Tito 2:5 - ÎVUKU RÎA ÛVORO MWARO

⁵ Nîmagîrîrwe nî kwînyitagia maûndûrî na kwîthagîrwa marî atheru, na marî aka aro a mûciî. Nîmagîrîrwe nî kwathîkîra arûme ao, nîguo arûme matikagîe na ûndû ûngîcambithia ndûmîrîri ya Ngai.

Tito 2:5 ပူးပေါင်းရင်းမြစ်များ

Kîam 18:9

Nao andû acio nîmaaûririe Iburahimu atîrî, “Mûkaguo Sara arî kû?” Nake nîwamacokerie atîrî, “Arî kûrîa îgemarî.”

Kîam 3:16

Ngai-Mûnene, Ngai nîwacokire akîra mûndûmûka atîrî, “Nîngaakwongerera mathîna vîndî îrîa yonthe ûkethagîrwa ûrî îvu, na ngwongagîrîre ûrûrû vîndî ya gûciara. Wana kûnekariî ûguo, we ûkeriragîria mûthuuriguo, nake agaakwathaga.”

2Sam 12:14

Nwatî na njîra ya gîîko kîu wîkîte, nîûnyararîte Ngai-Mûnene. Kwoguo kaana kau nwanginya gagaakua.”

Thaburi 74:10

We Ngai, nthû ciaku nîitûthekerera nginya rî? Nîmatûûra marumaga rîîtwa rîaku tene na tene?

Nthi 7:11

Aarî mûndûmûka wa înegene na ndûrîka, ndaakindagîria gwake mûciî.

Ciîko 9:36

Nakuo îtûûrarî rîa Jopa nîkwarî na mûndûmûka mwîtîkia wetagwa Tabitha. (Rîîtwa rîu rîake na Kîngiriki nî Dorokasi, na nî ta kuga “nthiia.”) Nake nîwamenyerete gwîkaga ciîko mbaro na gûtethagia athîni.

Ciîko 9:39

Kwoguo Petero nîwaûkîrire na akîthiîcania nao. Na vîndî îrîa ke aakinyire kuo, etîkia nîmaamûvirire nyomba ya îgûrû. Nao aka a ndigwa nîmaathiûrûrûkîrie Petero makîrîraga, na makîmwonia cati na magooti marîa Dorokasi aatumîte rîrîa aarî mwoyo.

Aroma 14:16

Ndûkanareke kîndû kîrîa wonaga kîrî Kîamro gîcambue.

Aroma 2:24

Mandîko matheru maugîte atîrî: “Nîûndû wenyu mue Ayahudi, rîîtwa rîa Ngai nîrîcambîtue nî andû a Ndûrîrî.”

1Akor 11:3

Nwatî nîrenda mûtaûkîrwe atî Kristû nî kîongo Kîam mûndûmûrûme wa wonthe, na mûndûmûrûme nî kîongo Kîam mûka, nake Ngai nî kîongo gîa Kristû.

1Akor 14:34

aka marî kanitharî magîrîrwe nî gûkira. Matiîtîkîrîtue kwaria, nwatî nîmagîrîrwe nî kwathîka wata ûrîa watho wa Ayahudi ugîte.

Aefeso 5:33

Nwatî ciugo ino nwa iraria ûvoro ûmwîgiî atî: mûthuuri wa wonthe nwanginya endage mûka wata ûrîa eyendete, na mûndûmûka wa wonthe nwanginya atîîage mûthuuri wake.

Akol 3:18

Mue aka, athîkagîrani athuuri enyu nîûndû ûguo nîguo mûkristiano agîrîrwe nî gwîka.

1Tim 5:10

Nwanginya ethîrwe arî mûndû wîcîkene na arî na ngumo mbaro, mûndûmûka ûrerete ciana ciake na njîra mbaro, ûgwataga andû ûgeni gwake mûciî, ûtethagia andû arîa marî thînarî, ûtungatagîra akristiano arîa engî enyivîtie na wîkaga ûndû wa wonthe mwaro.

1Tim 6:1

Ngombo cionthe nwanginya ivecage anene acio gîtîîo kîrîa kîmagîrîrîte nîguo gûtikagîe mûndû ûkwaria ûndû mûcûku wîgiî rîîtwa rîa Ngai na maûndû marîa tûthomithagia.

Tito 2:4

nîguo mathomithie aka arîa ethî kwenda athuuri ao na ciana ciao.