Thaburi 70:4 - ÎVUKU RÎA ÛVORO MWARO

⁴ Arîa onthe magûcaragia marokena na macanjamûke nîûndû waku! Arîa onthe mendete ûvonokio waku marotûûra maugaga atîrî, “Ngai nî mûnene!”

Thaburi 70:4 ပူးပေါင်းရင်းမြစ်များ

Thaburi 35:27

Tiga arîa mendaga kwona ngîtuîrwa, atî ndirî na mavîtia maugîrîrie na gîkeno na mauge rîngî na rîngî atîrî, “Kaî Ngai-Mûnene nî mûnene-î! Nîakenetue nî ûvootani wa ndungata yake.”

Thaburi 40:16

Nwatî arîa onthe makûgoocaga, makene na magûkûngûîre. Andû onthe arîa mendete ûvonokio waku, vîndî cionthe maugage atîrî, “Ngai-Mûnene nî mûnene!”

Thaburi 5:11

Nwatî tiga arîa onthe maûragîra kûrî we makene, tiga vîndî cionthe mainage makenete. Gitagîra andû arîa makwendete; makenage nîûndû wa maûndû marîa ûmekîrîte.

Thaburi 97:12

Mue andû onthe arîa athingu, kenani nîûndû wa Ngai-Mûnene; na mûmûcokerie ngatho nîûndû wa maûndû marîa ekîte.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Maca 3:25

Ngai-Mûnene nî mwaro kûrî arîa mamwîvokete, na kûrî arîa onthe mamûcaragia.

Johana 16:20

Nie nîramwîra na ma atî: nîmûkaarîra mûrî na kîeva kîîngî mûno ngororî cienyu, nwatî andû a gûkû nthî nîmagaakena. Nîmûkaagîa na kîeva, nwatî kîeva kîenyu nîgîgaacoka gîtuîke gîkeno.