Tito 3:6 - ÎVUKU RÎA ÛVORO MWARO

⁶ Ngai nîwatwîtîrîrie Roho Mûtheru na njîra ya Jesû Kristû mûvonokia wetû,

Tito 3:6 ပူးပေါင်းရင်းမြစ်များ

Nthi 1:23

Tathikîrîriani ngîmûkaania. Nîngaamûmenyithia meciria makwa, na nîngaamwîcûria ûûgî wakwa.

Isaia 32:15

Gûkaathiî na mbere gwîkara ûguo nginya rîrîa tûkaanyûrûrûkîrua Roho kuuma îgûrû. Vîndî îo werû nîûgaatuîka mûgûnda umaga maciaro, nayo mîgûnda îrîa mînoru îtuîke mûtitû.

Isaia 44:3

“Nîûndû nîngetîrîria manjî vûrûrirî ûrîa mûnyondu, na mbîkîre nyûnjî vûrûrirî ûrîa mûmû. Nîngetîrîria njiarwa ciaku Roho wakwa, na mbîtîrîrie ciana ciaku irathimo ciakwa.

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Joeli 2:28

“Vuvarî, nîngetîrîria andû onthe Roho wakwa, andû enyu, anake na erîtu nîmakaanîrîra, andû enyu arîa akûrû nîmakaarota iroto, nao anake enyu nîmakoona cioneki.

Johana 1:16

Nîtûnyitîte irathimo nyîngî mûno kuuma wegarî ûcio wake mwîngî.

Johana 16:7

Nwatî nîramwîra na ma atî: nie nathiî nîmûkûgîa umithio nîûndû nîngîrega kûthiî mûtigaatûmîrwa Mûtethia. Nwatî nathiî nîngaamûtûma kûrî mue.

Johana 4:10

Jesû nîwamûcokerie atîrî, “Kethîrwa nwa ûmenye kîrîa Ngai avecanaga, na nî ûrîkû ûrakûvoya manjî ma kûnyua, we nîûngîamûvoya na nîangîakûva manjî ma mwoyo.”

Johana 7:37

Mûthenya ûrîa warî wa mûthiia na wa vata mûno wa kîrugo, Jesû nîwarûngamire na akîanîrîra akiuga atîrî, “Mûndû wa wonthe mûnyondu nîaûke kûrî nie, na anyue,

Ciîko 10:45

Nao etîkia a Kîyahudi arîa maaûkanîtie na Petero maumîte Jopa, nîmaamakire mûno nîûndû kîveo Kîam Roho Mûtheru nîkîavecanîtwe wana kûrî Andû a Ndûrîrî.

Ciîko 2:33

Jesû nîwanenevirue na rîu ekaraga mwena wa ûrîo wa Ngai Îthe wake. Nake Ngai Nîwamûvere Roho Mûtheru wata ûrîa aamwîrîrîte. Kwoguo Jesû nîatwîtîrîrîtie Roho ûcio. Ûndû ûyû mûrona na mûregua nî kîveo Kîam Roho ûrîa Jesû atwîtîrîrîtie.

Aroma 2:4

Kana nîkwa we ûnyararîte ûtugi wake mwîngî, ûkirîrîria na wetereri. Nama we nîwîcî atî Ngai nî mûtugi nîûndû nîakwonagîrîria njîra ya kwîrira?

Aroma 5:5

Twagîa na kîîrîgîrîro tûtikucaga ngoro nîûndû Ngai nîatwîkîrîte wendo ngororî cietû na njîra ya Roho Mûtheru. Roho ûcio nî kîveo gîetû kuuma kûrî Ngai.

Aroma 8:2

Nîûndû watho wa Roho ûrîa ûtûmaga tûtûûre tûrî ndaarî ya Jesû Kristû nîmûnjovoru kuuma kûrî watho wa mevia na gîkuû.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

Aefeso 4:2

Mavinda monthe îthagîrwani mwînyivîtie, mûvorerete na mûkirîrîrîtie. Onanagiani wendani wenyu na njîra ya gûkiranîrîria mûndû na ûrîa wîngî.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

Tito 1:4

Kûrî Tito, mwana wakwa wa ma wîtîkiorî ûrîa tûgwatanîrîte. Ûrogîa na wega na thayû kuuma kûrî Ngai Vava na kuuma kûrî Jesû Kristû mûvonokia wetû.