Ruthu 2:2 - ÎVUKU RÎA ÛVORO MWARO

² Ruthu ûcio warî Mûmoabu nîwerire Naomi atîrî, “Tiga nthiî mûgûndarî ngocanie cairi îrîa akethi maratigaria. Nîrî na ma atî nîngwona mûndû ûngîmbîtîkîria kûruta wîra gwake.” Nake Naomi nîwamûcokerie atîrî, “Îî thiî wîke guo mwarîwa.”

Ruthu 2:2 ပူးပေါင်းရင်းမြစ်များ

Kîam 32:6

Anjaama arîa Jakovu aatûmîte nîmaacokire na makîmwîra atîrî, “Nîtûthiîre kûrî mûrwanyûkwe Esaû, na nîagûka gûgûtûnga arî na andû magana mana.”

Alawi 19:10

Mûtigacokage mîgûndarî yenyu ya mîthavibu kûngania thavibu irîa ikethîrwa itigarîte, na mûtikaûnganagie thavibu irîa igûcaga, mûgaaitigaga nîguo andû arîa matarî na irio cia kwîgana vamwe na ageni arîa mûtûûranagia nao maûnganagie. Nie nînie Ngai-Mûnene, Ngai wenyu.

Alawi 19:16

Mûtikathiî mûkîguutanaga kûrî andû enyu, na mûtikarute ûira ûngîtûma mûndû ûrîa wîngî atuîrîrwe kûûragwa. Nie nînie Ngai-Mûnene.

Alawi 19:9

“Rîrîa mûgûketha maketha ma mîgûnda yenyu, mûtigakethage irio irîa irî mîthiiarî ya mîgûnda, na mûtigacokage kûngania irio irîa îgaatigara mîgûndarî.

Alawi 23:22

“Vîndî îrîa mûgûketha maketha ma mîgûnda yenyu, mûtigakethage irio irîa irî rûtere rwa mîgûnda na mûtigacokage kûngania irio irîa itigaraga mîgûndarî. Mûgaaitigaga nîguo andû arîa matarî na irio cia kwîgana vamwe na ageni arîa mûtûûranagia nao maûnganagie. Nie nînie Ngai-Mûnene, Ngai wenyu.”

Ruthu 2:3

Kwoguo Ruthu nîwathiîre mûgûndarî na akiuma akethi vuva akîûnganagia cairi îrîa yatigagwa. Ruthu atanarî kûmenya, nîwathiîre mûgûndarî wa Boazu ûrîa warî wa mbarî ya Elimeleku.

Ruthu 2:7

Anthaithire nîmwîtîkîrie aume aruti wîra vuva akîûnganagia cairi. Atinda akîruta wîra kuuma kîraûko tene, na rîu amba kûrûngama kîgunyîrî nîguo anogoke vanini.”

1Sam 1:18

Nake Hana nîwacokirie na akiuga atîrî, “Nie nîngûkûria ûmbîtîkîre nie ndungata yaku ya mûndûmûka.” Kwoguo Hana nîwethiîrîre, akîrîa irio na kîeva gîake gîkîthira.