Ruthu 4:10 - ÎVUKU RÎA ÛVORO MWARO

¹⁰ Vamwe na ûguo, Ruthu ûcio Mûmoabu, mûndûmûka ûcio watigirwe nî Mahaloni nîwatuîka mûka wakwa, nîguo ngagaa rîîtwa rîa ûcio wakwire, na rîîtwa rîa andû a mûciî wake rîthiî na mbere gatagatîrî ka andû ao na andû a îtûûra rîa kwao. Mue mûrî aira a maûndû mau mûthenya wa ûmûnthî.”

Ruthu 4:10 ပူးပေါင်းရင်းမြစ်များ

Kîam 29:27

Eterera kiumia gîa gûkûngûîra ûviki kîthire ngûnengere Rakeli, nawe nîûkûndutîra wîra mîaka îngî mûgwanja.”

Kîam 38:9

Nwatî Onani nîwamenyire atî ciana icio itîgaatuîka ciake. Kwoguo rîrîa rîonthe amenyana kîîmwîrî na mûka wa mûrwang'ina nîwetûrûraga vinya wa ûciari nthî nîguo ndagaciarîre mûrwang'ina ciana.

Thaburi 109:15

Ngai-Mûnene aroririkanaga mevia mao vîndî cionthe, nwatî o maroriganîra viû gûkû nthî!

Thaburi 34:16

Nwatî nîareganaga na andû arîa mekaga maûndû macûku, na makua nîatûmaga mariganîre gûkû nthî.

Nthi 18:22

Mûndû agîte na mûka nîagîcaga na kîndû Kîamro; na Ngai-Mûnene nîakenagua nîke.

Nthi 19:14

Mûndû nwa agae indo na nyomba kuuma kûrî aciari, nwatî mûndûmûka mûûgî avecanagwa nî Ngai-Mûnene.

Isaia 48:19

Njiarwa ciaku ingîengîvîte ta mûthanga, ciana ciaku ingîengîvîte ta tûthiga twa mûthanga, rîîtwa rîao rîtikaathengutua kana rîcûkangua.”

Hosea 12:12

Jakovu nîwathiîre Aramu, na arî kûu, nîwarutire wîra wa kûrîthia mbûri nîguo agîe na mûka.

Hosea 3:2

Kwoguo nînagûrire mûndûmûka ûcio na sîlûva îkûmi na ithano na ngunia nyîngî cia cairi.

Zakaria 13:2

Nîngaatharia marîîtwa monthe ma ngai cia mîvuanano kuuma vûrûrirî, nîguo itigaacoke kûririkanwa rîngî. Nîngaathengutia arathi na nthirie maroho monthe macûku kuuma vûrûrirî.

Malaki 2:14

Mue mûragia atîrî, “Aregaga kûmamûkîra nîkî?” Gîtûmi nî atî Ngai-Mûnene nî mûira wa atî we wîthîrîtwe ûtarî mwîvokeku kûrî mûka waku ûrîa wavikirie ûrî mwîthî, na nîunîte mwîvîtwa ûrîa weranîre mbere ya Ngai atî nîûgûtûûra ûrî mwîvokeku kûrî ke.

Aefeso 5:25

Namue athuuri, endagani aka enyu wata ûrîa Kristû eendire kanitha na akîîruta nîûndû waguo.

Gûco 25:6

Kavîcî ka mbere karîa mûndûmûka ûcio magaaciara nake, gageetanua na mûthuuriwe ûcio wakwire nîguo rîîtwa rîake rîtikariganîre kûrî andû a Isiraeli.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.

Josh 7:9

Andû a Kanaani na andû arîa engî onthe matûûraga gûkû makegua ûvoro ûcio. Nao mawîgua magatûthiûrûrûkîria na maûrage andû onthe etû natue nîtûkûriganîra gûkû nthî. Ngai-Mûnene ûgeka atîa nîguo ûgitîre ûnene wa rîîtwa rîaku?”

Ruthu 4:9

Boazu nîwacokire akîîra athuuri acio wa vamwe na andû arîa engî onthe maarî vo atîrî, “Mue mûrî aira atî ûmûnthî nînagûra kuuma kûrî Naomi indo cionthe irîa ciarî cia Elimeleku vamwe na irîa cionthe ciarî cia avîcî ake Kilioni na Mahaloni.