Tito 2:11 - ÎVUKU RÎA ÛVORO MWARO

¹¹ Ngai nîwonanîtie wega wake ûrîa ûretagîra andû onthe a nthî ûvonokio.

Tito 2:11 ပူးပေါင်းရင်းမြစ်များ

Thaburi 67:2

nîguo andû a nthî yonthe mamenye wendi waku; na mavûrûri monthe mamenye ûvonokio waku.

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Thaburi 96:10

Îrani mavûrûri monthe atîrî, “Ngai-Mûnene nî mûthamaki. Nthî nîîkindîrîtie na ndîngîenyenyeka; ke agaatuîra andû na kîvooto.”

Isaia 45:22

“Njokererani nîguo mûvonokue, andû a nthî yonthe! Nîûndû nie nînie Ngai na gûtirî wîngî.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 52:10

Ngai-Mûnene nîonanîtie vinya wake mûtheru kûrî andû a mavûrûri monthe, nayo mîthiia yonthe ya nthî nîîkona ûvonokio wa Ngai wetû.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Zakaria 4:7

Gûtirî kîndû gîgaakûrigîrîria wana kîethîrwa kîrî kînene ta kîrîma, nwatî nîgîkaavaraganua. We nîûgatuma hekarû rîngî, na ûkîmîrîkia andû nîmakaugîrîria atîrî, “Nî mbaro! Nî mbaro!”

Mathaayo 28:19

Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru.

Maariko 16:15

Nake Jesû nîwamerire atîrî, “Thiîni nthî yonthe mûkavunjîrie andû onthe ûvoro mwaro.

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Luka 3:6

Nao andû onthe nîmakoona ûvonokio wa Ngai!’ ”

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Johana 1:9

Ûyû nîguo warî ûtheri wa ma; ûtheri ûrîa ûkaga gûkû nthî na ûkamûrîkîra andû onthe.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 13:43

Na rîrîa mûcemanio ûrîa warî îvoerorî warîkire, Ayahudi eengî na andû a ndûrîrî eengî agooci Ngai arîa maagarûrîtwe magatonya ndinirî ya Ayahudi nîmaarûmîrîre Paûlo na Baranaba. Nao Paûlo na Baranaba nîmamaarîrie na makîmaûmîrîria matûûre mevokete wega wa Ngai.

Ciîko 13:47

Nîûndû ûguo nîguo Mwathani aatwathire twîkage vîndî îrîa ke aaugire atîrî: ‘Nie nînagûtua ûtheri kûrî andû a ndûrîrî, nîguo wonie andû onthe a gûkû nthî ûrîa makûvonoka.’ ”

Ciîko 17:30

Ngai nîatuîte atî ke ndagûtara mavinda marîa andû mataamwicî. Nwatî rîu ke nîwathaga andû onthe arîa marî kûndû kuonthe merire,

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Aroma 10:18

Nwatî nîmbûria atîrî: Nîma atî andû matirî megua ûvoro mwaro? Nîma nîmeguîte nîûndû Mandîko Matheru maugîte atîrî: “Mîgambo yao nîyathiîre nthî yonthe, na ciugo ciao igîkinya ituri cionthe cia nthî.”

Aroma 5:15

Nwatî Adamu na mûndû ûcio methagîrwa marî na ngûrani, nîûndû kîveo Kîam Ngai tî ûndû ûmwe na mevia ma Adamu. Andû eengî nîmaakwire nîûndû wa mevia ma mûndû ûcio ûmwe. Nwatî wega wa Ngai nî mwîngî makîria, kwoguo andû eengî nîmaamûkîre kîveo kuuma kûrî Ngai na njîra ya wega wa mûndû ûmwe na nîke Jesû Kristû.

Aroma 5:2

Nîûndû wa gwîtîkia, ke nîatûmîte tûgîe na wega wa Ngai ûrîa tûrî naguo rîu. Kwoguo nîtûkenaga nîûndû wa kîîrîgîrîro kîrîa tûrî nakîo gîa gûkagaa riiri wa Ngai.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Agal 2:21

Ndireganîte na wega wa Ngai. Nwatî ethîrwa mûndû nwa atuwe mûthingu nî Ngai na njîra ya watho, ûguo nîta kuga Kristû aakwire mana.

Aefeso 2:5

Wana rîrîa twarî akuû kîîroho nîûndû wa ûremi wetû, nîwatûmire tûtûûre mwoyo vamwe na Kristû. Nî wega wa Ngai ûtûmîte mûvonoke.

Aefeso 2:8

Nî wega wa Ngai ûtûmîte mûvonokue na njîra ya gwîtîkia. Ûvonokio wenyu ndumanîte na mawîra marîa mwanaruta, nwatî nî kîveo kuuma kûrî Ngai.

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

Akol 1:6

Ûvoro mwaro wîkaraga ûkîgîcaga na maciaro na nîûvunjagua nthî yonthe. Ûndû ûyû nîmûtuîkîku wana nginya gatagatîrî kenyu, nîûndû kuuma mûthenya ûrîa mwambîrîrie kwîgua ûvoro mwaro, nîmwambîrîrie gûtaûkîrwa nî ûma wîgiî wega wa Ngai.

2Ath 2:16

Mwathani wetû Jesû Kristû ke mwene, na Ngai Vava ûrîa watwendire na njîra ya wega wake, nîwatûvere ûmîrîru wa tene na tene na kîîrîgîrîro Kîamro.

1Tim 1:14

Nake Mwathani wetû nîamonetie wega wake mwîngî na nînîmwîtîkîtie na ngamwenda nîûndû wa kûgîa na ngwatanîro na Jesû Kristû.

1Tim 2:4

ûrîa wendaga andû onthe mavonoke na mamenye ûvoro wa ma.

2Tim 1:10

Nwatî rîu nîtûguûrîrîtue guo na njîra ya gûka kwa mûvonokia wetû Kristû Jesû. Ke nîathirîtie vinya wa gîkuû. Na na njîra ya ûvoro mwaro ûrîa aavunjirie, nîatûmenyithîtie ûvoro wa mwoyo wa tene na tene.

2Tim 4:17

Nwatî Mwathani aarî vamwe nanie na nîwamûvere vinya wa kûvecana ûvoro mwaro kûrî andû onthe a ndûrîrî, kwoguo nînarutirwe magegorî ma simba.

Ahib 12:15

Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.

Ahib 2:9

Nwatî twonaga Jesû ûrîa gwa kavinda kanini watuirwe mûnini gûkîra araika, nîguo na njîra ya wega wa Ngai akue nîûndû wa andû onthe. Na rîu tûmwonaga ekîrîte nthûmbî îrî na riiri na gîtîîo nîûndû wa ûrîa aathînirue na agîkua.