Thaburi 3:4 - ÎVUKU RÎA ÛVORO MWARO

⁴ Ngayagîra Ngai-Mûnene nîguo andethie, na nîambîgucaga arî Zayuni, kîrîmarî gîake kîtheru.

Thaburi 3:4 ပူးပေါင်းရင်းမြစ်များ

Thaburi 34:4

Nînavoire Ngai-Mûnene, na akîmbîgua; nîwanthiririe guoya yonthe îrîa naarî nayo.

Thaburi 91:15

Rîrîa akaambîta nîngaamwîtîka; nîngethîrwa nake arî thînarî; nîngaamûvonokia na ndûme atîîke.

Isaia 65:24

Nîngegucaga mavoya mao wana mbere ya mamvoya, na ngaamacokagîria mavoya mao wana matarîkîtie kûvoya.

Thaburi 34:6

Andû arîa athîni mamwîtaga na nîegucaga; na nîamavonokagia kuuma mathînarî mao monthe.

Jakuvu 5:13

Nîkûrî mûndû wana ûmwe gatagatîrî kenyu wî na mathîna? Nîwagîrîrwe nî kûvoya. Nîkûrî na mûndû wana ûmwe gatagatîrî kenyu wî na gîkeno? Nîwagîrîrwe kwina nyîmbo cia ûkumio.

Mathaayo 7:7

“Voyani, na nîmûkûvewa; cariani, na nîmûkwona; ringaringani mûrango, na nîmûkûvingûrîrwa.

Thaburi 43:3

Mva ûtheri na ûûma waku indongorie, na injokie Zayuni, kîrîmarî gîaku kîtheru, na hekarûrî yaku, kûrîa ûtûûraga.

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Thaburi 138:3

Rîrîa nagwîtire, we nîwambîtîkire, nîwanyongerere vinya.

Thaburi 99:9

Kumiani Ngai-Mûnene Ngai wetû, mûgooceni mûrî kîrîmarî gîake kîtheru! Nîûndû Ngai-Mûnene Ngai wetû nî mûtheru!

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Kîam 15:1

Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”

Thaburi 18:3

Mbîtaga Ngai-Mûnene ûrîa wagîrîrwe nî gûkumua andethie, na nîamvonokagia kuuma kûrî nthû ciakwa.

Thaburi 27:6

Kwoguo nîngaavoota nthû ciakwa irîa inthiûrûrûkîrîtie. Nîngaamûrutîra magongoona hekarûrî yake nginaga ngenete, nîngaaina na ngumie Ngai-Mûnene.

Thaburi 28:7

Ngai-Mûnene nîke vinya wakwa na nîke ûngitagîra, ke nîke nîîvokaga. Nîandethagia na akangenia, nînîmwinagîra nyîmbo cia kûmûkumia.

Thaburi 62:8

Îîvokageni Ngai vîndî cionthe, mue andû aya, mûmenyithagieni mathîna menyu monthe, nîûndû nîke vandû vetû va kûûrîra.

Thaburi 84:12

We Ngai-Mûnene, mwene vinya wonthe, kûrathimwa nî mûndû ûrîa ûkwîvokete.

Thaburi 89:19

Vîndî ya tene we nîwarîrie ndungata ciaku irîa ikwîvokete na njîra ya kîoneki ûkiuga atîrî, “Nie nîmveete mûndû ûmwe njamba vinya, nîmûthuurîte kuuma gatagatî ka andû na ngamûva gîtî Kîam ûthamaki.

Thaburi 119:114

We nîwe ngo yakwa na nîwe ûngitagîra; kiugo gîaku nîkîo kîîrîgîrîro gîakwa.

Nthi 2:7

Ngai-Mûnene nîagaagîra andû arîa athingu mûthithû wa ûûgî; nîagitagîra arîa marî mîthiîre mîkinyanîru.

Maca 3:56

Rîrîa nagûkaîre ngîkwîraga atîrî, “Ndûkavinge matû ûrega kwîgua makaya makwa,” we nîwanthikîrîrie.