Ruthu 2:15 - ÎVUKU RÎA ÛVORO MWARO

¹⁵ Rîrîa Ruthu aathiîre gûcaria cairi rîngî, Boazu nîwathire arute wîra ake akîmeera atîrî, “Tigani acarie wana kûu ikûmbwarî na mûtikamûgirie.

Ruthu 2:15 ပူးပေါင်းရင်းမြစ်များ

Alawi 19:9

“Rîrîa mûgûketha maketha ma mîgûnda yenyu, mûtigakethage irio irîa irî mîthiiarî ya mîgûnda, na mûtigacokage kûngania irio irîa îgaatigara mîgûndarî.

Alawi 23:22

“Vîndî îrîa mûgûketha maketha ma mîgûnda yenyu, mûtigakethage irio irîa irî rûtere rwa mîgûnda na mûtigacokage kûngania irio irîa itigaraga mîgûndarî. Mûgaaitigaga nîguo andû arîa matarî na irio cia kwîgana vamwe na ageni arîa mûtûûranagia nao maûnganagie. Nie nînie Ngai-Mûnene, Ngai wenyu.”

Jakuvu 1:5

Nwatî ethîrwa nîkûrî na mûndû wana ûmwe wa cienyu ûtarî na ûûgî, nîwagîrîrwe nîgwîtia Ngai ûrîa ûvecaga andû onthe arî na ûtaana na ûtugi.

Ruthu 2:14

Rîrîa vîndî ya kûrîa irio yakinyire, Boazu nîwerire Ruthu atîrî, “Ûka ava tûrîcanîre irio nawe, na ûvokithie mûgate waku thuvurî.” Kwoguo Ruthu nîwekarire vamwe na aruti wîra, nake Boazu nîwamûnengererie mûgate. Ruthu nîwarîre nginya akîvaa na agîtigaria.

Ruthu 2:16

Rutani cairi imwe ikûmbwarî mûmîrekie nthî nîûndû wake na mûreke amîrorie na mûtikamûgûkie.”