Tito 3:3 - ÎVUKU RÎA ÛVORO MWARO

³ Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

Tito 3:3 ပူးပေါင်းရင်းမြစ်များ

Kîam 38:9

Nwatî Onani nîwamenyire atî ciana icio itîgaatuîka ciake. Kwoguo rîrîa rîonthe amenyana kîîmwîrî na mûka wa mûrwang'ina nîwetûrûraga vinya wa ûciari nthî nîguo ndagaciarîre mûrwang'ina ciana.

Kîam 39:16

Mûndûmûka ûcio nîwaigire nguo îo nginya rîrîa mwathi wa Josefu aaûkire mûciî,

Thaburi 36:2

Nîûndû nîeciragia ûvoro wa ûrîa arî mwaro mûno, Ngai ndangîmenya mevia make na amûverithie.

Nthi 8:5

Mue arîa mûtarî aûgî, gîani na ûmenyo, mue andû arîa aritu, îîthomithieni kûgîa na ûmenyo.

Nthi 9:6

Tiganani na andû arîa matarî na ûûgî, na nî mûgûtûûra mwoyo. Tiga ûmenyo ûkwonie mîthiîre mîaro.”

Isaia 44:20

Mûndû ûcio arîcaga mûu, nîûndû meciria make nîmo mamûveenetie, akaremwa nî kwîvonokia wana kana kuga atîrî, “Kinthî tî maveeni nyitîte na njara yakwa ya ûrîo?”

Obadia 1:3

Mwîtîîo wa ngoro yaku nîûkûveenetie, îtûûra rîaku ririgîtwe na rûthingo rwa îthiga rîa vinya; mûciî waku ûrî kîrîmarî îgûrû na wîîraga atîrî, ‘Nî ûrîkû ûngîvota kûûgwîthia nthî?’

Mathaayo 21:29

Nake nîwamûcokerie atîrî, ‘Tînthiî.’ Nwatî vuvarî nîwericûkirwe na akîthiî.

Luka 21:8

Jesû nîwamerire atîrî, “Îîmenyagîrîreni mûtikavîtithue. Nîûndû andû eengî nîmagaaûka makîvûthagîra rîîtwa rîakwa na makiugaga atîrî, ‘Nie nînie Kristû!’ na ‘Îvinda nîrîkinyu!’ Nwatî mue mûtikamarûmîrîre.

Johana 8:34

Nake Jesû nîwamerire atîrî, “Nîramwîra na ma atî, mûndû wa wonthe wîvagia, nî ngombo ya wîvia.

Aroma 11:30

Mue andû a Ndûrîrî nîkûrî vîndî mwatûîre mûremerete Ngai, nwatî rîu nîmûrîkîtie kwîguîrwa ntha nî Ngai nîûndû Ayahudi nîmaaregire kwathîka.

Aroma 6:12

Kwoguo mûtikanareke mevia mathamakage mîrirî yenyu îo îkuucaga atî nîguo mwathîkagîre merirîria mayo.

Aroma 6:17

Nwatî nwanginya tûcokie ngatho kûrî Ngai nîûndû vîndî îmwe mwarî ngombo cia mevia, nwatî nîmwacokire kwathîkîra ûvoro wa ma ûrîa wonekaga maûndûrî marîa mwathomithirue.

Aroma 6:22

Nwatî rîu mûrî ovore kuuma meviarî na mûrî ngombo cia Ngai. Naguo umithio ûrîa mûgîcaga naguo nî gûtûûra mwîyamûrîrîte Ngai na mûthiiarî mwoyo wa tene na tene.

Aroma 6:6

Nîtwîcî atî ûmûndû wetû wa tene nîwambirwe mûtharavarî vamwe na Kristû nîguo vinya wa mwîrî ûrîa wîvagia ûthirue na tûtigacoke gûtuîka ngombo cia mevia.

2Akor 12:20

Nînîramaka atî rîrîa ngaakinya kûu ngethîra mûrî ngûrani na ûrîa nîngîenda mwîthîrwe mwîkariî, nanie mbîthîrwe nîrî ngûrani na ûrîa mûngîenda mbîthîrwe mbîkariî. Nînîramaka nîûndû gatagatîrî kenyu nwa kwîthîrwe na ngarari, wîru, marakara, wîyendi, kûrumana, ngutû, mwîtîîo na kûrega kwîgucana.

Agal 6:3

Mûndû angîciria atî ke nî wa vata na kwaria ma tî wa vata, nîkwîveenia eveenagia.

Akol 1:21

Vîndî îmwe mwarî kûraca na Ngai na mwarî nthû ciake, nîûndû mwethagîrwa mûrî na meciria macûku na mwekaga maûndû macûku.

Akol 3:7

Vîndî îmwe wa namue nîmwekaga maûndû ta mau nîûndû mwatongoragua nî merirîria macûku.

2Tim 3:13

Nwatî andû arîa aganu na arîa maveenanagia nîkwa makaathiîcaga na mbere gûcûka. Andû acio makaaveenanagia na makîveenagua.

2Tim 3:6

Nîûndû andû amwe gatagatîrî kao nîmatonyaga mîciî yene na makenyitîra aka arîa methagîrwa matarî na vinya na arîa maritûvîrîtwe nî mevia meengî na matongoragua nî merirîria macûku.

Tito 1:16

Maugaga atî nîmecî Ngai nwatî ciîko ciao nîireganîte na ûvoro ûcio. Nîmathwîre andû arîa engî, matiathîkaga na matingîvota gwîka ûndû mwaro.

Tito 2:12

Wega ûcio wa Ngai nîûtûtaaraga tûreganage na maûndû marîa matarî ma ûngai na tûtigane na merirîria ma maûndû ma gûkû nthî. Wega ûcio nîûtûtaaraga twîkarage twînyitîtie maûndûrî, tûrî andû arûngîrîru na twîtîkîtie Ngai rîrîa tûrî nthî îno.

Jakuvu 1:26

Mûndû wa wonthe wîciragia nî wa ndini na ndamenyagîrîra rûrîmî rwake, ndini yake nî ya mana na nî kwîveenia eveenagia.

1Pet 1:14

Rîu nîûndû mûrî ciana mbathîki cia Ngai, mûtigatûûre na merirîria marîa mwatûûraga namo vîndî ya tene rîrîa mûtaarî ataûkîre.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 13:14

Nayo nîyavenirie andû onthe na njîra ya ciama irîa yaringire îrî mbere ya nyamû îrîa ya mbere. Nyamû îo ya kaîrî nîyathanire andû matume mûviano wa nyamû îrîa ya mbere îrî njîra ya kûmîva gîtîîo. Nyamû îo nî yagurarîtue na rûviû, nwatî yarî mwoyo.

Kûguû 18:2

Nake nîwaugîrîrie na mûgambo mûnene atîrî: “Nî rîgwîte, Babuloni îtûûra rîrîa rînene nî rîgwîte! Nî rîtuîkîte gîîkaro Kîam ndaimono na îkurungu rîa roho mûcûku, na iconi cionthe njûku na irî mûgiro itûûraga kuo.