Zefania 2:7 - ÎVUKU RÎA ÛVORO MWARO

⁷ Andû a Juda arîa magaatigara nîo mageyocera vûrûri wenyu. Nîo makaarîthia mbûri ciao kuo na mamamage nyombarî cia Ashikeloni. Ngai-Mûnene nîakethîrwa arî Ngai wao, nîakethîrwa nao na amacokerie maûndû mao maro.

Zefania 2:7 ပူးပေါင်းရင်းမြစ်များ

Kîam 50:24

Josefu nîwerire aa mûrwang'ina atîrî, “Nîrî vakuvî gûkua. Nwatî gûtirî nganja Ngai nîakaamûtongoria amûrute vûrûrirî ûyû amûvire vûrûrirî ûrîa erîre Iburahimu, Isaka na Jakovu.”

Thaburi 80:14

Ngai mwene vinya wonthe tûcokerere! Taroria ûrî kûu îgûrû wone; menyerera mûthavibu ûcio.

Thaburi 85:1

We Ngai-Mûnene, nîwîguîrîrîte vûrûri waku ntha; nîûtûmîte Jakovu athatûkwa rîngî.

Ntha 4:31

Nao atongoria acio nîmeetîkirie. Na vîndî îrîa maamenyire atî Ngai-Mûnene nîamenyete ûrîa maarî na mathîna, nîmaaturumithirie ciongo ciao nthî na makîgooca Ngai-Mûnene.

Isaia 11:11

Mûthenya ûcio, Mwathani nîagaatambûrûkia njara yake rîngî nîguo acokie andû ake arîa matigarîte Sîria, Misiri, Pathirosi, Ethiopia, Elamu, Shinari, Hamathi na icîgîrîrarî cia îria.

Isaia 11:14

Efiraimu na Juda marî vamwe nîmakaatharîkîra Afilisiti mwena wa îthûîro. Nîmakaavoota andû a Edomu na a Moabu, nao andû a Amoni mamathîkîre.

Isaia 11:16

Nîgûkaagîa na njîra nene yumîte Asîria, nîûndû wa andû ake arîa maatigarire kuo, wata ûrîa gwekîkire kûrî andû a Isiraeli rîrîa maaumaga Misiri.

Isaia 14:1

Ngai-Mûnene nîakeguîra andû a Jakovu ntha na athuure andû a Isiraeli rîngî matuîke ake kîûmbe. Nîakaamacokia vûrûrirî wao o ene, na ageni nîmagaaûka na matûûranie nao.

Isaia 32:14

Nîûndû nyomba ya mûthamaki nîkaathamwa, na îtûûra rîrî îgweta ûguo rîtiganîrue. Irîma na nyomba ndaca na îgûrû cia arangîri igaatuîka maganjo tene na tene, nyûmbû nîigaakenaga irî kuo, na ng'ondu irîcage kuo.

Jeremia 23:3

Nîngaacoka nyûnganie matigari ma ng'ondu ciakwa kuuma mavûrûrirî monthe kûrîa nîinyaganîrîtie, na nîicokie ndîthiarî ciacio. Nîigaacoka iciarane na ciongerereke.

Jeremia 29:10

“Ngai-Mûnene arauga atî, rîrîa mîaka mîrongo mûgwanja (70) mûrî Babuloni îkathira nîngamwîciria na mvingie kîîranîro gîakwa namue na nîmûcokie gûkû.

Jeremia 29:14

nîmûkaamona, na nîngamûcokeria mûnyaka wenyu na nîmûcokanîrîrie kuuma mavûrûri monthe na kûndû kuonthe kûrîa namûvirithirie. Nîngamûcokia kûrîa namûrutire ngîmûvira îthamîriorî.” Ûguo nîguo Ngai-Mûnene arauga.

