3 Kwoguo Ruthu nîwathiîre mûgûndarî na akiuma akethi vuva akîûnganagia cairi îrîa yatigagwa. Ruthu atanarî kûmenya, nîwathiîre mûgûndarî wa Boazu ûrîa warî wa mbarî ya Elimeleku.
Mwanake ûcio nîwacokerie Daudi atîrî, “Nie naarî vau kîrîmarî gîa Giliboa na nînoonire Saûlo anyitîte îtumû rîake. Nacio ikaari cia mbarathi na athigari arîa mathiîcaga matûîte mbarathi cia nthû, ciathiîte imûrûmîrîrîte na îvenya.
Kûu Giligali kwarî na mûndû warî kîmaramari wetagwa Sheba. Sheba aarî mûvîcî wa Bikiri wa kuuma mûvîrîga wa Benjamini. Sheba nîwavuvire karumbeta na akiuga atîrî, “Tue tûtikwenda Daudi! Tûtikûmûrûmîrîra! Andû a Isiraeli nîtwînûkeni wa mûndû gwake mûciî!”
Vîndî wa îo Gehazi eraga mûthamaki ûrîa Elisha aariûkîtie mûndû, wa rîmwe, ng'ina wa kaana karîa kaariûkîtue nîwaûririe mûthamaki amûcokerie nyomba na mûgûnda wake. Nake Gehazi nîwerire mûthamaki atîrî, “Mwathi wakwa mûthamaki ûyû nîke mûndûmûka warî na mûvîcî ûrîa Elisha aariûkirie!”
Na kinthî tûconi twîrî tûtiendagua gatuururu kamwe? Nwatî gûtirî gaconi wana kamwe gatuo kangîkua Îthe wenyu atakwenda.
Na kavinda wa kau, mûthînjîri-Ngai ûmwe nîwanyûrûrûkîte varavararî wa îo. Nwatî rîrîa ke oonire mûndû ûcio nîwamwererekere na akîvîtûkîra mûkîra ûcio wîngî wa varavara.
Na rîîtwa rîa Mwathani wetû Jesû Kristû, nîtûkwatha andû acio na tûmere atî mekarage na mîtugo mîaro na marutage wîra nîguo meyonagîre kîndû gîa gwîtethia mûtûûrîrerî wao.
Ruthu ûcio warî Mûmoabu nîwerire Naomi atîrî, “Tiga nthiî mûgûndarî ngocanie cairi îrîa akethi maratigaria. Nîrî na ma atî nîngwona mûndû ûngîmbîtîkîria kûruta wîra gwake.” Nake Naomi nîwamûcokerie atîrî, “Îî thiî wîke guo mwarîwa.”
Vuvarî Boazu nîwakinyire aumîte Bethilehemu. Nîwakethirie aruti wîra acio atîrî, “Ngai-Mûnene aroîkara namue!” Nao nîmaamûcokerie atîrî, “Ngai-Mûnene arokûrathima!”