnene aacûkangirie rîrîa aarakarîte nîmo mûno.