Thaburi 113:3 - ÎVUKU RÎA ÛVORO MWARO

³ Kuuma îrathîro nginya îthûîro, rîîtwa rîa Ngai-Mûnene rîrokumua!

Thaburi 113:3 ပူးပေါင်းရင်းမြစ်များ

Thaburi 18:3

Mbîtaga Ngai-Mûnene ûrîa wagîrîrwe nî gûkumua andethie, na nîamvonokagia kuuma kûrî nthû ciakwa.

Thaburi 48:10

Nîûkumagua nî andû a kûndû kuonthe, na ngumo yaku îtambîte nthî yonthe. We wathanaga na kîvooto.

Thaburi 50:1

Ngai-Mûnene, Ngai mwene vinya wonthe nîararia; nîareta andû onthe a nthî kuuma îrathîro nginya îthûîro.

Thaburi 72:11

Athamaki onthe nî makenamîrîria mothiû mbere yake; mavûrûri monthe nî makaamûtungatîra.

Thaburi 86:9

Ndûrîrî cionthe irîa waûmbire nîigaaûka ikûgooce, we Mwathani; na nîikaanîrîra ûnene wa rîîtwa rîaku.

Isaia 24:16

Nîtûregua nyîmbo cia gûkumia Ngai ûrîa mûthingu, ikinwa kuuma mîthiia ya nthî. Nwatî ngoro yakwa nî ndito nî kîeva, nama, ngoro yakwa nî ndito! Ndirî na kîîrîgîrîro! Andû arîa acukanîrîri mekaga maûndû ma ûcukanîrîri, na ûcukanîrîri ûthiîte na mbere kwongerereka.

Isaia 49:13

Mue îgûrû inani mûkenete! Wanamue nthî kenani! Mue irîma ambîrîriani kwina! Nîûndû Ngai-Mûnene nîaûmîrîrîtie andû ake, na nîakeguîra ntha andû ake arîa marathînîka.

Isaia 59:19

Kuuma mwena wa îthûîro, wa mûndû nîagetigîra rîîtwa rîa Ngai-Mûnene, na onanie riiri wake kuuma mwena wa îrathîro. Nîûndû Ke agaaûka ta rûnjî rûvinyûrîte, rûtindîkîtwe nî rûkûngi rûnene rwa Ngai-Mûnene.

Habakuku 2:14

Nîûndû nthî yonthe nîgecûra ûmenyo wa riiri wa Ngai-Mûnene, wata ûrîa manjî mecûraga îriarî.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”