Jeremia 3:18

Vîndî îo andû a Juda nîmakaanyitanîra na andû a Isiraeli, na marî vamwe nîmakauma vûrûri ûrîa ûrî mwena wa rûgûrû na macoke vûrûri ûrîa naveere methe menyu ûrî îgai rîao.”

Jeremia 30:3

Nîûndû îvinda nîrîgûkinya rîrîa ngatûma andû akwa a Isiraeli na a Juda arîa matwîre marî atave, magîe na mûtûûrîre mwaro na nîmacokie rîngî vûrûrirî ûrîa naveere methe mao mawîgwatîre ûtuîke wao. Nie Ngai-Mûnene nînie nauga ûguo.”

Jeremia 31:7

Ngai-Mûnene arauga atîrî, “Inani na gîkeno nîûndû wa andû a Isiraeli, na mugîrîrie nîûndû wa vûrûri ûrîa mûnene, anîrîrani na mûkenerere mûkiugaga atî, ‘Ngai-Mûnene nîavonoketie andû ake, matigari ma andû a Isiraeli.’

Jeremia 32:44

Andû nîmakaagûra mîgûnda îo na mbeca na mekîre irore maarûarî cia mîgûnda, na ivingwe na kûgîe na aira vûrûrirî wa Benjamini, vakuvî na Jerusalemu, vakuvî na îtûûra rîa Juda, matûûrarî marîa marî vûrûrirî ûrîa ûrî irîma, na matûûrarî ma Shefela na matûûra marîa marî werûrî wa Negebu. Nîûndû nîngamacokia rîngî vûrûrirî wao. Nie Ngai-Mûnene nînie nauga ûguo.”

Jeremia 33:12

Ngai-Mûnene mwene vinya wonthe arauga atîrî, “Kûndû gûkû gûtarî andû kana nyamû cia kîthaka, matûûrarî ma kuo monthe nîgûgaatuîka kûndû kwaro gwa kûrîthia ng'ondu ciao.

Jeremia 33:7

Nîngatûma andû a Juda na Isiraeli mekindîrie wata ûrîa mekariî mbere.

Jeremia 47:5

Andû a Gaza nî menjetwe irîya magîcakaya, îtûûra rîa Ashikeloni nîrîcûkangie viû. Mue matigari ma Anaki nîmûcakaya nginya rî?

Ezek 39:25

Kwoguo Mwathani Ngai-Mûnene augîte atîrî, “Rîu nîngwîguîra andû a Jakovu ntha, na nîo andû a Isiraeli na ndûme mathatûkwe rîngî. Nîngaatûma rîîtwa rîakwa rîtheru rîvecagwe gîtîîo.

Hosea 6:11

Wana mue andû a Juda, kavinda nîkathuure rîrîa mûkaverithua ûrî ta mûcara wenyu.

Obadia 1:19

Andû arîa matûûraga mwena wa Negebu nîmakegwatîra vûrûri wa Edomu, nao arîa matûûraga Shefela megwatîre vûrûri wa Afilisiti. Andû a Isiraeli nîmakegwatîra vûrûri wa Efiraimu na megwatîre vûrûri wa Samaria; na andû a Benjamini nîmakegwatîra vûrûri wa Gileadi.

Mika 2:12

“Nwatî nama mue andû a Jakovu nîngaamûgomania vamwe, nîngaûngania andû a Isiraeli arîa matigarîte, nîmagomanie vamwe ta ng'ondu irî Kîamgarî, ta ndîthia nene ya ng'ondu irî kîthakarî, nîmûgaatuîka gîkundi Kîam andû eengî,”

Mika 4:10

Mue andû a Jerusalemu, rîrani na mûthînîke nî ûrûrû ta wa mûndûmûka agîciara, nîûndû nîmûkuuma îtûûrarî rîîrî mûthiî mûgatûûre werûrî, nîmûkûthiî Babuloni. Nwatî mûrî kûu Ngai-Mûnene nîakaamûvonokia, na amûkûûre kuuma kûrî nthû cienyu.

