Tito 3:8 - ÎVUKU RÎA ÛVORO MWARO

⁸ Ûvoro ûyû nî wa ma. Nie nîrenda mue mûkinyîrîrie maûndû mama nîguo andû arîa metîkîtie Ngai mameciragie, nao mavecanage o ene nîûndû wa ciîko irîa ciagîrîrîte. Maûndû mama nîma vata na ma kûguna andû onthe.

Tito 3:8 ပူးပေါင်းရင်းမြစ်များ

Ayubu 22:2

“Mûndû ethagîrwa arî na vata ûrîkû kûrî Ngai? Nama mûndû ûrîa mûûgî nwake ûngîîguna.

Thaburi 78:22

nîûndû matiarî evokeku kûrî ke, na matietîkîtie atî ke aarî na vinya wa kûmavonokia.

Nthi 21:28

Ûira wa mûndû wa maveeni ndûthikagîrîrua, nwatî ciugo cia mûndû ûrî matû nîithikagîrîrua.

Mathaayo 20:4

Kwoguo nîwerire andû acio atîrî, ‘Wana mue thiîni mûkarute wîra mûgûndarî wa mîthavibu, na ngaamûrîva mûcara ûrîa ûmwagîrîrîte.’

Johana 12:44

Jesû nîwanîrîre akiuga atîrî, “Mûndû wa wonthe ûmbîtîkîtie tî nie tu etîkîtie, nwatî etîkîtie wana ûrîa wandûmire.

Johana 5:24

“Nie nîramwîra na ma atî: mûndû wa wonthe wîgucaga ndûmîrîri yakwa na agetîkia Ngai ûrîa wandûmire, arî na mwoyo wa tene na tene. Mûndû ûcio ndagaacirithua nî Ngai, nîûndû ke nîmumu kûrî arîa akuû na agatonya kûrî arîa marî mwoyo.

Ciîko 12:15

Nao nîmaamwîrire atîrî, “We wîna ngoma!” Nwatî mwîrîtu ûcio nîwakîrîrîrie kuga atî ke aaragia ûma. Kwoguo nîmaamwîrire atîrî, “Nwanginya ûcio ethîrwe nî mûraika wa Petero!”

Aroma 4:5

Mûndû ûrîa ûtevokaga ciîko ciake nwatî nîwîtîkîtie Ngai ûrîa wovanagîra mevia, nîwîtîkîrîkaga nî Ngai nîûndû wa gwîtîkia gwake.

2Akor 4:13

Kwandîkîtwe mandîkorî matheru atîrî, “Nie naaririe nîûndû nînetîkirie.” Kwoguo tûrî mwoyo ûcio wa wîtîkio, tue wanatue nîtwaragia nîûndû nîtwîtîkîtie.

Aefeso 4:28

Mûndû wa wonthe wîaga nîatigane na wîi na ambîrîrie kûruta wîra nîguo ethûkûmagîre na njîra îno mbagîrîru kîrîa avatarîte ûtûûrorî na avotage gûtethia athîni.

1Tim 1:15

Ûvoro ûyû nî wa ma na nîwagîrîrwe nî gwîtîkîrwa nî andû onthe, atî Jesû Kristû aaûkire gûkû nthî kûvonokia evia. Nie nîrî mwîvia mûcûku mûno gatagatîrî kao.

1Tim 2:8

Nîngîenda kûndû kuonthe kûrîa andû magoocagîra Ngai, arûme arîa meyamûrîrîte Ngai mavoyage maûkîrîrîtie njara ciao na îgûrû matarî arakaru na matagûkararania.

1Tim 5:10

Nwanginya ethîrwe arî mûndû wîcîkene na arî na ngumo mbaro, mûndûmûka ûrerete ciana ciake na njîra mbaro, ûgwataga andû ûgeni gwake mûciî, ûtethagia andû arîa marî thînarî, ûtungatagîra akristiano arîa engî enyivîtie na wîkaga ûndû wa wonthe mwaro.

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

Tito 1:9

Agîrîrwe nî kwîthîrwa arî mûndû mwîkindîriu ûvororî ûrîa ûngîîvokwa, na wîtîkanîtie na ûvoro wama ûrîa tûthomithagia. Kwoguo, akaavotaga kûmîrîria andû arîa engî na ûvoro wa ma na akavotaga kwonania mavîtia ma andû arîa maûregaga.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Tito 2:7

Maûndûrî monthe, nwa nginya we wîthagîrwe ûrî kîonereria Kîam mîtugo mîaro. Vîndî îrîa ûrathomithia, onanagia ûgima na wîthagîrwe ûrî na gîtîîo.

Tito 3:1

Ririkania akristiano kwînyivia mbere ya anene na athani. Magîrîrwe nî kûmathîkagîra na kwîthagîrwa mevarîrîtie gwîka ciîko mbaro.

Tito 3:14

Andû etû nîmagîrîrwe nî kwîruta gûtûmîra mavinda mao na gwîka ciîko mbaro nîguo matethagîrîria mavata ma andû arîa engî. Matiagîrîrwe nî gûtûûra mûtûûrîre ûtarî na maciaro.

File 1:11

Mbererî ke aarî mûndû wa mana mûno kûrî we nwatî rîu nîatuîkîte mûndû wa vata kûrî we na kûrî nie.

Ahib 10:24

Nîtûtethanagieni na twendanage mûndû na ûrîa wîngî na twîkage ciîko mbaro.

1Pet 1:21

Na njîra ya Kristû nîmwîtîkîtie Ngai ûrîa wariûkirie Kristû na akîmûva riiri. Kwoguo rîu mûtûûraga mwîtîkîtie Ngai na mwigîte mwîrîgîrîro wenyu kûrî ke.