Zefania 2:5 - ÎVUKU RÎA ÛVORO MWARO

⁵ Mue Afilisiti, kaî mûrî na thîna-î, mue mûtûûraga Kirete. Ngai-Mûnene nîamûtuîrîrîte ciira mue Akanaani na Afilisiti. Nîakaamûcûkangia, na gûtirî wanarî ûmwe wa cienyu ûgatigwa.

Zefania 2:5 ပူးပေါင်းရင်းမြစ်များ

Isaia 14:29

“Mue andû onthe a Filisiti, mûtigakene, atî nîûndû mûragi ûrîa mwarivirwe naguo nî munîkangu; nîûndû njoka îtarî ûrogi nîgaaciara kîmvuva, nakîo kîmvuva nîgîgaaciara njoka mbaganu makîria.

Isaia 14:30

Marikithathi ma athîni nîmakaagîa na irio cia kûrîa, na mamamage marî na thayû. Nwatî mue Afilisiti, nîngaathiria rûciaro rwenyu na yûra, na ûrîa ûgaatigara arî mwoyo nîngaamûraga.

Jeremia 47:7

Rûviû rûngîkira atîa rîrîa Ngai-Mûnene arûvete kanya? Arwathîte rûcûkangie îtûûra rîa Ashikeloni, na andû arîa matûûraga rûtere rwa îria.”

Ezek 25:16

Kwoguo nie Ngai-Mûnene Ngai nîngaatambûrûkia njara yakwa îgûrû rîa Afilisiti na mbûrage andû onthe a Kerethi na nthirie andû arîa matûûraga rûtere rwa îria.

Amosi 3:1

Mue andû a Isiraeli, tathikîrîriani ndûmîrîri îrîa Ngai-Mûnene arîtie îmwîgiî mue arîa onthe aarutire vûrûri wa Misiri.

Amosi 5:1

Tathikîrîria ngîgûcakaîra we Isiraeli.

Zefania 1:11

Rîrani mue arîa mûtûûraga Moritari, nîûndû avûri mbiacara onthe nîaûrage, arîa onthe mathimaga sîlûva nîathirie.

Zefania 3:6

Ngai-Mûnene arauga atîrî: “Nînjûkangîtie mavûrûri monthe; nînjûkangîtie matûûra ma kuo na ngatiga nthingo ciakuo irî njûkangie. Matûûra ma kuo nîmatiganîrie; tûcîra tûtigîtwe tûtarî mûndû.

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Maariko 12:12

Nao anene a Ayahudi nîmaageririe kûmûnyita nîûndû nîmaamenyire atî nî ûvoro wao Jesû aaragia na ngerekano îo. Nwatî nîmeetigîre kîrîndî na kwaguo makîmûtiga na makîîthiîra.

Josh 13:2

Vûrûri wonthe wa Afilisiti na wa Geshuri,

Josh 13:3

wa vamwe na vûrûri wonthe wa Avimu mwena wa îveti. (Vûrûri ûrîa wambîrîrîtie rûnjîrî rwa Shihori, mûvakarî wa Misiri nginya mwena wa rûgûrû mûvakarî wa Ekironi warî wa Kanaani. Athamaki a Afilisiti maatûûraga Gaza, Ashidodi, Ashikeloni, Gathu, na Ekironi) na vûrûri wa Avimu,

Atir 3:3

Ndûrîrî irîa ciatigirwe vûrûrirî wa Kanaani ciarî anene atano a Afilisiti, Akanaani onthe, Asidoni na Ahivi arîa maatûûraga kîrîmarî Kîam Lebanoni kuuma kîrîma Kîam Baali Herimoni nginya mwanyarî wa Hamathi.

1Sam 30:14

Nîtwatharîkîrîte vûrûri wa Akerethi ûrîa ûrî mwena wa îveti wa Juda, wana vûrûri wa mûvîrîga wa Kalebu, na tûkîvîvia Zikilagi na mwaki.”