Mika 4:7

Andû acio ithua nîo magatigara marî mwoyo, nao arîa maavirirwe îthamîriorî matuîke rûrîrî rûrî na vinya. Nanie nîngaamathaga nîrî kîrîmarî gîa Zayuni kuuma vîndî îo nginya tene na tene.”

Zefania 2:9

Kwoguo, wata ûrîa nie ndûraga mwoyo nie Ngai-Mûnene mwene vinya wonthe, Ngai wa Isiraeli, nînîvîta atî Moabu na Amoni makethîrwa mekariî ta Sodomu na Gomora. Vûrûri wao ûkethîrwa wîcûrîte marima ma cumbî, na mîtî ya mîgua na ûgaatûûra ûrî werû tene na tene. Andû akwa arîa magaatigara nîmagaatava indo ciao, andû a vûrûri wakwa megwatîre vûrûri wao.”

Zefania 3:13

Andû arîa matigîtwe kûu Isiraeli matigeka naaî, matikaria maveeni, kana mageria kûveenania. Makaagîcaga gîa kûrîa na marî na ûgitîri, na matagwîtigîra wanarî kîndû.”

Zefania 3:20

Vîndî îo nîngaamûrete mûciî, vîndî îrîa ngamûngania vamwe; nîngaatûma mûmenyeke na mûkumue; gatagatîrî ka andû onthe a nthî, na ndûme mwîkare ta ûrîa mwekariî mbere.” Nînie Ngai-Mûnene nauga ûguo.

Hagai 1:12

Zerubabeli mûvîcî wa Shealitieli, na Joshua mûvîcî wa Jehozadaki, mûthînjîri-Ngai mûnene, na andû acio engî onthe nîmeetîkîre mûgambo wa Ngai-Mûnene Ngai wao, na ciugo cia mûrathi Hagai, wata ûrîa Ngai-Mûnene Ngai wao aamûtûmîte, nao andû nîmeetigîre Ngai-Mûnene.

Hagai 2:2

Nîwerire Hagai arie na mûnene wa Juda na nîke Zerubabeli mûvîcî wa Shealitieli, Joshua mûvîcî wa Jehuzadaki mûthînjîri-Ngai mûnene na andû onthe arîa maacokire kuuma îthamîriorî ameere atîrî,

Luka 1:68

“Mwathani Ngai wa Isiraeli arokumua! Nîûndû nîacerere andû ake, na akamakûûra kuuma ûkomborî.

Luka 7:16

Nao andû onthe arîa maarî vo nîmecûrirwe nî guoya na magîkumia Ngai makiugaga atîrî, “Tue tûrî aumîrîre nî Mûrathi mûnene, na Ngai nîaûkîte kûvonokia andû ake.”

Ciîko 8:26

Mûraika wa Mwathani nîwerire Filipu atîrî, “Ûkîra na ûthiî werekerete îveti njîrarî îrîa yumîte Jerusalemu îthiîte Gaza.” (Njîra îo îvîtûkîrîrîte werûrî).

Ciîko 8:40

Nake Filipu nîweîthîre arî îtûûrarî rîetagwa Azotu. Nake nîwaumire Azotu na akîthiî akîvunjagia Ûvoro Mwaro matûûrarî monthe nginya agîkinya Kaisarea.

Aroma 11:5

Ûguo nwa guo gûkariî wana rîu: kûrî na andû matarî eengî arîa Ngai athuurîte na njîra ya wega wake.

Ruthu 1:6

Vuvarî, Naomi nîwegwire atî Ngai-Mûnene nîwarathimîte andû ake na njîra ya kûmava maketha maro. Kwoguo Naomi nîwevarîrie nîguo aume vûrûrirî ûcio wa Moabu na acoke kwao marî na aa nyaciarawe acio maatigîtwe nî avîcî ake rîrîa maakuire.