Zefania 1:2 - ÎVUKU RÎA ÛVORO MWARO

² Ngai-Mûnene arauga atîrî, “Nîngaathiria ciûmbe cionthe cia nthî:

Zefania 1:2 ပူးပေါင်းရင်းမြစ်များ

Kîam 6:7

akiuga atîrî, “Nie nîngûthiria andû aya naûmbire viû, vamwe na nyamû wana iconi, nîûndû nînîrirîte nî kîrîa gîatûmire nîmaûmba.”

2Maû 24:24

Wana ethîrwa athigari a mbaara a Sîria maarî anini, Ngai-Mûnene nîwatûmire mavoote athigari eengî a Juda nîûndû andû a Juda nîmaatiganîrîtie Ngai-Mûnene, Ngai wa methe mao. Ûguo nîguo mûthamaki Joashi aaverithirue.

2Maû 36:21

Ûguo nîguo kwavingirue ûrîa Ngai-Mûnene aarîtie kûvîtûkîra mûrathi Jeremia atî, “Vûrûri ûgaatigwa ûrî mûtheri îvinda rîa mîaka mîrongo mûgwanja (70) nîguo ûgîe na îvinda rîa kûvurûka kûringana na mavinda ma thavatû marîa ûtaavurûkîte.”

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Jeremia 34:22

Tathikîrîria, nie Ngai-Mûnene nîngaatha mûthamaki wa Babuloni na athigari ake na nîngamacokia îtûûrarî rîîrî. Nîmakaarîtharîkîra, marîtave na marîvîvie na mwaki. Nîngatûma matûûra ma Juda matuîke maganjo na kûndû gûtatûûragwa nî andû. Nie Ngai-Mûnene nînie nauga ûguo.”

Jeremia 36:29

Nake Ngai-Mûnene nîwambîrire mbîre mûthamaki atîrî, ‘We nîûravîvirie îvuku rîa gîkûnjo ûkîûragia atî: Nîndûî gîtûmîte wandîke atî mûthamaki wa Babuloni nîagaaûka na acûkangie vûrûri ûyû, na aûrage andû na nyamû irîa irî kuo?’

Jeremia 7:20

Kwoguo nie Mwathani Ngai nîrauga atî: rîu nîngwîtûrûra marakara makwa manene gûkû na makinyîre andû na nyamû cia kîthaka mîtî na mîmera yonthe ya nthî. Marakara makwa magaakana ta mwaki ûtangîvoreka.”

Maca 2:17

Ngai-Mûnene nîwîkîte maûndû marîa eendete gwîka, nîavingîtie marîa aaugîte nîageka, kîrîa aavangîte kuuma tene omomorete atarî na ntha. Nîatûmîte nthû ikenerere kûverithua gwaku, nîatûgîrîtie athigari njamba arîa nthû ciaku.

Mika 7:13

Nwatî nthî nî îgaatuîka werû, nîûndû wa waganu wa andû arîa matûûraga kuo.