Ruthu 2:12 - ÎVUKU RÎA ÛVORO MWARO

¹² Ngai-Mûnene arokûva kîveo nîûndû wa maûndû mau wîkîte. Ngai-Mûnene, Ngai wa Isiraeli ûrîa ûkîte kûrî ke nîguo akûgitîre arokûva kîveo kîrîa Kîamgîrîrîte!”

Ruthu 2:12 ပူးပေါင်းရင်းမြစ်များ

Thaburi 17:8

Ngitîra ta ndongu ya riitho, ûnthithe rungu rwa mathagu maku,

Thaburi 19:11

Nî manthomithagia nie ndungata yaku, nî monaga maûndû maro rîrîa namaathîkîra.

Thaburi 36:7

We Ngai, kaî wendo waku ûtathiraga nî mwaro-î! Andû methithaga kîrururî Kîam mathagu maku.

Thaburi 57:1

Mbîguîra ntha, we Ngai, mbîguîra ntha, nîûndû mbûkaga kûrî we nîguo ûngitîre. Ngitagîrwa nî kîruru Kîam mathagu maku, nginya rîrîa kîvuvûkanio Kîam mathîna gîkaathira.

Thaburi 58:11

Andû nîmakaauga atîrî, “Nama, Ngai nîavete andû arîa athingu kîveo; nama, kûrî na Ngai ûrîa ûtucagîra andû nthî.”

Thaburi 61:4

Tiga ndûûre nyombarî yaku tene na tene; nîguo ngîcage na ûgitîri nîrî rungu rwa mathagu maku!

Thaburi 63:7

nîûndû we nîwe ûtwîre ûndethagia vîndî cionthe. Nîngaakwinîra ngenete nîrî rungu rwa mathagu maku.

Thaburi 91:4

Ngai nîagaagûkunîkîra na mathagu make; na ûkethagîrwa ûrî mûgitîre ûrî varî ke; wîvokeku wake ûgaakûgitagîra na ûgakûrûîrîra.

Nthi 11:18

Mûndû ûrîa mwaganu anyitaga mûcara wa maveeni, nwatî mûndû ûrîa wîkaga maûndû ma ûthingu anyitaga mûcara wa ma.

Nthi 23:18

Nama, vuvarî kûrî na kîîrîgîrîro, na kîîrîgîrîro gîaku gîtigaatuîka Kîam mana.

Jeremia 31:16

Ngai-Mûnene arauga atîrî, “Kira ûtige kûrîra na wîgirie methori, maûndû mau monthe wîkîte ciana ciaku, nîûndû nîûkaarîvwa wîra waku, na nîigaacoka kuuma vûrûri wa nthû ciao.

Mathaayo 23:37

“Jerusalemu, Jerusalemu! We nî ûragaga arathi na ûkariva na mathiga andû arîa onthe Ngai agûtûmîra! Nî maita megana nie nanenda gûcokanîrîria andû aku vamwe, wata ûrîa ngûkû îcokanagîrîria tûciiû rungu rwa mathagu mayo nwatî ndwanambîtîkîria!

Mathaayo 5:12

Kenani na mûcanjamûke, nîûndû îgai rîrîa mwigîrîtwe kûu îgûrû nî rînene. Ûguo nîguo arathi arîa maarî kuo mbere yenyu maanyaririrwe.

Mathaayo 6:1

“Îîmenyagîrîreni rîrîa mûgwîka ciîko cienyu cia ûthingu mbere ya andû atî nîguo o moone ûrîa mûreka. Mûngîka ûguo mbere ya andû, gûtirî kîveo mûkaavewa nî Îthe wenyu ûrîa wî îgûrû.

Luka 6:35

Vandû va ûguo, endagani nthû cienyu na mûciîkage waro na mûkombithanagie mûtakûgîa na mwîvoko wa gûkaarîvwa. Namue nîmûkaagîa na îgai rînene na mûtuîke ciana cia Ngai ûrîa ûrî Îgûrû Mûno. Nîûndû Ngai arî ntha kûrî andû arîa matarî ngatho na arîa methagîrwa marî na mîtugo mîcûku.

Akol 2:18

Mûtigetîkîre gûtuîrwa nî mûndû wa wonthe ûrîa wendaga kwînenevia akiugaga atî ke nîwonaga cioneki, na wendaga kwîyonania ûrîa arî mwînyivia na ûrîa agoocaga araika. Mûndû ta ûcio etîîaga atarî na gîtûmi nîûndû wa meciria make ma ûmûndû,

2Tim 1:18

Nie nîravoya Mwathani akeeguîra Onesiforo ntha mûthenya wa Mûthiia. Nîûndû we wanawe nîwîcî waro ûrîa aandethirie vîndî îrîa naarî Efeso.

2Tim 4:8

Kwambîrîria rîu nîmbîrîgîrîrîte nthûmbî ya ûthingu îrîa ngaavewa mûthenya wa mûthiia nî Mwathani ûrîa ûtucaga ciira na kîvooto. Tî nie nienga ngaavewa kîveo kîu nwatî nîgîkaavewa andû onthe arîa metagîrîra gûka gwake marî na wendo.

Ahib 11:26

Ke nîwamenyire atî kûmenererua nîûndû wa Mesaya kwarî na vata mûno gûkîra mîthithû yonthe ya Misiri nîûndû eekaraga akîriragîria kîveo kîrîa gîkaavecanwa.

Ahib 11:6

Gûtirî mûndû ûngîvota gûkenia Ngai atarî na wîtîkio. Nîûndû mûndû wa wonthe ûthiîcaga kûrî Ngai nwanginya etîkie atî Ngai arî kuo na nîarathimaga arîa mamûcaragia.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

Ruthu 1:16

Nwatî Ruthu nîwerire Naomi atîrî, “Tiga kûningîrîria ngûtige, atî nîguo tûtikathiî nawe, nîûndû kûrîa ûkaathiî nîkuo ngaathiî; na kûrîa ûgaatûûra nîkuo ngaatûûra. Andû enyu nîo magaatuîka andû akwa, nake Ngai waku nîke ûgaatuîka Ngai wakwa.

Ruthu 2:11

Boazu nîwamûcokerie atîrî, “Nîmenyithîtue maûndû monthe marîa wîkîte nyaciaraguo kuuma rîrîa mûthuuriguo aakwire. Wana nîmbicî ûrîa watigire aciari aku, vûrûri wenyu na ûgîûka gûtûûrania na andû ûtaaicî mbere.

Ruthu 2:13

Ruthu nîwacokirie atîrî, “Mwathi wakwa, we nîûmbîkîte maûndû maro mûno. Nîwatûma ngoro yakwa îvorere na wanyûmîrîria nîûndû wa kûmbarîria na ntha wana ethîrwa ndiîganeene wanarî na ûmwe wa ndungata ciaku.”

Ruthu 4:15

Mûka wa mûvîcîguo nîakwendete na nîagwîkîrîte maûndû mengî gûkîra anake mûgwanja. Na rîu nîagûciarîrîte mûndû wa gûkûgaa ûrîa ûgaatûma ûcokwe nî vinya akûmenyagîrîre ûkûrûrî waku.”

1Sam 24:19

Nî mûndû ûrîkû ûngînyita nthû yake na akamîrekereria îthiî atamîkîte ûûru? Ngai-Mûnene arokûrathima nîûndû wa ûguo wambîka ûmûnthî.

1Sam 24:20

Rîu nînamenya na ma nîûgaatuîka mûthamaki wa Isiraeli na atî ûthamaki nîûkevanda ûtongoretue nîwe.