Ruthu 3:7 - ÎVUKU RÎA ÛVORO MWARO

⁷ Na rîrîa Boazu arîkirie kûrîa na kûnyua, nîwegwire eganîrîte na arî mûkenu. Nîwacokire akîthiî na akîmama vakuvî na kîrûndo gîa cairi. Nake Ruthu nîwathiîre acemete, akîguûria mûrengeti, na akîmama vau magûrûrî ma Boazu.

Ruthu 3:7 ပူးပေါင်းရင်းမြစ်များ

Kîam 43:34

Nîmaaveerwe irio kuuma metharî ya Josefu, na Benjamini akîvewa irio maita matano ma irîa ciaverwe acio engî. Kwoguo nîmaarîre, makînyua na magîkenanîra na Josefu.

2Sam 13:28

na akîatha ndungata ciake agîciîra atîrî, “Tuîriani mûmenye waro vîndî îrîa Amunoni agaatuîka mûrîu, na rîrîa ngaamwîra mûmûrage, mûgeka guo. Mûtigetigîre nîûndû nînie ngaûrua nwatî tî mue. Îyûmîrîrieni na mûgîe na ûcamba!”

1Atha 21:7

Mûka Jezebeli nîwamûcokerie atîrî, “Kinthî we tîwe mûthamaki wa Isiraeli? Ûkîra, ûrîe na ûkene. Nîngûgwocera mûgûnda wa mîthavibu wa Nabothi!”

Esita 1:10

Mûthenya wa mûgwanja kuuma kîrugo Kîammbîrîria, mûthamaki aarî mûnyuu ndivei na agacanjamûka. Nake nîwetire ngaramba ciake irîa ciakarambithîtue nîûndû wa gûtungata kwa mûthamaki. Nao nî: Mehumani, Bizitha, Haribona, Bigatha Zethari na Karikasi.

Thaburi 104:15

na ndivei ya kûmacanjamûra, maguta ma ndamaiyû ma kûmûkenia, na irio cia gûtûma agîe na vinya.

Mûvunjia 10:19

Irio nîitûmaga mûndû agîe na gîkeno, ndivei îgacanjamûra mûndû ûtûûrorî, na mbeca nîcio itûmaga maûndû mau mekîke.

Mûvunjia 2:24

Ûndû ûrîa mwaro mûno mûndû angîka ûtûûrorî wake nî kûrîa, kûnyua na gûkenerera wîra wake. Nînaamenyire atî wana ûndû ûyû uumaga kûrî Ngai.

Mûvunjia 8:15

Kwoguo mbîtîkîtie atî andû nîmagîrîrwe nî gwîkenia, nîûndû gûkû nthî gûtirî ûndû mwaro ûkîrîte kûrîa, kûnyua na gwîkenia. Mau nîmo maûndû marîa mûndû agîrîrwe nî gwîka rîrîa akûruta wîra gûkû nthî gwa kavinda karîa Ngai amûveete ga gûtûûra mwoyo.

Mûvunjia 9:7

Thiî ûkarîe irio ciaku ûkenete na ûnyue ndivei yaku ûcanjamûkîte, nîûndû Ngai nîetîkîrîte wîra waku.

1Akor 10:31

Kwoguo ûndû wa wonthe mwîkaga ethîrwa nî kûrîa kana nî kûnyua, îkagani nîguo mûgoocithie Ngai.

Aefeso 5:18

Tigagani kûrîwa nî ndivei nîûndû ûrîu nîkwa ûkûmwananga, vandû va ûguo îcûragwani nî Roho.

Atir 16:25

Rîrîa meecûrirwe nî gîkeno nîmaaugire atîrî, “Îtani Samusoni nîguo atûthondekere mîthako!” Kwoguo nîmeetire Samusoni kuuma njeera. Nîwamathakîre mîthako na makîmûrûngamia gatagatî ka itugî igîrî.

Atir 19:22

Vîndî wa îo maakenaga, wa rîmwe gîkundi Kîam andû marî na mîtugo mîcûku maumîte îtûûrarî nîmaathiûrûrûkîrie nyomba îo na makîambîrîria kûrumia mûrango makîraga mûthuuri ûcio atîrî, “Ruta mûndû ûcio mûkire nake na gûkû nja! Tûrenda kûmenyana nake kîîmwîrî na vinya!”

Atir 19:6

Kwoguo arûme acio oîrî nîmeekarire nthî, makîrîcanîra na makînyunyanîra vamwe. Îthe wa mûndûmûka ûcio nîwerire Mûlawi atîrî, “Nakûthaitha wîtîkîre kûraara gûkû ûmûnthî na wîthîrwe ûrî mûkenu.”

Atir 19:9

Rîrîa Mûlawi, mûndûmûka ûrîa aaigîte na ndungata yake maaûkîrire nîguo mathiî, îthe wa mûndûmûka ûcio nîwaugire atîrî, “Taroriani, rîu kîvwaî kîrî vakuvî gûkinya na nduma îthiîte kûruma. Rarani gûkû rîngî na mûkene na rûyû nîmûkaaramûka kîraûko mwînûke.”

Ruthu 3:6

Kwoguo Ruthu nîwathiîre îtîrirî na agîka wata ûrîa nyaciarawe aamwîrîte.

Ruthu 3:8

Rîrîa gwakinyire vakuvî ûtukû gatagatî, Boazu nîwavindûkire, nîwevûgûrire wa rîmwe na akîmaka mûno nîûndû wa kwona mûndû mûka amamîte magûrûrî make.