Zefania 1:4 - ÎVUKU RÎA ÛVORO MWARO

⁴ Nîngaverithia andû onthe a Juda na arîa onthe matûûraga Jerusalemu; nîngacûkangia matigari monthe ma Baali kuuma gûkû nthî, marîtwa ma athînjîri-Ngai arîa matungatagîra ngai cia mîvuanano mariganîre.

Zefania 1:4 ပူးပေါင်းရင်းမြစ်များ

2Atha 21:13

Ngaaverithia Jerusalemu ta ûrîa nekire Samaria, na Ahabu mûthamaki wa Isiraeli na njiarwa ciake. Ngaathambia Jerusalemu ta ûrîa mûndû athambagia thaani akamîgiria na akamînamia.

2Atha 23:12

Nîwagwîthirie na akiunanga metha cionthe cia magongoona tûcunjî irîa athamaki a Juda maatumîte îgûrû rîa nyomba ya îgûrû ya mûthamaki Ahazi, wa vamwe na metha cia magongoona irîa mûthamaki Manase aatumîte ivaarorî cioîrî cia hekarû. Nîwacokire agîta tûcunjî tûu karûnjîrî ga Kidironi.

2Maû 34:4

Nîwathire metha cia Baali cia magongoona kûrîa aagoocagîrwa imomomorwe, metha cia magongoona cia kûvîvîrua ûbani irîa ciarî vakuvî nacio na akiunanga mîvuanano ya Ashera na mîvuanano îngî yonthe na magîcoka makîmîthîa îgîtuîka rûkûngû na makîrûnyagia mbîrîrarî cia andû arîa maairutîrîte magongoona.

Ntha 15:12

We watambûrûkirie njara yaku ya ûrîo, nayo nthî îkîmerie nthû cietû.

Jeremia 15:6

Mue nîmûndegete, ûguo nîguo Ngai-Mûnene arauga, nîmûgarûrûkîte mûkandiganîria. Kwoguo ndambûrûkîtie njara yakwa kûrî mue nîguo nîmûcûkangie, nîûndû nîrî mûnogu nî kûmûkirîrîria.

Jeremia 6:12

Nyomba ciao nî ikavecanwa kûrî andû engî, wana mîgûnda yao na aka ao, nîûndû nîngatambûrûkia njara yakwa, mverithie andû a vûrûri ûyû. Ûguo nîguo Ngai-Mûnene arauga.

Ezek 25:7

Kwoguo, rîu nîngûtambûrûkia njara yakwa ndûe namue na nîmûrekererie mûtavwe nî andû a mavûrûri mengî. Nîngaamûcûkangia na ndûme mûthire viû mavûrûrirî na nîmûkaamenya atî nie nînie Ngai-Mûnene.”

Ezek 6:14

Nîngaakûnjûra njara yakwa nîguo njûkangie vûrûri wao kûrîa matûûraga ûtuîke îganjo, kuuma werûrî nginya îtûûrarî rîa Ribula rîrîa rîrî mwena wa rûgûrû. Nao nîmagaacoka mamenye atî nie nînie Ngai-Mûnene.”

Hosea 10:5

Andû arîa matûûraga Samaria nîmagaatetema, nîûndû wa njaû ya Bethaveni. Andû a kuo nîmagacakaîra njaû îo, wana athînjîri-Ngai arîa magoocaga ngai cia mûviano nîmakaamînamîrîria, makarîra nîûndû riiri wa njaû îo nîmûthengutie.

Mika 5:13

Nîngaacûkangia mîvuanano yenyu, na itugî cia mathiga irîa mûgoocaga. Mûtigaacoka kûgooca rîngî indo irîa mwîthondekerete.

Zefania 2:11

Ngai-Mûnene akethîrwa arî wa kûmakania kûrî o, agaatua ngai cia nthî ta îtarî kîndû. Mavûrûri monthe ma nthî nîmakaamûtîîa, wa vûrûri ûrî vandû va guo.

Zefania 2:13

Ngai-Mûnene nîagaatûmîra vinya wake gûcûkangia Asîria. Nîagaatûma îtûûra rîa Nineve rîtuîke rîa gûtiganîrua, îtûûra rîtarî manjî na rîkariî ta werû.